Published:Updated:

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்
பிரீமியம் ஸ்டோரி
பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

Published:Updated:
பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்
பிரீமியம் ஸ்டோரி
பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

“ஜெயலலிதாவுக்கு சிகிச்சை அளித்த லண்டன் மருத்துவரை, மக்களவைத் துணை சபாநாயகர் தம்பிதுரை லண்டனில் வைத்து ரகசியமாகச் சந்தித்ததை ஆறுமுகசாமி ஆணையத்தில் ஒப்புக்கொண்டுள்ளார். இது ஜெயலலிதா மரணம் குறித்த விசாரணையில் பரபரப்பை ஏற்படுத்தியுள்ளது. 

ஆறுமுகசாமி ஆணையத்தில் விசாரணைக்கு ஆஜராகுமாறு துணை முதல்வர் ஓ.பன்னீர் செல்வம், சுகாதாரத்துறை அமைச்சர் விஜயபாஸ்கர், சுகாதாரத்துறை செயலாளர் ராதாகிருஷ்ணன் உள்ளிட்டோருக்கு ஆணையம் சம்மன் அனுப்பியது. சுகாதாரத்துறை செயலாளர் ஏற்கெனவே இரண்டு முறை ஆஜராகிச் சாட்சியம் அளித்துவிட்டார். சுகாதாரத்துறை அமைச்சர் விஜயபாஸ்கர் கடந்த 21-ம் தேதி காலை ஆஜரானார். அவரிடம் முதலில் ஆணையத்தின் தரப்பில் விசாரிக்கப்பட்டது. பின்னர், சசிகலா தரப்பிலும், கடைசியாக அப்போலோ மருத்துவமனையின் தரப்பிலும் விசாரணை நடத்தப்பட்டது. இதுவரை ஆணையத்தில் ஆஜராகிச் சாட்சியம் அளித்த பலரும் ஜெயலலிதாவுக்கு அளிக்கப்பட்ட சிகிச்சைகள் குறித்து, சுகாதாரத்துறை அமைச்சர் விஜயபாஸ்கருக்கு தெரியும் என்று கூறியிருந்தனர். இதனால், விஜயபாஸ்கரின் வாக்குமூலத்தைப் பெரியதாகப் பலரும் எதிர்பார்த்தார்கள். 

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

சாட்சியம் அளித்த விஜயபாஸ்கரோ, யார் மீதும் குற்றச்சாட்டுகள் வைக்கவில்லை. அவர் அளித்த வாக்குமூலத்தில், “முதல்வரின் சிகிச்சையைக் கண்காணிக்க சுகாதாரத் துறையின் சார்பில் ஐந்து மருத்துவர்களை நியமித்தோம். எய்ம்ஸ் மருத்துவர் கிலானி, ஜெயலலிதா மரணத்துக்கு இதயநோய் காரணம் இல்லை என்று சொன்னது பற்றி எனக்குத் தெரியாது. ஆனால், ஜெயலலிதாவுக்கு ‘meropenem’ என்ற மருந்தை கிலானி ஏழு நாள்கள் கொடுத்தார். எய்ம்ஸ் மருத்துவர்கள் பகுதிநேர மருத்துவர்களாக ஜெயலலிதாவுக்கு சிகிச்சை அளித்தனர்” என்று குறிப்பிட்டார். தொடர்ந்து, எய்ம்ஸ் மருத்துவர்களின் அறிக்கையை வைத்து ஜெயலலிதாவுக்கு இதயப் பிரச்னை இல்லையா? என்று விஜயபாஸ்கரிடம் கேட்கப்பட்டதும், “அவர்கள் சொன்னால் சரிதான்” என்று பதில் அளித்துள்ளார். அதாவது, ஜெயலலிதாவுக்கு ஆஞ்சியோகிராம் செய்ய வேண்டியதில்லை என்று எய்ம்ஸ் மருத்துவர்கள் சொன்னதை விஜயபாஸ்கர் ஏற்றுக்கொண்டார். மேலும், “ட்ரைக்யாஷ்டமி சிகிச்சைக்காக 2016, அக்டோபர் 7-ம் தேதி அதிகாலை 3.45 மணிக்கு ஜெயலலிதாவை ஸ்டெரக்சரில் அழைத்துச் சென்றபோது நான் பார்த்தேன். ஜெயலலிதாவுக்கு அப்போலோ, எய்ம்ஸ் மருத்துவர்கள் அளித்த சிகிச்சையில் எந்த சந்தேகமும் இல்லை. 2016, அக்டோபர் 19-ம் தேதி நடந்த அமைச்சரவைக் கூட்டத்தில், ஜெயலலிதா குணமடையத் தீர்மானம் போடப்பட்டது சரியே. அந்தக் கூட்டத்தில் ஓ.பி.எஸ் இருந்தார். ஜெயலலிதாவை வெளிநாட்டுக்குக் கொண்டு சென்று சிகிச்சை அளிப்பது குறித்துக் கூட்டத்தில் விவாதிக்கவில்லை” என்று சொல்லியுள்ளார். 

ஒட்டுமொத்த விகடனுக்கும் ஒரே ஷார்ட்கட்!

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

மக்களவை துணை சபாநாயகரான தம்பிதுரை ஜனவரி 22-ம் தேதி அன்று ஆஜராகி வாக்குமூலம் அளித்தார். அப்போது, “ஓ.பன்னீர்செல்வம், முதல்வர் பதவியை 2017, பிப்ரவரி 5-ம் தேதி ராஜினாமா செய்த பிறகுதான், ஜெயலலிதாவின் மரணத்தில் சந்தேகம் இருப்பதாகக் கூறினார். இதில் எனக்குச் சந்தேகம் இருக்கிறதா என்பதற்கு எந்தக் கருத்தையும் சொல்லமுடியாது. மருத்துவம் தொடர்பான நுட்பமான விஷயங்கள் பற்றி எனக்கு எதுவும் தெரியாது” என்று சொல்லியுள்ளார். தம்பிதுரையிடம் குறுக்கு விசாரணை செய்த சசிகலாவின் வழக்கறிஞர் ராஜாசெந்தூர் பாண்டியன், “நீங்கள் 2018, மார்ச் 29-ம் தேதி லண்டனில் டாக்டர் ரிச்சர்ட் பீலேவைச் சந்தித்தது உண்மையா?” என்று கேட்டதும், ஒரு நிமிடம் அமைதி காத்தார் தம்பிதுரை. பின்பு, “ஜெயலலிதாவுக்கு சிகிச்சை அளிக்க வருவதற்கு முன்பு அவரை யார் என்றே எனக்குத் தெரியாது. ரிச்சர்ட் பீலே நல்ல மருத்துவர். ஆனால், அவர் எந்தத் துறையில் சிறப்பு மருத்துவர் என்று எனக்குத் தெரியாது. அவரை லண்டனில் நான் சந்தித்தது உண்மைதான். எனது உடல்நிலை குறித்து அவரிடம் கேட்டேன். அவர் வேறு ஒரு மருத்துவரிடம் என்னை அழைத்துச் சென்றார்” என்று சொல்லியுள்ளார் தம்பிதுரை.

பீலேவை லண்டனில் சந்தித்த தம்பிதுரை! - ஆணையத்தில் வெளியான ரகசியம்

சசிகலா தரப்பு வழக்கறிஞர் ராஜாசெந்தூர் பாண்டியன், “பன்னீர்செல்வத்துடன் விசாரணையை ஆணையம் முடித்துவிடக் கூடாது. ஆடிட்டர் குருமூர்த்தி இதுவரை ஆஜராகவில்லை. லண்டன் மருத்துவர் விசாரிக்கப் பட வேண்டும். தி.மு.க தலைவர் ஸ்டாலின், ஜெயலலிதா தற்கொலை செய்துகொண்டிருப்ப தாகச் சொல்லியுள்ளார். அவரிடமும் விசாரிக்க சம்மன் அனுப்பவேண்டும் என்று கேட்டுள்ளோம். சில அமைச்சர்களையும் விசாரிக்கவேண்டும் என்று கேட்கவுள்ளோம்” என்றார்.

ஆணையத்தின் பதவிக்காலம் அடுத்த மாதம் முடிவடைகிறது. விடைகளுக்காகக் காத்திருக் கிறார்கள் மக்கள்!

- அ.சையது அபுதாஹிர்
படங்கள்: வி.நரேஷ்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism