Published:Updated:

காவிரியைக் காவு கொடுத்த கட்சிகள்..!

காவிரியைக் காவு கொடுத்த கட்சிகள்..!
பிரீமியம் ஸ்டோரி
காவிரியைக் காவு கொடுத்த கட்சிகள்..!

பிரச்னை

காவிரியைக் காவு கொடுத்த கட்சிகள்..!

பிரச்னை

Published:Updated:
காவிரியைக் காவு கொடுத்த கட்சிகள்..!
பிரீமியம் ஸ்டோரி
காவிரியைக் காவு கொடுத்த கட்சிகள்..!

பொதுவாக ஒவ்வொரு தேர்தலின்போதும் அரசியல் கட்சிகளின் வாக்குறுதிகளில் முக்கியமான ஜீவாதாரப் பிரச்னைகள் இடம்பெற்றிருக்கும். ஆனால், தமிழகத்தின் முக்கிய ஜீவாதாரப் பிரச்னையான காவிரி நதிநீர்ப் பங்கீடு குறித்துத் தி.மு.க மற்றும் அ.தி.மு.க கட்சிகள் எந்தவொரு வாக்குறுதியையும் அளிக்கவில்லை. கிட்டத்தட்ட 40 ஆண்டுக் காலமாக இழுத்தடிக்கப்பட்டுக் கொண்டிருக்கும் இப்பிரச்னை குறித்து அரசியல் கட்சிகள் பேசாத நிலையில்... ‘இக்கட்சிகள் தமிழக விவசாயிகளுக்கு வெளிப்படையாகவே துரோகம் இழைக்கத் துணிந்துவிட்டன’ என்று கொதிக்கிறார்கள், காவிரி உரிமை மீட்புக்குழுவினர்.

காவிரியைக் காவு கொடுத்த கட்சிகள்..!

இதுகுறித்துப் பேசிய காவிரி உரிமை மீட்புக்குழுவின் ஒருங்கிணைப்பாளர் பெ.மணியரசன், “நாகப்பட்டினம் நாடாளுமன்றத் தொகுதியில் தேர்தல் பரப்புரை செய்த முதலமைச்சர் எடப்பாடி பழனிசாமி, ‘காவிரித் தண்ணீரைக் கொண்டு வருவதற்காகச் சட்டப் போராட்டம் நடத்திக் களைத்துப் போய்விட்டோம்.

எனவே, மாற்று ஏற்பாடுகள்மூலம், பாசன நீர் பெற முயற்சி செய்து வருகிறோம். அந்த மாற்று ஏற்பாடுகளில் ஒன்றுதான், கோதாவரித் தண்ணீரைக் கொண்டு வருவது’ எனப் பேசியிருக்கிறார். ‘காவிரி உரிமையை மீட்டது அ.தி.மு.க-தான்’ என்று மார்தட்டிக் கொள்ளும் முதலமைச்சர், ‘காவிரியை நம்பிப் பயனில்லை’ என்று பேசுவது முரண்பாடாக இருப்பதோடு... சட்டப்படியான தமிழ்நாட்டின் உரிமையைக் காவு கொடுப்பதாகவும் உள்ளது.

உச்ச நீதிமன்றத் தீர்ப்பின்படி கிடைக்க வேண்டிய காவிரி நீரைக் கொண்டு வர முடியாத முதலமைச்சர், ஆந்திராவிலிருந்து கோதாவரித் தண்ணீரை எப்படிக் கொண்டு வருவார் என்று தெரியவில்லை. கோதாவரித் தண்ணீரைத் தமிழ்நாட்டுக்கு அளிக்க, ஆந்திர மாநில அரசு ஒப்புதல் அளித்துள்ளதா... அதற்கான ஒப்புதலை மத்திய நீர்வளத்துறை அமைச்சகம் பெற்றிருக்கிறதா... தமிழக முதலமைச்சர் ஒப்புதல் பெற்றிருக்கிறாரா எதுவுமே கிடையாது. ஆந்திரா ஒருபோதும் கோதாவரித் தண்ணீரைத் தமிழ்நாட்டுக்குத் தர அனுமதிக்காது. 

ஒட்டுமொத்த விகடனுக்கும் ஒரே ஷார்ட்கட்!

காவிரியைக் காவு கொடுத்த கட்சிகள்..!

காவிரி உரிமை மீட்பிலிருந்து தமிழர்களின் கவனத்தைத் திசை திருப்புவதற்காக... மத்தியில் ஆண்ட ஆட்சியாளர்களும், தமிழ்நாட்டில் உள்ள துரோகிகளும், கங்கை நீரைக் கொண்டு வரப் போகிறோம் என்று, கடந்த நாற்பது ஆண்டுகளாக நாடகமாடினார்கள். அந்த நாடகம் மோசடி என்று அம்பலமான பிறகு, தற்போது கோதாவரி நீரைக் கொண்டு வரப்போவதாகப் பா.ஜ.க-வினரும், அ.தி.மு.க-வினரும் புதிய நாடகத்துக்குத் திரைக்கதை எழுதியிருக்கிறார்கள்.

அ.தி.மு.க மற்றும் தி.மு.க ஆகிய கட்சிகளின் தேர்தல் அறிக்கைகளில்... ‘உச்ச நீதிமன்றத் தீர்ப்பின்படி காவிரித் தண்ணீரை கர்நாடகாவிடமிருந்து பெறுவோம்’ என்று வாக்குறுதி கொடுக்கப்படவில்லை. பா.ஜ.க அரசு ஒப்புக்கு அமைத்த காவிரி ஆணையம் செயல்படாததையும் தமிழகக்கட்சிகள் கண்டிக்கவில்லை. ‘முழுநேரப் பணியாளர்களைக் கொண்ட, சுய அதிகாரம் கொண்ட காவிரி ஆணையத்தை அமைப்போம்’ என இக்கட்சிகள் வாக்குறுதி கொடுக்கத் தயங்குவது ஏன் என்று தெரியவில்லை” என்று கேள்வியெழுப்பினார், மணியரசன்.

நிறைவாகப் பேசிய மணியரசன், “கடந்த 2018-ஆம் ஆண்டு டிசம்பர் மாதத்திலிருந்து உச்ச நீதிமன்றத் தீர்ப்பின்படி மாதந்தோறும் திறந்துவிட வேண்டிய தண்ணீரை கர்நாடகா வழங்கவில்லை. இதைப் பெற்றுத்தரக் காவிரி மேலாண்மை ஆணையம் எந்த நடவடிக்கையும் எடுக்கவில்லை. செயல்படாத அந்தக் காவிரி ஆணையத்தைச் செயல்பட வைப்பதற்கு அ.தி.மு.க அரசும் நடவடிக்கை எடுக்கவில்லை. பா.ஜ.க செய்த துரோகத்தை மறைக்க
அ.தி.மு.க முயல்கிறது. காங்கிரஸ் செய்த துரோகத்தை மறைக்கத் தி.மு.க முயல்கிறது. இனியும் நாம் இப்படியே வாய்மூடியாக இருந்து ஒரு பயனுமில்லை. நம் எதிர்ப்பைக் காட்ட வேண்டிய இடத்தில் காட்ட வேண்டிய விதத்தில் காட்டினால்தான் இவர்கள் வழிக்கு வருவார்கள்” என்றார் உறுதியுடன்.

கு.ராமகிருஷ்ணன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism