Published:Updated:

தி.மு.க கூட்டணியில் இருக்கிறோம்! - ம.ஜ.த மாநிலத் தலைவர் முகம்மது இஸ்மாயில்

ஒட்டுமொத்த விகடனுக்கும் ஒரே ஷார்ட்கட்

Use App
தி.மு.க கூட்டணியில் இருக்கிறோம்! - ம.ஜ.த மாநிலத் தலைவர் முகம்மது இஸ்மாயில்
தி.மு.க கூட்டணியில் இருக்கிறோம்! - ம.ஜ.த மாநிலத் தலைவர் முகம்மது இஸ்மாயில்

தி.மு.க கூட்டணியில் இருக்கிறோம்! - ம.ஜ.த மாநிலத் தலைவர் முகம்மது இஸ்மாயில்

பிரீமியம் ஸ்டோரி

தச்சார்பற்ற ஜனதா தளம் கட்சியின் தமிழ்நாடு மாநிலத் தலைவர், முகமது இஸ்மாயில். கன்னியாகுமரி மாவட்டத்தைச் சேர்ந்த இவர், கடந்த சில வருடங்களாக பி.ஜே.பி கூடாரத்தில் அதிகமாகத் தென்படுகிறார். கன்னியாகுமரியில் வர்த்தக துறைமுகம் கொண்டுவந்ததாக மத்திய அமைச்சர் பொன்.ராதாகிருஷ்ணனை வானளாவப் புகழ்ந்துதள்ளுகிறார். தேர்தல் நேரத்தில் லெட்டர்பேடு கட்சித் தலைவர்கள்கூட சுறுசுறுப்பாக இயங்கிக்கொண்டிருக்கும் நிலையில், அமைதியாக இருக்கும் முகமது இஸ்மாயிலைச் சந்தித்துப் பேசினோம்.

“அனைத்துக் கட்சிகளும் பரபரப்பாகச் செயல்படும்போது, நீங்கள் அமைதியாக இருக்கிறீர்களே?”

“அமைதியாக இருக்கிறோம் என்று யார் சொன்னது? நாடாளுமன்றத் தேர்தலில் தி.மு.க கூட்டணியில் போட்டியிட ஒரு சீட்டு கேட்டிருக்கிறோம். அநேகமாக, சென்னையில் வாய்ப்புக் கிடைக்கலாம்!”

“தி.மு.க கூட்டணியில் தொகுதிப் பங்கீடு முடிந்துவிட்டது. அதில் உங்கள் கட்சியின் பெயரே இல்லையே?”

“என்னது தொகுதி பங்கீடு முடிந்துவிட்டதா? (அதிர்ச்சியாகிறார்). அப்படி முடிந்தாலும், எங்களுக்கு ஒரு தொகுதி ஒதுக்குவார்கள் என்று நம்புகிறோம்.”

தி.மு.க கூட்டணியில் இருக்கிறோம்! - ம.ஜ.த மாநிலத் தலைவர் முகம்மது இஸ்மாயில்

“ஒரு தொகுதி போதுமா?”

“அதிகமாக ஆசைப்படக் கூடாது இல்லையா!”

“தி.மு.க கூட்டணியில் உதயசூரியன் சின்னத்தில் போட்டியிடுவீர்களா?”

“எங்களுக்குத் தனிச் சின்னம் இருக்கிறது. அதில்தான் போட்டியிடுவோம். ஆனால், நான் போட்டியிட மாட்டேன். எங்கள் கட்சியைச் சேர்ந்த வேறு யாராவது போட்டியிடுவார்கள். வேட்பாளர் யார் என்பதைக் கட்சிதான் முடிவுசெய்யும்.”

“மீனவர்கள் எதிர்க்கும் கன்னியாகுமரி வர்த்தகத் துறைமுகத் திட்டத்தை ஆதரிக்கிறீர்களே?”

“மத்திய அமைச்சர் பொன்.ராதாகிருஷ்ணன், ‘மீனவர்களுக்கு சிறு பாதிப்புகூட இல்லாத அளவுக்குத் துறைமுகம் அமைகிறது’ என்று கூறியிருக்கிறார். அதற்காக நான் பி.ஜே.பி-க்கு ஆதரவானவன் என்று அர்த்தம் அல்ல. துறைமுகத் திட்டத்துக்கு மட்டும்தான் ஆதரவு. முன்பு நான் குளச்சல் நகராட்சித் தலைவராக இருந்தபோதே, ‘துறைமுகம் வேண்டும்’ என்று தீர்மானம்போட்டு அரசுக்கு அனுப்பியிருக்கிறேன். பொன்.ராதாகிருஷ்ணன் அல்ல, யார் துறைமுகத் திட்டத்தைக் கொண்டுவந்திருந்தாலும் ஆதரித்திருப்பேன். அதற்காக, வரும் தேர்தலில் பொன்.ராதாகிருஷ்ணனை ஆதரித்துப் பிரசாரம் செய்யமாட்டோம். பொன்.ராதாகிருஷ்ணனும் என்னிடம் ஆதரவு கேட்கவில்லை. அப்படி கேட்டாலும் நாங்கள் ஆதரவு கொடுக்க முடியாது. ஆனால், தி.மு.க கூட்டணியை ஆதரித்துப் பிரசாரம் செய்வேன்.”

“தமிழகத்தில் உங்கள் கட்சிக்கு மக்கள் ஆதரவு இருக்கிறதா?”

“நாங்கள் மத்தியில் ஆட்சி செய்திருக்கிறோம். கர்நாடகத்திலும், கேரளத்திலும் வலுவாக இருக்கிறோம். மற்ற இடங்களில் ரொம்ப வலுவாக இல்லை. கட்சி வளர்ச்சிக்கானப் பணிகளை எங்களால் முடிந்த அளவு செய்துவருகிறோம். எப்படியும் மக்கள் ஆதரவைப் பெற்றுவிடுவோம்.”

- ஆர்.சிந்து, படம்: ரா.ராம்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு