Published:Updated:

பட்டாசு ஆலைகள்...பகீர் உண்மைகள் - மினி தொடர்: பாகம் 3

பட்டாசு ஆலைகள்...பகீர் உண்மைகள் - மினி தொடர்: பாகம் 3
பட்டாசு ஆலைகள்...பகீர் உண்மைகள் - மினி தொடர்: பாகம் 3

 -எம்.கார்த்தி


படங்கள்:
ஆர்.எம்.முத்துராஜ்


முதலிப்பட்டி வெடி விபத்தை தொடர்ந்து விதிமுறை மீறல்கள் குறித்து வருவாய்த்துறை மற்றும் வெடி பொருள் கட்டுப்பாட்டுத்துறையினர் பட்டாசு ஆலைகளில் விதிமுறை மீறல்கள் தொடர்பாக 300 பட்டாசு ஆலைகளில் இதுவரை அதிரடி ஆய்வுகள் நடத்தியுள்ளனர்.

பட்டாசு ஆலைகள்...பகீர் உண்மைகள் - மினி தொடர்: பாகம் 3

ஆனால் பாழாய்போன லஞ்சம் இதிலும் மூக்கை நுழைத்து விடுகிறது. பிறகென்ன...? "அளவுக்கு அதிகமாக பட்டாசு இருப்பு வைத்திருக்கிறீர்கள், தொழிலாளர் வருகை பதிவேட்டை சரியாக பராமரிக்கவில்லை" என்று ஏதாவது விதிமுறை மீறல்களை சொல்லி, ஒவ்வொன்றுக்கும் ஒரு ரேட் விதித்து வசூல் செய்து பாக்கெட்டை நிரப்பும் ஆயுதமாகத்தான் இந்த ரெய்டு நடவடிக்கைகள் இருக்கிறது. இதுவரை அதிகாரிகள் ரெய்டு நடத்தி ஏழாயிரம் பண்ணை பாண்டியன் பயர் ஒர்க்ஸ், வெம்பக்கோட்டை ரவீந்திரா பயர் ஒர்க்ஸ் உள்பட 3 பட்டாசு ஆலைகளின் லைசென்ஸ் மட்டுமே நிரந்தரமாக ரத்து செய்யப்பட்டுள்ளது.

 
போட்டுக்கொடுக்கும் பெரிய பட்டாசு ஆலைகள்

சிவகாசியில் பெரிய பட்டாசு ஆலைகளை விட இப்போது சின்ன பட்டாசு ஆலைகளின் எண்ணிக்கை நாளுக்கு நாள் அதிகரித்து வருகிறது. சின்ன ஆலைகளின் தயாரிப்புகள்  பெரிய நிறுவனங்களின் பட்டாசுகளுக்கு இணையாக இருப்பதால் இவற்றின் விற்பனையை பதம் பார்க்கிறது. எனவே பெரிய நிறுவனங்கள் தொழில்போட்டி காரணமாக அதிகாரிகளை கையில் போட்டுக்கொண்டு சின்ன ஆலைகளை குறி வைத்து சிக்க வைப்பதாக குற்றச்சாட்டுக்கள் கிளம்பியிருக்கிறது. பெரியது, சின்னது என்று இரண்டுக்கும் இடையே நடக்கும் தொழில் போட்டியினால் சட்டம் ஒழுங்கு பிரச்னை ஏற்பட வாய்ப்பிருப்பதாக உளவுத்துறை மேலிடத்துக்கு ரிப்போர்ட் அனுப்பி பீதியோடு காத்திருக்கிறது.

 
எவ்வளவு பேர் செத்தாலும் 3 ஆயிரம் ரூபாய்தான் அபராதம்

பட்டாசு தொழிலில் மட்டும் கடந்த 20 ஆண்டுகளில் வெடி விபத்துக்களில் 200க்கு அதிகமானவர்கள் பலியாகியுள்ளனர்.ஆனால் வெடி விபத்துக்களில் எவ்வளவு உயிர் இழப்பு ஏற்பட்டிருந்தாலும் இ.பி.கோ 304 பிரிவின் கீழ் 'விபத்து ' என்று வழக்குப் பதிவு  செய்யப்படும். பிறகு அஜாக்கிரதையாக செயல்பட்டு, விபத்துக்கு காரணமாக இருந்ததாக கூறி சம்மந்தப்பட்ட பட்டாசு ஆலையின் லைசென்ஸ்தாரர், ஃபோர்மென், மேனேஜர் ஆகியோர் மீது வழக்கு பதிவு செய்யப்படும். இதற்காக நீதிமன்றத்தில் அவர்களுக்கு வழங்கப்படும் தண்டனை 3 ஆயிரம் ரூபாய் அபராதம் மட்டுமே. இதனால்தான் பட்டாசு ஆலைகளில் நடக்கும் விபத்துக்கள் குறித்து ஆலை அதிபர்கள் 'கண்டு கொள்வதில்லை.

பட்டாசு ஆலைகள்...பகீர் உண்மைகள் - மினி தொடர்: பாகம் 3

எனவே பட்டாசு ஆலைகளில் உயிர் இழப்பு ஏற்பட்டால் ஆலை அதிபர் மற்றும் ஃபோர்மேன் மீது கொலை முயற்சி வழக்கு பதிவு செய்ய வேண்டும்' என்ற குரல், பல்வேறு தரப்பிலும் ஓங்கி ஒலிக்க தொடங்கியிருக்கிறது. சமீபத்தில் கூட விருதுநகர் எஸ்.பி. மகேஸ்வரன் பட்டாசு ஆலையில் விபத்து ஏற்பட்டால் ஆலை அதிபர்கள் மீது குண்டர் தடுப்பு சட்டம் பாயும் என்று எச்சரிக்கை விடுத்துள்ளார். இது ஆலை அதிபர்கள் மத்தியில் பெரும் கலக்கத்தை உண்டாக்கியுள்ளது.

 
சாட்டையை சுழற்றும் மத்திய, மாநில அரசுகள்

பட்டாசு ஆலைகள்...பகீர் உண்மைகள் - மினி தொடர்: பாகம் 3

பட்டாசு விபத்துகளுக்கு பேன்சி ரக வெடிகள் தயாரிப்புத்தான் முக்கிய காரணம் என்பதால், இப்போது மத்திய வெடி பொருள் கட்டுப்பாட்டுத்துறையினர் சில அதிரடி உத்தரவுகளை பிறப்பித்துள்ளனர். அதாவது பேன்சி ரகம் தயாரிக்கும் பட்டாசு ஆலைகளில் இப்போது ஒவ்வொரு 'அறை'க்கும் இடையே இடைவெளி 15 மீட்டர் தூரத்தில்தான் இருக்கிறது. இதனால் விபத்து ஏற்பட்டதும் தீ மளமளவென்று பிற 'அறை' களுக்கு பரவி உயிர் இழப்பு அதிகரிக்கிறது. எனவே ஒவ்வொரு அறைக்கும் இடையே 40 மீட்டர் இடைவெளி இருக்க வேண்டும்.

அதுபோல் ஒவ்வாரு அறைகளுக்கும் இடையே சிமிண்ட் ரோடு அமைக்க வேண்டும் என்று உத்தரவு பிறப்பித்தது. ஆனால் 15 மீட்டர் தூரத்தை 40 மீட்டர் தூரமாக்க வேண்டுமானால் பிற பட்டாசு 'அறைகள்' இடிபடும். அதனால் ஒரு பட்டாசு ஆலையில் 20 அறைகள் இருந்தால் அவற்றின் எண்ணிக்கை 10 ஆக குறையும்.

மேலும் சிமிண்ட் ரோடு அமைப்பதற்கு லட்சக்கணக்கில் செலவு ஆகும் என்று சொல்லி பட்டாசு ஆலைகள், வெடி பொருள் கட்டுப்பாட்டுத்துறைக்கு எதிராக கோர்ட்டில் வழக்கு தொடர்ந்து, அது இப்போது நிலுவையில் இருக்கிறது. பட்டாசு ஆலைகளை, இந்த புதிய விதிமுறைகளை பின்பற்ற நிர்ப்பந்திக்க முடியாமல் வெடி பொருள் கட்டுப்பாட்டுத்துறையினர் கையை பிசைந்து கொண்டிருக்கின்றனர்.

 
பேன்சிக்கு தடை

மத்திய வெடி பொருள் கட்டுப்பாட்டுத்துறையினர் ஒரு பக்கம் பேன்சி ரக வெடிகள் தயாரிப்புக்கு புதிய

பட்டாசு ஆலைகள்...பகீர் உண்மைகள் - மினி தொடர்: பாகம் 3

கட்டுப்பாடுகளை விதிக்கின்றனர் என்றால், மற்றொரு பக்கம் விருதுநகர் மாவட்ட நிர்வாகம் உயிர் இழப்புக்களுக்கு முக்கிய காரணமாக விளங்கும் பேன்சி ரக வெடிகள் தயாரிப்புக்கு முற்றிலும் தடை விதிக்க வேண்டும் என்று மாநில அரசுக்கு பரிந்துரை செய்துள்ளது.

இது தொடர்பாக மத்திய, மாநில அரசுகள் ஆலோசனை நடத்தி வருகின்றன. ஆனால் பேன்சி வெடிக்கு தடை விதித்தால் லட்சக்கணக்கான தொழிலாளர்கள் வேலை இழக்கும் அபாயம் ஏற்படும்.

அதே நேரம் சீனாவில் இருந்து பேன்சி ரக வெடிகள் அதிக அளவில் இறக்குமதியாகும் என்று பட்டாசு ஆலைகள் இதற்கு எதிர்ப்பு கொடி காட்ட தொடங்கியிருக்கின்றனர்.

இன்னும் பல பகீர் தகவல்களை நாளை பார்க்கலாம்...