Published:Updated:

பி.ஜே.பி-க்கு ‘பிரசாதம்’ கிடைக்கவில்லை!

பி.ஜே.பி-க்கு ‘பிரசாதம்’ கிடைக்கவில்லை!
பிரீமியம் ஸ்டோரி
பி.ஜே.பி-க்கு ‘பிரசாதம்’ கிடைக்கவில்லை!

பி.ஜே.பி-க்கு ‘பிரசாதம்’ கிடைக்கவில்லை!

பி.ஜே.பி-க்கு ‘பிரசாதம்’ கிடைக்கவில்லை!

பி.ஜே.பி-க்கு ‘பிரசாதம்’ கிடைக்கவில்லை!

Published:Updated:
பி.ஜே.பி-க்கு ‘பிரசாதம்’ கிடைக்கவில்லை!
பிரீமியம் ஸ்டோரி
பி.ஜே.பி-க்கு ‘பிரசாதம்’ கிடைக்கவில்லை!

பரிமலை ஐயப்பன் கோயிலுக்கு எல்லா வயதுப் பெண்களும் செல்லலாம் என்ற உச்ச நீதிமன்றத்தின் தீர்ப்பைச் செயல்படுத்துவதில் உறுதியாக இருந்த பினராயி விஜயன் அரசுக்கு எதிராகப் பெரும் போராட்டம் நடத்திவந்த பி.ஜே.பி-க்கு, உள்ளாட்சி இடைத்தேர்தல் முடிவு பெரும் அதிர்ச்சியைத் தந்துள்ளது. 

பி.ஜே.பி-க்கு ‘பிரசாதம்’ கிடைக்கவில்லை!

கேரளாவில், உச்ச நீதிமன்றத்தின் இந்தத் தீர்ப்பை ஆரம்பத்தில் ஆதரித்த பி.ஜே.பி., பின்னர் தன் நிலைப்பாட்டை மாற்றிக்கொண்டு பலவிதமான போராட்டங்களில் ஈடுபட ஆரம்பித்தது. அதேபோல, நீதிமன்றத் தீர்ப்பை ஆரம்பத்தில் ஆதரித்த காங்கிரஸ் கட்சியும், பின்னர் அதற்கு நேர்மாறான நிலைப்பாட்டை எடுத்தது. மார்க்சிஸ்ட் கம்யூனிஸ்ட் கட்சி தலைமையிலான பினராயி விஜயன் அரசோ, உச்ச நீதிமன்றத்தின் தீர்ப்பை நிறைவேற்றுவது மாநில அரசின் கடமை என்பதில் உறுதியாக உள்ளது.

கேரளம் முழுவதும் உச்ச நீதிமன்றத் தீர்ப்புக்கு எதிராக ஏராளமான பெண்கள் பங்கேற்ற போராட்டங்கள் நடைபெற்றன. பி.ஜே.பி-யும் பெரும் போராட்டங்களை நடத்தியது. இந்த நிலையில், கேரளத்தின் 14 மாவட்டங்களில் 39 இடங்களுக்கான உள்ளாட்சி இடைத்தேர்தல் நடைபெற்று நவம்பர் 30-ம் தேதி வாக்குகள் எண்ணப்பட்டன. 21 இடங்களில் மார்க்சிஸ்ட் கம்யூனிஸ்ட் கட்சி தலைமையிலான கூட்டணியும், 12 இடங்களில் காங்கிரஸ் கூட்டணியும் வெற்றி பெற்றன. சபரிமலை விவகாரத்தில் பெரும் போராட்டங்களை நடத்தியதால், கேரளாவில் இரண்டாவது பெரிய கட்சியாக வளர்ந்து விட்டதாகக் கூறிய பி.ஜே.பி-க்கு ஆலப்புழா மாவட்டத்தில் மட்டும் இரண்டு வார்டுகள் கிடைத்தன. ஐயப்பன் சுவாமி வளர்ந்த இடம் என்று சொல்லப்படும் பந்தளம் நகராட்சியில் பி.ஜே.பி-க்கு கிடைத்ததோ, வெறும் 12 வாக்குகள் மட்டுமே.

கேரள மாநில பி.ஜே.பி தலைவர் ஸ்ரீதரன்பிள்ளையிடம் பேசியபோது, “சபரிமலையைச் சுற்றி நான்கு மாவட்டங்களிலும் சி.பி.எம் பின்தங்கிவிட்டது. சபரிமலை இருக்கும் பத்தனம்திட்டா மாவட்டத்தில் சி.பி.எம் கட்சிக்கு இருந்த இரண்டு சீட்டுகளும் போய்விட்டன. ஆலப்புழையில் பி.ஜே.பி-க்கு இரண்டு சீட்டுகள் கிடைத்தன. இடுக்கி மாவட்டத்தில் சி.பி.எம் மூன்று சீட்டுகளையும் இழந்தது. உள்ளாட்சி இடைத்தேர்தல் மூலம் எங்கள் வளர்ச்சி அதிகரித்துள்ளது” என்றார்.

மார்க்சிஸ்ட் கட்சியின் தலைவர்களோ, “சபரிமலையை வைத்து அரசியல் செய்த பி.ஜே.பி-க்கு பலத்த அடி கிடைத்திருக்கிறது. சபரிமலை இருக்கும் மாவட்டத்திலே இரட்டை இலக்கத்தை பி.ஜே.பி-யால் தாண்டமுடியவில்லை. பி.ஜே.பி-யின் வகுப்புவாத அரசியலுக்கு கேரள மக்கள் துணைபோக மாட்டார்கள் என்பது இந்தத் தேர்தல் மூலம் மீண்டும் நிரூபணமாகியுள்ளது” என்று கூறுகிறார்கள்.

- ஆர்.சிந்து

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism