Published:Updated:

“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’

“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’
பிரீமியம் ஸ்டோரி
“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’

“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’

“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’

“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’

Published:Updated:
“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’
பிரீமியம் ஸ்டோரி
“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’

பெயருக்கு ஏற்ப பேச்சிலும் அதிரடியைக் கிளப்புபவர் கராத்தே தியாகராஜன். காங்கிரஸ் கட்சியின் முக்கிய நிர்வாகிகளில் ஒருவரான இவர், ப.சிதம்பரத்தின் தீவிர ஆதரவாளர். நாடாளுமன்றத் தேர்தலையொட்டி அவரிடம் சில கேள்விகளை முன்வைத்தோம்.

“தி.மு.க - காங்கிரஸ் கூட்டணியின் வெற்றிவாய்ப்பு எப்படி உள்ளது?”

“இது வெற்றிக் கூட்டணி. மோடியின் ஆட்சியை அகற்ற வேண்டும், தமிழகத்தில் எடப்பாடி பழனிசாமி ஆட்சியை அப்புறப்படுத்த வேண்டும் என்கிற எண்ணம் மக்கள் மத்தியில் மேலோங்கியுள்ளது. எனவே, இந்தக் கூட்டணி தமிழகத்தில் நாற்பது தொகுதிகளிலும் வெற்றிபெற்று, 2004-ம் ஆண்டு வரலாற்றை மீண்டும் கொண்டுவரும்.”

“கோஷ்டிப்பூசல் வேறு... ஆட்சி மாற்றம் வேறு!” - கராத்தே தியாகராஜன் ‘பன்ச்’

“காங்கிரஸ் கட்சியில் இளங்கோவன், தங்கபாலு உள்ளிட்ட மூத்த தலைவர்களுக்கு தேர்தலில் போட்டியிட வாய்ப்பு இல்லை என்கிறார்களே?”

“தொகுதி முடிவாகியுள்ளது. யாருக்கு வாய்ப்பு என்பதை டெல்லி தலைமை முடிவுசெய்யும். சீனியர், இளைஞர், பெண்கள் என்று பிரித்து வாய்ப்பு வழங்குவார்கள். இருக்கிற தொகுதிகளில் யாருக்கு வாய்ப்பு வழங்க முடியுமோ, அவர்களுக்கு மட்டுமே வழங்குவார்கள். காங்கிரஸ் மூத்த தலைவர்களுக்கு ஒவ்வொரு கட்டத்திலும் ஒவ்வொரு வகையான வாய்ப்பு வழங்கப்பட்டுள்ளது. அதை யாரும் மறுக்க முடியாது.”

“தி.மு.க கூட்டணியில் பா.ம.க., தே.மு.தி.க இடம்பெறாமல் போனதை, பலவீனம் என்று கருதுகிறீர்களா?”

“அப்படியெல்லாம் கிடையாது. இந்தக் கூட்டணி ஏற்கெனவே முடிவான வெற்றிக் கூட்டணி. பல்வேறு போராட்டங்களில் தோழமைக் கட்சிகளாக இருந்து, முடிவான கூட்டணி. எனவே, இந்தக் கூட்டணியே வெற்றிபெறும்.”

“கோஷ்டிகளுக்குப் பேர்போன காங்கிரஸ் கட்சியால், அதைக் கடந்து இந்தத் தேர்தலில் வெற்றியை ஈட்ட முடியுமா?”

“கோஷ்டி இல்லாமல் எந்தக் கட்சியும் இருக்க முடியாது. எங்கள் கட்சியைப் பொறுத்தவரை தலைவர் ராகுல் காந்தி, அன்னை சோனியா காந்தி மட்டுமே ஒரே தலைமை. தமிழகத்தில் தி.மு.க தலைவர் ஸ்டாலின் தலைமையில் ஒன்றிணைந்து, தேர்தல் பணிகளை மேற்கொள்வோம். ஆட்சி மாற்றத்தை நோக்கிச்செல்லும்போது, கோஷ்டிப்பூசலுக்கு வேலை இல்லை.”

“காங்கிரஸ் கட்சி கேட்காத நான்கு தொகுதிகளை, தி.மு.க அழுத்தம் கொடுத்தே தள்ளிவிட்டதாகச் சொல்லப்படுகிறதே?”

“மாநில கமிட்டி விரும்பிய சில தொகுதிகள், டெல்லித் தலைமை குறிப்பிட்ட சில தொகுதிகள் இரண்டையும் சேர்த்து விருப்பத் தொகுதிகள் பட்டியலாகக் கொடுத்தோம். தமிழகத்தில் கூட்டணிக்குத் தலைமை வகிக்கும் தி.மு.க., கூட்டணிக் கட்சிகளுக்கு தொகுதிகளைப் பிரித்துக்கொடுத்தது. கன்னியாகுமரியை நாங்களும் கேட்டோம், சி.பி.எம்-மும் எதிர்பார்த்தது. ஆனால், எங்களுக்கு அத்தொகுதியை ஸ்டாலின் ஒதுக்கினார். அதுபோல், சில தொகுதிகளை அவர்கள் எங்களுக்குத் தந்துள்ளனர். இதில் பிரச்னை ஏதுமில்லை.”

- அ.சையது அபுதாஹிர், படம்: வி. ஸ்ரீனிவாசலு

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism