Published:Updated:

``மனநலம் பாதிக்கப்பட்டவர்களுக்குப் பதில் சொல்ல முடியாது" - நாஞ்சில் சம்பத் கலாய்!

``மனநலம் பாதிக்கப்பட்டவர்களுக்குப் பதில் சொல்ல முடியாது" -  நாஞ்சில் சம்பத் கலாய்!
``மனநலம் பாதிக்கப்பட்டவர்களுக்குப் பதில் சொல்ல முடியாது" - நாஞ்சில் சம்பத் கலாய்!

மனநலம் பாதிக்கப்பட்டவர்களுக்கு எல்லாம் பதில் சொல்ல முடியாது என்று தமிழிசை செளந்தரராஜன் கருத்துக்கு நாஞ்சில் சம்பத் கூறியுள்ளார்.

கோவை போத்தனூர் பகுதியில், நாஞ்சில் சம்பத் திருமண நிகழ்ச்சி ஒன்றில் கலந்துகொண்டார். பின்னர் செய்தியாளர்களைச் சந்தித்த அவர், ``கட்சி அரசியலில் இருந்து விலகி விட்டாலும், தத்துவ அரசியலில் இருந்து விலகவில்லை. பெரியார், அண்ணா லட்சியங்கள் வெல்ல வேண்டுமென விரும்புகிறேன். நாட்டை தரைமட்டமாக்கிய மத்திய மோடி அரசைத் தூக்கி எறிய வேண்டியது அவசியம். நாடாளுமன்றத் தேர்தலில் பா.ஜ.க-வை வீழ்த்த எதாவது ஒரு மேடையில் பிரசாரம் செய்வேன். அ.தி.மு.க  பா.ஜ.கவிடம் அடிமையாக இருக்கிறது.

தி.மு.க-வுடன் இணைய வாய்ப்பில்லை. தி.மு.க வெல்ல வேண்டுமென விரும்புகிறேன். 40 தொகுதிகளிலும் தி.மு.க கூட்டணி வெல்லும். அ.ம.மு.க-வில் ஜனநாயகம் இல்லை. அந்தக் கட்சி வளர்ச்சியை நோக்கிச் செல்லாது” என்றவரிடம் தமிழகத்தில் தாமரையை மலர வைப்போம் என்று பா.ஜ.க மாநிலத் தலைவர் தமிழிசை செளந்தரராஜன் கருத்து குறித்த கேள்விக்கு, ``மனநலம் பாதித்தவர்களுக்கு எல்லாம் பதில் சொல்ல முடியாது” என்று சொல்லிவிட்டுக் கிளம்பினார்.