Published:Updated:

தாயை இழந்த பிள்ளைபோல் அ.தி.மு.க-வில் அநாதையாக இருக்கிறேன்!

தாயை இழந்த பிள்ளைபோல் அ.தி.மு.க-வில் அநாதையாக இருக்கிறேன்!
பிரீமியம் ஸ்டோரி
தாயை இழந்த பிள்ளைபோல் அ.தி.மு.க-வில் அநாதையாக இருக்கிறேன்!

வேதனையில் தே.மு.தி.க முன்னாள் எம்.எல்.ஏ.

தாயை இழந்த பிள்ளைபோல் அ.தி.மு.க-வில் அநாதையாக இருக்கிறேன்!

வேதனையில் தே.மு.தி.க முன்னாள் எம்.எல்.ஏ.

Published:Updated:
தாயை இழந்த பிள்ளைபோல் அ.தி.மு.க-வில் அநாதையாக இருக்கிறேன்!
பிரீமியம் ஸ்டோரி
தாயை இழந்த பிள்ளைபோல் அ.தி.மு.க-வில் அநாதையாக இருக்கிறேன்!

டலூர் மாவட்டம் திட்டக்குடி தொகுதியில், 2011 - 2016 வரை  அ.தி.மு.க கூட்டணியில் தே.மு.தி.க எம்.எல்.ஏ-வாக இருந்தவர் தமிழழகன். இவர் தே.மு.தி.க சார்பில் போட்டியிட்டு பின்னர் ஒரே ஆண்டில் அ.தி.மு.க ஆதரவு எம்.எல்.ஏ-வாக மாறினார். 2012-ல் அப்போதைய முதல்வர் ஜெயலலிதாவை, தொகுதி வளர்ச்சிக்காக சந்திப்பதாகக் கூறி இவரும் மதுரை மத்திய தொகுதி தே.மு.தி.க எம்.எல்.ஏ-வான சுந்தர்ராஜனும் சந்தித்தனர்.

அந்தச் சந்திப்புக்குப் பின்னர் இவர்கள் இருவருமே அ.தி.மு.க ஆதரவு எம்.எல்.ஏ-க்களாக வலம்வந்தனர். ஜெயலலிதா உயிருடன் இருந்தவரை செல்வாக்காக இருந்த திட்டக்குடி எம்.எல்.ஏ தமிழழகன், ஜெயலலிதா மறைவுக்குப் பின் கட்சியினரால் புறக்கணிக்கப்பட்டார். இன்றைய சூழலில், தமிழக அரசியலில் தமிழழகன் எங்கு இருக்கிறார் என்பதே தெரியாத நிலை ஏற்பட்டுள்ளது.

தாயை இழந்த பிள்ளைபோல் அ.தி.மு.க-வில் அநாதையாக இருக்கிறேன்!

கடலூர் மாவட்டம் பெண்ணாடம் பேரூராட்சி சோழன் நகரில் அவரது வீடு உள்ளது. அங்கு அவரைச் சந்தித்தோம். “சாதாரண ஆளாக இருந்த என்னை தே.மு.தி.க தலைவர் விஜயகாந்த், திட்டக்குடி தொகுதியில் போட்டியிட வாய்ப்பளித்து எம்.எல்.ஏ ஆக்கினார். பின்னர், அ.தி.மு.க கூட்டணியிலிருந்து தே.மு.தி.க விலகியதால், என் தொகுதிக்கான பணிகள் எதையும் செய்ய முடியவில்லை. நமக்கு வாக்களித்த மக்களுக்கு ஏதாவது செய்ய வேண்டும் என்ற எண்ணத்தில், ஜெயலலிதாவைச் சந்தித்து அ.தி.மு.க ஆதரவு எம்.எல்.ஏ-வாக ஆனேன். அதன் பின்பு நான் எனது தொகுதிக்காகக் கேட்ட அனைத்து நலத் திட்டங்களையும் ஜெயலலிதா செய்துகொடுத்தார்.

திட்டக்குடியில் அரசு கலைக் கல்லூரி, நீதிமன்ற வளாகம், பெண்ணாடம் சோழன் நகரில் ஆதிதிராவிட மக்கள் 300 பேருக்கு இலவச வீட்டு மனைப்பட்டா, ம.புடையூர் கிராமத்தில் அரசு மாதிரி பள்ளி, வெள்ளாற்றில் பெல்லாந்துறை கிராமத்தில் அணைக்கட்டு, அனைத்து கிராமங்களிலும் சுத்திகரிக்கப்பட்ட குடிநீர் என தொகுதி மக்களுக்கான அனைத்து வசதிகளையும் செய்துகொடுத்தேன். ஜெயலலிதா இறந்த பிறகு அ.தி.மு.க-வில் என்னை யாரும் திரும்பிகூடப் பார்ப்பதில்லை. நான் சென்னைக்கு சென்றால்கூட அமைச்சர்கள் யாரும் என்னை மதிப்பதில்லை. மாவட்ட அமைச்சர் எம்.சி. சம்பத் எனக்கு ஆதரவாக இருக்கிறார். மற்றபடி யாரும் என்னைக் கண்டுகொள்வதில்லை.

எனது ஊரில் நடைபெறும் அ.தி.மு.க கூட்டம், நிகழ்ச்சிகள், விழாக்களுக்குக்கூட என்னை அழைப்பதில்லை. நான் அ.தி.மு.க-வில்தான் உள்ளேன். கடலூர் மேற்கு மாவட்டச் செயலாளராக இருக்கும் அருண்மொழித்தேவன் எம்.பி இருக்கும்வரை என்னால் வளர முடியாது. எங்கே நான் அவருக்குப் போட்டியாக வந்துவிடுவேனோ என்ற அச்சத்தில் என்னை அவர் புறக்கணித்துவருகிறார். முதல்வர் எடப்பாடி பழனிசாமி தன்னால் முடிந்த வரையில்  நல்லாட்சி செய்துவருகிறார். அ.தி.மு.க., தே.மு.தி.க., பா.ம.க கூட்டணி நாடாளுமன்றத் தேர்தலில் அனைத்துத் தொகுதிகளிலும் வெற்றி பெறும். நான் இப்போதும் அ.தி.மு.க-வுக்காக உழைக்கத் தயாராக உள்ளேன். அம்மா மறைவுக்குப் பிறகு தாயை இழந்த மகனைப்போல்  அ.தி.மு.க-வில் அநாதையாக இருக்கிறேன்” என்கிறார் வேதனையுடன்.

- ஜி.சதாசிவம்
படம்: சிலம்பரசன்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism