Published:Updated:

கழுகார் பதில்கள்

கழுகார் பதில்கள்

கழுகார் பதில்கள்

கழுகார் பதில்கள்

Published:Updated:
கழுகார் பதில்கள்

எஸ். ரங்கசாமி, ஸ்ரீரங்கம். 

கழுகார் பதில்கள்

தேசிய கீதத்துக்கு இது 100-வது ஆண்டாமே?

கழுகார் பதில்கள்

அடிமை இந்தியர் ரத்தங்களில் சூடும் சொரணையும் ஏற்படுத்திய சக்தி, ரவீந்திரநாத் தாகூர் எழுதிய இந்தக் கவிதைக்கு உண்டு. 1911 டிசம்பர் 27-ம் தேதி இது, முதன்முதலாக இசைக்கப்பட்டது. கொல்கத்தாவில் நடந்த இந்திய தேசிய காங்கிரஸ் மாநாட்டில் பாடப்பட்டது. வங்க மொழியில் எழுதிய தாகூரே, இதை ஆங்கிலத்திலும் மொழி பெயர்த்தார். நேதாஜியின் இந்திய தேசிய ராணுவத்தில் தேசியகீதமாக இசைக்கப்பட்ட இந்தப் பாடலை, இந்தியாவின் தேசிய கீதமாகவும் நேருஜி ஏற்றுக் கொண்டார். தீவிரவாதிகளும் மிதவாதிகளும் சேர்ந்து இசைத்த கீதம் இது!

தாகூருக்கு இது 150-வது பிறந்த நாள் ஆண்டு. அவரின் பாடலுக்கு 100-வது ஆண்டு. அந்தப் புலமைக்குச் செய்வோம் புகழ் அஞ்சலி!

 சுரேஷ் பாலாஜி, திண்டிவனம்.

கழுகார் பதில்கள்

அண்ணா ஹஜாரே பற்றி தொடர்ந்து அவதூறு பரப்பு​வதிலேயே குறியாக இருக்கிறதே காங்கிரஸ்?

##~##

நேர்மையைப் பற்றி பேசுபவர்களுக்கு இதுதான் பரிசு என்றால், அண்ணா ஹஜாரே அதை தாங்கிக் கொண்டுதான் ஆகவேண்டும்!

'நாட்டின் கருவூலத்துக்குத் திருடர்களால் ஆபத்து இல்லை. கருவூலத்தைப் பாதுகாப்பவர்களால் தான் ஆபத்து. வெளியில் உள்ள எதிரிகளைவிட, உள்நாட்டில் உள்ள துரோகிகளால்தான் நாட்டுக்கு ஆபத்து உள்ளது’ என்று பகிரங்கமாகச் சொல்லும் அண்ணாவை இவர்களுக்கு எப்படிப் பிடிக்கும்?

'நான் ஊருக்குச் சென்று 35 வருடங்கள் ஆகிறது. ஊரில் குடும்பம் உள்ளது. ஆனால், அதையும் விட மேன்மையான குடும்பம் இந்த நாடு’ என்று வாழ்கிறார் அண்ணா ஹஜாரே. சுதந்திரக் கட்சியை சொந்தக் குடும்பக் கட்சியாக மாற்றிக் கொண்டவர்களுக்கு இதெல்லாம் பிடிக்குமா என்ன?

 கே.சந்திரசேகர், கம்பம்.

கழுகார் பதில்கள்

'முல்லைப் பெரியாறு பிரச்னையில் மத்திய அரசு மேற்கொண்ட முயற்சிகள் வெற்றி பெறவில்லை’ என்கிறாரே ராணுவ அமைச்சர் ஏ.கே. அந்தோணி?

மத்திய அரசு உருப்படியாக எந்த முயற்சியும் எடுக்கவில்லை. ஒருவேளை கண்ணாடி முன்நின்று மன்மோகன் தனக்குத் தானே உத்தரவிட்டுக் கொண்டாரோ என்னவோ? கேரளாவில் இருந்து கொண்டு குழப்பத்தை ஏற்படுத்திய முதல்வர் உம்மன்சாண்டி, ஒரு காங்கிரஸ்காரர். அவரை இதுவரை வெளிப்படையாகக் கண்டித்தார்களா? இல்லையே..! அந்தோணி அவரது மாநிலத்துக்கு உண்மையாக இருக்கிறார் என்பது மட்டும் தெரிகிறது!

 அ.பழனியப்பன் தேவகோட்டை.

கழுகார் பதில்கள்

வி.என்.சுதாகரனின் வீடு, அலுவலகத்தில் பிடிபட்ட ஹெராயினை மீண்டும் ரசாயனப் பரிசோதனை செய்ய போதைப் பொருள் தடுப்பு சிறப்பு கோர்ட் உத்தவிட்டுள்ளதே?

வி.என். சுதாகரனின் திருமணத்துக்குச் செலவு செய்தது எவ்வளவு, அந்தப் பணம் எப்படிக் கிடைத்தது  என்ற வழக்கு 14 ஆண்டுகளாக முடியாமல் கிடக்கிறது. அவர் வீட்டில் எடுக்கப்​பட்ட ஹெராயின் ஒரிஜினலா என்ற வழக்கு 10 ஆண்டுகளாக நடக்கிறது. இவை எப்போது முடியும் என்றும் தெரியவில்லை. பொதுவாகவே இந்திய நீதி பரிபாலன முறையில் இப்படிப்பட்ட  கோளாறுகளுக்கும் இடம் இருக்கிறது என்பதைத் தவிர சொல்ல எதுவும் இல்லை!

 ஆர்.வசந்தகுமார், திருப்பூர்.

கழுகார் பதில்கள்

ஐந்து மாநில சட்டசபைத் தேர்தலில் மத்திய அரசுக்கு எதிராகப் பிரசாரம் செய்யப்போவதாக அண்ணா ஹஜாரே அறிவித்திருப்பது சரியா?

இது தவறு!

உதாரணத்துக்கு உ.பி.யை எடுத்துக் கொள்வோம். காங்கிரஸுக்கு எதிராக ஹஜாரே பேசினால் மாயாவதியை யோக்கியர் என்று சொல்வாரா? முலாயம்சிங் ஊழல் இல்லாதவரா? அவரது நண்பர்தானே அமர்சிங்? பா.ஜ.க. ஊழல் நிழல் படியாத கட்சியா? எனவே, ஹஜாரேவின் இத்தகைய முடிவுகள் தவறானதாகும். ஊழல் எதிர்ப்பு என்ற விரிந்த லட்சியத்தை காங்கிரஸ் எதிர்ப்பு என அவர் சுருக்கிக் கொள்ளக் கூடாது!

இந்திய மக்களின் விடுதலைக்குத்தான் மகாத்மா பாடுபட்டார். காங்கிரஸை ஆட்சியில் அமர்த்து​வதற்கு அல்ல. எனவேதான் காங்கிரஸ் ஆட்சியின் நடவடிக்கைகளில் இருந்து மகாத்மா தள்ளியே இருந்தார்.  அதேபோல கட்சி அரசியலில் இருந்து ஹஜாரே தள்ளி இருக்க வேண்டும்!

 மூ.பொன்குமார், சென்னை.44.

கழுகார் பதில்கள்

திராவிடக் கட்சிகளில் மேடைப் பேச்சாளர்கள் குறைந்துவிட்டார்களே?

கொள்கை குறைந்துபோய் விட்டதால் பேச்சாளர்களும் குறைந்து விட்டார்கள். 'மறக்கப்​பட்ட - ஆனால், மறக்க முடியாத மனிதர்கள்’ என்று திருச்சி செல்வேந்திரன் ஒரு புத்தகம் எழுதி இருக்கிறார். அதில் குறிப்பிடப்படும் பேச்சாளர்களைப் பற்றிப் படித்தால் இன்றைய நிலைமை வருத்தமே தருகிறது!

 ஆர். ஜெயகோபால், ராஜபாளையம்

கழுகார் பதில்கள்

ஜெயலலிதா எடுத்த அதிரடி நடவடிக்கைகளால்அதிகம் வருத்தம் அடைந்தது சசிகலாவா? நடராஜனா?

இருவரும் இல்லை! 'இத்தகைய நடவடிக்கை களால் ஜெயலலிதாவின் செல்வாக்கு உயர்ந்து விடக்கூடாதே... அவர் திருந்திவிடக்​கூடாதே’  என்று நினைக்கும் கருணாநிதிதான் அதிக வருத்தம் அடைந்திருக்கக் கூடும்!

 முகேஷ், திருத்தணி.

கழுகார் பதில்கள்

'கடந்த ஏழு ஆண்டுகளில் ஊழல் குற்றச்சாட்டின் அடிப்படையில் யாரும் தண்டனை அடையவில்லை’ என்று லோக்பால் விவாதங்களில் பேசிய தி.மு.க. உறுப்பினர் நாடாளுமன்றத்தில் சொல்லி இருக்கிறாரே?

ஆ.ராசாவுக்குத் தண்டனை தாருங்கள் என்று  இப்படி பகிரங்கமாகவா சொல்வது?

 ந. இராமசாமி, சொக்கநாதன்புதூர்.

கழுகார் பதில்கள்

மன்னார்குடி குடும்பத்தின் சொத்து விவரத்தை இன்னும் நீர் வெளியிடாதது ஏன்?

விவரங்கள் திரட்டப்பட்டு வருகின்றன. பொறுமை ப்ளீஸ்!

கழுகார் பதில்கள்