Published:Updated:

பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...
பிரீமியம் ஸ்டோரி
பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

Published:Updated:
பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...
பிரீமியம் ஸ்டோரி
பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

பா.ம.க-வின் முன்னாள் எம்.எல்.ஏ-வான காடுவெட்டி குருவின் மரணத்துக்குப் பிறகு, அவரது குடும்பத்துக்குள் ஏகப்பட்ட பிரச்னைகள். இப்போது பா.ம.க-வுக்குப் போட்டியாக புதிய கட்சி தொடங்கும் முனைப்புடன், காடுவெட்டி குருவின் உறவினரும் பா.ம.க-விலிருந்து நீக்கப்பட்டவருமான வி.ஜி.கே.மணி களம் இறங்கியுள்ளார்.

பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

மயிலாடுதுறையை அடுத்த வழுவூரைச் சேர்ந்தவர் மணிகண்டன் என்கிற வி.ஜி.கே.மணி. அதிரடிப் பிரமுகரான இவர், பா.ம.க-விலிருந்து இருமுறை நீக்கப்பட்டு, பிறகு மீண்டும் சேர்க்கப்பட்டார். சமீபத்தில் மூன்றாவது முறையாக கட்சியிலிருந்து நீக்கப்பட்டார் மணி. இவர், கடந்த டிசம்பர் 23-ம் தேதி வழுவூரிலிருந்து பேரணியாக வந்து மயிலாடுதுறையில் காடுவெட்டி குருவின் படத்திறப்பு மற்றும் நினைவேந்தல் நிகழ்ச்சியைத் தலைமை தாங்கி நடத்தினார். அந்த நிகழ்ச்சியில் காடுவெட்டி குருவின் தாயார் கல்யாணி அம்மாள், மகன் கனலரசன், தங்கை செல்வி, மருமகன் மனோஜ் உட்பட பலர் கலந்துகொண்டனர்.

அந்த நிகழ்ச்சியில் பேசிய வி.ஜி.கே.மணி, “என் சின்ன மாமனார் காடுவெட்டி குருவுக்கு ஆதரவாக மருத்துவர் ஐயாவிடம் கோரிக்கை வைத்தேன். இதற்காகவே என்னை மூன்றாவது முறையாகக் கட்சியிலிருந்து நீக்கிவிட்டனர். யாருக்காகக் குரு பாடுபட்டாரோ, அவர்களே அவருக்குத் துரோகம் இழைக்கிறார்கள். குருவின் குடும்பத்தை நடுத்தெருவில் நிறுத்திவிட்டார்கள். இதுநாள் வரை குருவுக்காகத்தான் அமைதியாக இருந்தோம். இனியும் அப்படி இருக்க மாட்டோம். என்னைச் சீண்டிப்பார்த்த பா.ம.க-வினருக்கு தக்க பதிலடி கொடுப்பேன். குருவின் பிறந்த நாளான பிப்ரவரி 1-ம் தேதி, புதிய கட்சியைத் தொடங்கவுள்ளேன்” என்றார் அதிரடியாக.

பா.ம.க-வுக்கு போட்டியாக புதிய கட்சி? - களமிறங்கும் குரு ஆதரவாளர்கள்...

அந்த நிகழ்ச்சியில் பேசிய குருவின் மகன் கனலரசன், “நான் படித்து முடித்த பிறகுதான், இயக்கப் பணி குறித்து முடிவு எடுப்பேன். என் தந்தைக்குப் பிறகு, என் மாமா வி.ஜி.கே.மணிதான், சங்கப் பொறுப்புகள் அனைத்தையும் பார்த்துக்கொள்வார்” என்றார்.

முன்னதாக, குருவின் தாயார் கல்யாணி அம்மாள், “குருவுக்கு மணிமண்டபம் கட்டுவதாகச் சொன்னார்கள். எங்களுக்கு இருக்கும் ஒன்றரைக் கோடி ரூபாய் கடனை அடைத்துவிட்டு மணிமண்டபம் கட்டுங்கள் என்று சொன்னோம். ஆனால், கடனை அடைக்காமல் ஆட்களை வைத்து எங்களைத் தாக்கினார்கள்” என்றார்.

குருவின் விசுவாசிகளிடம் பேசியபோது, “புதிய கட்சி தொடங்கும் பணி நடைபெற்று வருகிறது. புதிய கட்சி, பா.ம.க-வுக்கு- பெரும் பின்னடைவாக இருக்கும்” என்றனர்.

இதுபற்றி பா.ம.க பிரமுகர்கள் சிலரிடம் பேசியபோது, “கட்சிக்கு எதிராகவும், கட்சியின் நற்பெயருக்குக் களங்கம் ஏற்படும் வகையிலும் மணி செயல்பட்டதால், கட்சியிலிருந்து அவர் நீக்கப்பட்டார். தற்போது குருவின் குடும்பத்தில் உள்ள குழப்பத்தைப் பயன்படுத்தி, தலைவர் வேஷம்போடப் பார்க்கிறார்” என்றனர்.

-  ம.ஹரீஷ்