Published:Updated:

எலெக்‌ஷன் எக்ஸ்பிரஸ்!

எலெக்‌ஷன் எக்ஸ்பிரஸ்!
பிரீமியம் ஸ்டோரி
எலெக்‌ஷன் எக்ஸ்பிரஸ்!

எலெக்‌ஷன் எக்ஸ்பிரஸ்!

எலெக்‌ஷன் எக்ஸ்பிரஸ்!

எலெக்‌ஷன் எக்ஸ்பிரஸ்!

Published:Updated:
எலெக்‌ஷன் எக்ஸ்பிரஸ்!
பிரீமியம் ஸ்டோரி
எலெக்‌ஷன் எக்ஸ்பிரஸ்!
எலெக்‌ஷன் எக்ஸ்பிரஸ்!

கலைஞர் இல்லாத கோபாலபுரம்!

வெ
ற்றியோ, தோல்வியோ கடந்த அறுபது ஆண்டுகளாகத் தேர்தல் பரபரப்பை, உணர்வுபூர்வமாக உலகுக்குக் காட்டிக்கொண்டிருந்த கோபாலபுரம் கலைஞர் இல்லம் தேர்தல் நாளன்று வெறிச்சோடிக் கிடந்தது. கலைஞர் வாக்களிக்கச் செல்லும் காரில், தயாளு அம்மாள் மட்டும் மு.க.தமிழரசுவுடன் புறப்பட்டுச் சென்றார். கையெழுத்துப் போட இயலாததால், வாக்குச் சாவடியில் கைநாட்டு பதித்தார் தயாளு அம்மாள். கலைஞர் பயன்படுத்திய அதே தள்ளுவண்டியில் தயாளு அம்மாளைச் ஓட்டுச் சாவடிக்குள் அழைத்து வந்தார் தமிழரசு.

எலெக்‌ஷன் எக்ஸ்பிரஸ்!

ஒட்டுமொத்த விகடனுக்கும் ஒரே ஷார்ட்கட்!

மாற்றுத்திறனாளிக்கு மாற்று ஏற்பாடு!

ரா
மநாதபுரம் தொகுதியில், மாற்றுத்திறனாளிகள் வாக்களிக்க உதவியாக 1,367 வீல் சேர்களை மாவட்ட நிர்வாகம் ஏற்பாடு செய்துள்ளது. ஆனாலும், தங்கச்சிமடம் அரசு மேல் நிலைப் பள்ளியில் உள்ள வாக்குச்சாவடி ஒன்றில், வாக்களிக்க வந்த மகேந்திரன் என்கிற மாற்றுத்திறனாளி வாக்காளருக்கு வீல் சேர் வழங்கப்படாததால், தவழ்ந்தபடியே மையத்துக்கு வந்தார். அங்கிருந்த வாக்கு இயந்திரம் அவருக்கு எட்டாத நிலையில் இருந்தது. இதனால், அவர் வாக்களிக்க முடியாமல் தவித்தார். இதை வாக்குமையத்தில் இருந்த அதிகாரிகளும் கண்டுகொள்ளவில்லை. இதனால், வாக்குப்பதிவில் தாமதம் ஏற்பட்டது. வாக்களிக்கக் காத்திருந்த மற்ற வாக்காளர்கள் இதுகுறித்து பிரச்னை எழுப்பினர். இதன் பின்னரே வாக்குமைய அதிகாரிகள், அந்த மாற்றுத்திறனாளி வாக்காளர் வாக்களிக்க மாற்று ஏற்பாடு செய்தனர்.

எலெக்‌ஷன் எக்ஸ்பிரஸ்!

கடமை தவறாத  அன்பழகன்!

ஸ்பிரின் கார்டன் இல்லத்திலிருந்து சக்கர நாற்காலியில் புறப்பட்ட பேராசிரியர் அன்பழகன், மாநகராட்சி அலுவலகத்துக்கு வந்து ஓட்டளித்தார். ‘காரில் ஏறி, இறங்குவது சிரமமாக இருப்பதாலும் சுவாசிக்க ஆக்ஸிஜன் சிலிண்டர் பயன்படுத்துவ தாலும் சக்கர நாற்காலியிலேயே வந்தார்’ என்று அவருடைய உதவியாளர் தெரிவித்தார்.

அண்ணனுக்கு ஓர் ஓட்டு... தம்பிக்கு ஓர் ஓட்டு!

தே
னி மாவட்டம், ஆண்டிபட்டி முத்தனம்பட்டி கிராமத்தில் நடந்திருப்பது செம வடிவேல் காமெடி! ஆண்டிபட்டி சட்டமன்ற இடைத்தேர்தல் வேட்பாளர்களாக தி.மு.க மற்றும் அ.தி.மு.க ஆகிய இரு கட்சிகளும் உடன்பிறந்த அண்ணன் தம்பிகளை வேட்பாளர்களாக நிறுத்தியிருக்கிறது. அண்ணன் மகாராஜன் தி.மு.க வேட்பாளர். தம்பி லோகிராஜன் அ.தி.மு.க வேட்பாளர். இவர்கள் பிரமலைக்கள்ளர் சமூகத்தைச் சேர்ந்தவர்கள். அந்தச் சமூகத்தைச் சேர்ந்த சாதி அபிமானிகள், யாருக்கு வாக்களிப்பது என்ற குழப்பத்தில் இருந்தனர். அப்படிதான் ஒரு குரூப் வாக்களித்து விட்டு வெளியே வரும்போது, அ.தி.மு.க-வினர் எதிர்பட்டனர். அவர்களிடம், “தம்பிக்கு ஓட்டுப் போட்டாச்சு” என்றார்கள். பின்பு அதே குரூப் தெருமுனையில் திரும்பும்போது தி.மு.க-வினர் எதிர்பட்டனர். அவர்களிடம் அசராமல், “அண்ணனுக்கு ஓட்டுப் போட்டாச்சு... தெம்பா போங்கண்ணே” என்றார்களே பார்க்கலாம்!

டிரைவரா... செய்தியாளரா?

ன்னியாகுமரி நாடாளுமன்றத் தொகுதியில், டி.வி மீடியாவுக்கு ஒரு செய்தியாளர், ஒரு வீடியோகிராபர் என்று இரண்டு அடையாள அட்டைகளும், பிரின்ட் மீடியாவில் செய்தியாளர்களுக்கு மட்டும் அடையாள அட்டையும் வழங்கப்பட்டன. அதிலும் சில செய்தியாளர்களுக்கு அடையாள அட்டை வழங்கப்படவே இல்லை. இதுகுறித்து பி.ஆர்.ஓ அலுவலகத்தில் செய்தியாளர்கள் தரப்பில் புகார் கூறப்பட்டது. பிறகு, சில செய்தியாளர்களுக்கு அடையாள அட்டைகள் வழங்கப்பட்டன. அந்த அடையாள அட்டையில் செய்தியாளர்களுடைய புகைப்படம் மட்டும் ஒட்டி, பி.ஆர்.ஓ அலுவலக டிரைவர் பெயர் மற்றும் முகவரி இருந்தது. இந்தநிலையில், கலெக்டர் பிரசாந்த் மு.வடநேரேயைச் சந்தித்த செய்தியாளர்கள், புகைப்பட கலைஞர்களுக்கும் அடையாள அட்டை வழங்கவேண்டும் என வலியுறுத்தினர். கலெக்டர், அரசாணையை சுட்டிக்காட்டி, ‘‘புகைப்படக் கலைஞர்களுக்கு அடையாள அட்டை வழங்க முடியாது” என்றார். உடனே செய்தியாளர்கள், ‘‘டிரைவர் பெயரில் வழங்கப்பட்ட அடையாள அட்டையை கலெக்டரிடம் காட்டி, இதில் என்ன விதிமுறை கடைபிடிக்கப்பட்டுள்ளது?’’ என்று ஆவேசமானார்கள். இதற்கு கலெக்டரிடம் எந்தப் பதிலும் இல்லை. 

ஓட்டு போடவும் லேட்டு...

கவல் தொழில்நுட்ப துறை அமைச்சர் மணிகண்டனின் வீடு ராமநாதபுரம் வண்டிக்காரர் தெருவில் உள்ளது. இவருடைய வீட்டுக்கு அருகில் அமைந்துள்ளது அறிஞர் அண்ணா நகராட்சி நடுநிலைப் பள்ளி. இங்குள்ள வாக்குப்பதிவு மையத்தில் அமைச்சர் மணிகண்டனுக்கு ஓட்டு உள்ளது. இங்கு வாக்களிப்பதற்காக அமைச்சர் மணிகண்டன் காலை 8 மணிக்கு வர உள்ளதாகத் தெரிவிக்கப்பட்டிருந்தது. இதையடுத்து செய்தியாளர்கள், புகைப்படக்காரர்கள் வாக்குச்சாவடியில் தயாராக இருந்தனர். அமைச்சர் மணிகண்டனோ, வழக்கம் போல் தாமதமாக 11 மணிக்கு வாக்களிக்க வந்தார். இதைப் பார்த்த பத்திரிகையாளர்கள், “அமைச்சர் வழக்கமாக அரசு நிகழ்ச்சிகளில்தான் லேட்டாக வருவார். இதையும் அரசு நிகழ்ச்சி என்று நினைத்துவிட்டார் போல...” என்று கமென்ட் அடித்துவிட்டுச் சென்றார்கள்!

பொலிவிழந்த போயஸ் கார்டன்!

றைந்த முன்னாள் முதல்வர் ஜெயலலிதாவின் வீடான ‘வேதா இல்லம்’ போயஸ்கார்டனில் உள்ளது. எப்போதுமே உள்ளே செல்ல இயலாத அளவுக்குக் கடுமையான கெடுபிடிகள் இருக்கும். ஆனால், வாக்குப்பதிவு நாள் அன்று கேட்பார் இல்லாமல் வெறிச்சோடிக் கிடந்தது கார்டன். கடந்தத் தேர்தல்களில் எல்லாம் ஜெயலலிதாவும் சசிகலாவும் ஓட்டுப்போட கிளம்பும்போது போயஸ் கார்டன்  திருவிழாக் கோலமாக இருக்கும். இந்தத் தேர்தல் நாளன்று செக்யூரிட்டி ஒருவர் மட்டுமே இருந்தார். எப்படியிருந்த கார்டன் இப்படியாகிவிட்டதே!

எலெக்‌ஷன் எக்ஸ்பிரஸ்!

தேர்தல் பணியில் கல்லூரி மாணவிகள்!

ஞ்சாவூர் கலெக்டரும் தேர்தல் நடத்தும் அதிகாரியுமான அண்ணாதுரை, தஞ்சை சட்டமன்ற இடைத்தேர்தல் பணிக்கு அரசு கல்லூரியைச் சேர்ந்த நூற்றுக்கும் மேற்பட்ட மாணவிகளைப் பயன்படுத்தினார். அதிக வாக்காளர்களைக் கொண்ட வாக்குச்சாவடி ஒவ்வொன்றுக்கும் தலா இரண்டு மாணவிகள் தேர்தல் பணிக்காக நியமிக்கப்பட்டனர். வாக்காளர்களை வரிசையில் நிற்க வைப்பது, மாற்றுத் திறனாளிகள் வந்தால், அவர்களை வண்டியில் உட்காரவைத்து அழைத்துச்செல்வது உள்ளிட்டப் பணிகளை அந்த மாணவிகள் உற்சாக மாகச் செய்தார்கள். இந்தப் பணியில் ஈடுபட்டதால், தேர்தல் தொடர்பாக விழிப்பு உணர்வைப் பெற்றதாக தெரிவித்தார்கள் மாணவிகள்!

- ஜூவி டீம்