Published:Updated:

ஜெ. நீக்கிய சர்ச்சை மனிதர்... எடப்பாடிக்குக் காட்டுகிறார் நெருக்கம்!

ஒட்டுமொத்த விகடனுக்கும் ஒரே ஷார்ட்கட்

Use App
ஜெ. நீக்கிய சர்ச்சை மனிதர்... எடப்பாடிக்குக் காட்டுகிறார் நெருக்கம்!
ஜெ. நீக்கிய சர்ச்சை மனிதர்... எடப்பாடிக்குக் காட்டுகிறார் நெருக்கம்!

ஜெ. நீக்கிய சர்ச்சை மனிதர்... எடப்பாடிக்குக் காட்டுகிறார் நெருக்கம்!

பிரீமியம் ஸ்டோரி

“இரட்டைக் கொலை வழக்கில் குற்றம்சாட்டப்பட்டவர் என ஜெயலலிதாவால் கட்சியிலிருந்து நீக்கப்பட்ட ஒருவர், இப்போது முதல்வர் எடப்பாடி பழனிசாமிக்கு சால்வை அணிவிக்கிறார். அம்மா இருந்திருந்தால் இது நடக்குமா?” என்பதுதான் குமரி அ.தி.மு.க-வினரின் குமுறலாக உள்ளது.

ஜெ. நீக்கிய சர்ச்சை மனிதர்... எடப்பாடிக்குக் காட்டுகிறார் நெருக்கம்!

‘‘2011-ம் ஆண்டு தேரூரில் வனத்துறை ஊழியர் ஆறுமுகம், அவரின் மனைவி யோகேஸ்வரி ஆகியோர் ஒரு திருமண வரவேற்பு நிகழ்ச்சிக்குச் சென்று திரும்பியபோது, காரில் வந்த கும்பல் துப்பாக்கியால் சுட்டுக் கொலைசெய்துவிட்டுத் தப்பியது. இந்த வழக்கில், அன்றைய வனத்துறை அமைச்சராகவும் குமரி மாவட்ட அ.தி.மு.க செயலாளராகவும் இருந்த பச்சைமாலின் நிழலாக வலம்வந்த சகாயம் என்பவர் கைது செய்யப்பட்டுச் சிறையில் அடைக்கப்பட்டார். சொத்துப் பிரச்னை எனப் பரபரப்பாகப் பேசப்பட்டது. அன்று இளைஞர் மற்றும் இளம்பெண்கள் பாசறை மாவட்டச் செயலாளராக இருந்த சகாயத்தை, கட்சியின் அடிப்படை உறுப்பினர் பொறுப்பிலிருந்தே நீக்கினார் ஜெயலலிதா. அதையடுத்து, பச்சைமாலின் மாவட்டச் செயலாளர் பதவியும் பறிபோனது.

இரட்டைக் கொலை வழக்கில் ஜாமீனில் வெளியே வந்த சகாயம், சிறிதுகாலம் அமைதியாக இருந்தார். சட்டசபைத் தேர்தலுக்கு முன்பு அ.தி.மு.க-வில் மீண்டும் இணைய முயற்சி செய்தார். மாவட்டச் செயலாளர் தளவாய் சுந்தரம் அதைத் தடுத்துவிட்டார். கடந்த சட்டசபைத் தேர்தலில் குமரியில் ஆறு தொகுதிகளையும் அ.தி.மு.க கோட்டைவிட்டதால், தளவாய் சுந்தரத்தின் மாவட்டச் செயலாளர் பதவி பறிக்கப்பட்டது. வழக்கறிஞர் அணியில் இருந்த விஜயகுமாருக்கு நாடாளுமன்ற மேலவை உறுப்பினர் பதவியும் மாவட்டச் செயலாளர் பதவியும் சேர்த்து வழங்கப்பட்டது. விஜயகுமார் முன்னிலையில் அ.தி.மு.க-வில் இணைந்த சகாயம், இன்று முக்கியப் புள்ளியாக வலம் வருகிறார். அரசு நிகழ்ச்சிகளில் கலந்துகொண்டு கலெக்டர், எஸ்.பி ஆகியோருடன் போட்டோவுக்கு போஸ் கொடுக்கிறார். தென் மாவட்டங்களுக்கு முதல்வர் வந்தால், முன் வரிசையில் நின்று வரவேற்புக் கொடுக்கும் அளவுக்கு முக்கியத்துவம் பெற்றுவிட்டார். வேறு கட்சிகளில் இதுபோன்ற காட்சிகளைக் காணமுடியுமா?” என்பதுதான் கன்னியாகுமரி மாவட்ட அ.தி.மு.க-வினரின் ஆதங்கமாக உள்ளது. சகாயம் குறித்துச் சமூக வலைதளங்களிலும் கருத்துகளைப் பகிர்ந்துவருகின்றனர்.

இதுபற்றி மாவட்ட அ.தி.மு.க மாவட்டச் செயலாளர் விஜயகுமாரிடம் பேசினோம். “இது எங்கள் உள்கட்சி விவகாரம் என்பதால், நான் கருத்துக் கூற முடியாது” என்று முடித்துக்கொண்டார்.

ஜெ. நீக்கிய சர்ச்சை மனிதர்... எடப்பாடிக்குக் காட்டுகிறார் நெருக்கம்!

விஜயகுமாருக்கு நெருக்கமான ஒருவர், “கடந்த சட்டசபைத் தேர்தலின்போது, அமைச்சர் ஆகவேண்டும் ஆசையில், தான் மட்டுமே வெற்றிபெறவேண்டும் என்று தளவாய் சுந்தரம் செயல்பட்டார். இதுபோன்று முன்னாள் மாவட்டச் செயலாளர்கள் சிலரும் செயல்பட்டதால், அனைத்துத் தொகுதிகளிலும்   அ.தி.மு.க மண்ணைக் கவ்வியது. குமரி மாவட்டத்தில் கட்சியை அழித்ததில் தளவாய் சுந்தரத்துக்கு முக்கியப் பங்கு உண்டு. இப்போது மாவட்டச் செயலாளராக இருக்கும் விஜயகுமார், அனைவரையும் ஒருங்கிணைத்துக் கட்சியை வழிநடத்துகிறார். இது பிடிக்காமல் மாவட்டச் செயலாளரை மாற்ற முயற்சி செய்வது போன்ற நடவடிக்கைகளில் தளவாய் சுந்தரம் இறங்கினார். அது பலிக்காததால், தளவாய் சுந்தரத்தின் ஆதரவாளர்கள், மாவட்டச் செயலாளர் விஜயகுமார்மீது அவதூறு பரப்பும் முயற்சியில் ஈடுபட்டுள்ளனர்” என்றார்.

- ஆர்.சிந்து
படங்கள்: ரா.ராம்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு