Published:Updated:

பட்டாசு ஆலைகள்...பகீர் உண்மைகள் - மினி தொடர்: பாகம் 4

பட்டாசு ஆலைகள்...பகீர் உண்மைகள் - மினி தொடர்: பாகம் 4
பட்டாசு ஆலைகள்...பகீர் உண்மைகள் - மினி தொடர்: பாகம் 4


 -எம்.கார்த்தி


படங்கள்:
ஆர்.எம்.முத்துராஜ்


 
முதலிப்பட்டி பட்டாசு வெடி விபத்தில் 40 பலியான சம்பவத்தின் வேதனை மறைவதற்குள் 2013ம் ஆண்டு தொடங்கிய 5 மாதங்களுக்குள் இதுவரை சிவகாசி பட்டாசு ஆலைகளில்  13 வெடி விபத்துகள் ஏற்பட்டு 22 பேர் பலியாகியுள்ளனர். இதில் 11 பேர் பலத்த தீக்காயத்துடன் உயிருக்கு போராடி வருகின்றனர். தமிழ்நாடு பட்டாசு உரிமையாளர் சங்கத்தலைவர் விஜயக்குமாருக்கு சொந்தமான நாராயணபுரம் ரத்னா பயர் ஒர்க்ஸ்சில் கடந்த ஏப். 28 ஆம் தேதி ஏற்பட்ட வெடி விபத்தில் 8 பேர் பலியாகியுள்ளனர். விடுமுறை தினமான ஞாயிற்றுக்கிழமை விதிமுறையை மீறி பட்டாசு ஆலையில் பட்டாசுகள் தயாரிக்கும் பணி நடந்தததும், தடை செய்யப்பட்ட ' செந்தூரம்' என்ற வேதியியல் கெமிக்கல்லை கொண்டு பேன்சி ரக பட்டாசுகளின் மூலப்பொருளான மணி மருந்தை தயாரிக்கும்போதுதான் வெடி விபத்து ஏற்பட்டது என்று உளவுத்துறை அரசுக்கு அறிக்கை அனுப்பியது. உளவுத்துறை ரிப்போர்ட்டை படித்த முதல்வர் ஜெயலலிதா மூடு அவுட் ஆகினாராம்.

பட்டாசு ஆலைகள்...பகீர் உண்மைகள் - மினி தொடர்: பாகம் 4

அதிகாரிகளிடம் சீறிய முதல்வர் ஜெயலலிதா

நாராயணபுரம் விபத்தில் 8 பேர் பலியான துயர சம்பவத்தின் சுவடுகள் மறைவதற்குள் அடுத்தடுத்து விளாம்பட்டி அருகே மீனாட்சி பயர் ஓர்க்ஸ்சில் ஏற்பட்ட விபத்தில் 4 பேர் பலியாகினர். அதுபோல் செங்கமலநாச்சியார்புரத்தில் நடந்த மற்றொரு பட்டாசு ஆலை விபத்தில் 2 பேர் பலியாகினர். அடுத்தடுத்து நடந்த வெடி விபத்தில் 6 பேர் பலியாகினர். சட்டசபை கூட்டத்தொடரின் போது பட்டாசு ஆலைகளில் நடந்த வெடி விபத்துக்களும், கொத்து கொத்தாக மடிந்த உயிர்கள் பற்றியும் எதிர்கட்சிகள் கவன ஈர்ப்பு தீர்மானங்கள் கொண்டு வந்தன.

மேலும் பட்டாசு ஆலைகளின் விதிமுறை மீறல்களை தடுக்க வேண்டிய அதிமுக அரசின் அதிகாரிகள், பட்டாசு ஆலை உரிமையாளர்களுக்கு சாதகமாக நடப்பதினால்தான் உயிர் இழப்புகள் அதிகரித்துள்ளன என்று எதிர்கட்சிகள் குற்றம் சுமத்தின.

உடனே தொழிலாளர் நலத்துறை அமைச்சர் செல்லப்பாண்டியன் சட்டசபையில், "வெடி விபத்துகளுக்கு காரணம் மத்திய அரசின் வெடி பொருள் கட்டுப்பாட்டுத்துறையினரின் அலட்சிய போக்குத்தான்" என்று பதில் சொல்லி எதிர்கட்சிகளின் தாக்குதல்களை சமாளித்தார். இதையடுத்துதான் முதல்வர் ஜெயலலிதா பட்டாசு ஆலை விபத்துக்கள் விவகாரம் குறித்து சீரியஸாக எடுத்துக்கொண்டார். சிவகாசி பட்டாசு ஆலைகளில் என்ன தான் நடக்கிறது; ஏன் இத்தனை உயிர் இழப்புகள்; அதிகாரிகள் ஒழுங்காக செயல்படுகிறார்களா? என்று விசாரித்ததோடு, பட்டாசு ஆலைகளின் விதிமுறை மீறல்கள் தொடர்பாக கடும் நடவடிக்கை எடுக்க வேண்டும் என்று தலைமைச்செயலாளர் ஷீலா

##~~##
பாலாகிருஷ்ணன் உள்பட அதிகாரிகளிடம் சீறி விழுந்தாராம்.
 
வேகம் எடுத்த அரசின் நடவடிக்கைகள்
பட்டாசு ஆலை தொடர்பான விபத்துக்கள் மற்றும் விதிமுறை மீறல்கள் தொடர்பான அதிகாரிகளின் ரெய்டு நடவடிக்கைகள் எல்லாம் அதுவரை ஏதோ பெயரளவுக்குத்தான் நடந்து கொண்டிருந்தது. முதல்வர் ஜெயலலிதா தலையீட்டுக்கு பிறகு பட்டாசு ஆலை விபத்துகள் தொடர்பாக அதிகாரிகளின் நடவடிக்கைகள் இப்போது தடதடக்க தொடங்கியுள்ளது. மத்திய வெடி பொருள் கட்டுப்பாட்டுத்துறையினர் மற்றும் வருவாய்த்துறை அதிகாரிகள் ஒவ்வொரு பட்டாசு ஆலைகளிலும் ரெய்டு நடத்தி, விதிமுறை மீறல்கள் கண்டுப்பிடிக்கப்பட்டு இதுவரை 36 பட்டாசு ஆலைகளுக்கு விளக்கம் கேட்டு ஷோகாஸ் நோட்டீஸ் அனுப்பியுள்ளனர். தொடர்ந்து பட்டாசு ஆலைகளை கண்காணிக்க 5 பேர் கொண்ட கண்காணிப்பு குழு அமைக்கப்பட்டுள்ளது.
அதிர்ச்சி வைத்தியம் கொடுத்த போலீஸ் எஸ்.பி.
முதல்வர் ஜெயலலிதாவின் தலையீட்டுக்கு பிறகு பட்டாசு ஆலைகளின் வெடி விபத்து தொடர்பாக போலீசாரும் அதிரடி நடவடிக்கைகளில் இறங்கியுள்ளனர். இதுவரை பட்டாசு ஆலையில் விபத்து ஏற்பட்டு எவ்வளவு உயிர்கள் பலியானாலும் போலீஸை பொறுத்த வரை, நாம் ஏற்கனவே கூறியபடி அது இ.பி.கோ., 304 என்ற செக்ஷனின் கீழ் விபத்து என்று வழக்கு பதிவு செய்யப்படும். பட்டாசு ஆலை லைசென்ஸ்தாரர் மற்றும் ஃபோர்மென், மேனேஜர் ஆகியோர் மீது பெயரவில் இந்த வழக்கு பதிவு செய்யப்படும். பிறகு கோர்ட்டில் முன் ஜாமீன் பெற்று அவர்கள் சுதந்திரமாக வெளியே உலா வருவார்கள். வழக்கம் போல் பட்டாசு ஆலையில் பட்டாசு உற்பத்தி ஜரூராக நடக்கும்.
பட்டாசு ஆலைகள்...பகீர் உண்மைகள் - மினி தொடர்: பாகம் 4

நீதிமன்றத்தில் இந்த வழக்கு நிரூபிக்கப்பட்டால் அதிகபட்சமாக 3 ஆயிரம் ரூபாய் அபராதம் விதிக்கப்படும். ஆனால் இப்போது நராயணபுரம் வெடி விபத்து சம்பவத்துக்கு பிறகு விருதுநகர் எஸ்.பி. மகேஸ்வரன், பட்டாசு ஆலைகளில் விதிமுறைகளை மீறியதால் விபத்து ஏற்பட்டு, உயிர் இழப்புகள் ஏற்பட்டால் பட்டாசு ஆலை உரிமையாளர்கள் மீது குண்டர் சட்டம் பாயும். மேலும் பட்டாசு ஆலையின் லைசென்ஸ் நிரந்தரமாக ரத்து செய்ய அரசுக்கு பரிந்துரைக்கப்படும். எனவே பட்டாசு ஆலை அதிபர்கள் விபத்து ஏற்படாத வகையில் பாதுகாப்பு விதிமுறைகளை கடைப்பிடித்து பட்டாசு உற்பத்தியில் ஈடுபட வேண்டும் என்று ஒரு அதிரடி அறிவிப்பு வெளியிட்டார்.

கலக்கத்தில் பட்டாசு ஆலை உரிமையாளர்கள்

குண்டர் தடுப்பு சட்டத்தின் கீழ் பட்டாசு ஆலை உரிமையாளர்கள் சிறையில் அடைக்கப்படுவார்கள் என்ற எஸ்.பி. மகேஸ்வரின் அதிரடி அறிவிப்பு பட்டாசு ஆலை உரிமையாளர்கள் மத்தியில் பெரும் கலக்கத்தை உருவாக்கியுள்ளது. இதையடுத்து பட்டாசு ஆலை உரிமையாளர்கள் எஸ்.பி.யின் இந்த புதிய அறிவிப்பை வாபஸ் பெற வேண்டும் என்று சிவகாசியில் நேற்று அதிரடியாக ரோடு மறியிலில் ஈடுபட்டனர். ஆனால் எஸ்.பி. மகேஸ்வரன் விடாப்படியாக அறிவிப்பை வாபஸ் பெற முடியாது. பட்டாசு உரிமையாளர்கள் விபத்து ஏற்படாத வகையில் பட்டாசு உற்பத்தியில் ஈடுபட வேண்டும். இல்லையென்றால் குண்டர் தடுப்பு சட்டம் பாய்வது உறுதி என்று சொல்லவும் பட்டாசு ஆலை உரிமையாளர்கள் வாய் அடைத்து போய் விட்டனர்.

 
கறார் காட்டிய அமைச்சர் செல்லப்பாண்டியன்

முதல்வர் ஜெயலலிதா உத்தரவின் பேரில் சிவகாசியில் கடந்த 18 ஆம் தேதி பட்டாசு விபத்தை தடுப்பது

பட்டாசு ஆலைகள்...பகீர் உண்மைகள் - மினி தொடர்: பாகம் 4

தொடர்பான பட்டாசு உரிமையாளர்களுடனான ஆலோசனை கூட்டம், தொழிலாளர் நலத்துறை அமைச்சர் செல்லப்பாண்டியன் தலைமையில் நடந்தது.

அமைச்சர்கள் கே.டி.ராஜேந்திரபாலாஜி, வைகைச்செல்வனும் பங்கேற்றனர். கூட்டத்தில் பேசிய அமைச்சர் செல்லப்பாண்டியன், ஒவ்வொரு முறையும் பட்டாசு ஆலையில் விபத்து ஏற்பட்டு உயிர்பலி அதிகமாகும் போது முதல்வர் ஜெயலலிதாவிடம் பதில் சொல்ல வேண்டிய பொறுப்பு எனக்கு இருக்கிறது. பட்டாசு ஆலைகளில் விதிமுறை மீறல்கள் இருப்பதற்கு சின்ன உதாரணம். தமிழ்நாடு பட்டாசு உரிமையாளர்கள் சங்க தலைவர் விஜயகுமாருக்கு சொந்தமான நாரயணபுரம் ரத்னா பட்டாசு ஆலையில் விடுமுறை நளான ஞாயிற்றுக்கிழமை ஆலை திறக்கப்பட்டு பட்டாசு தயாரிக்கும் பணி நடந்தது.

பட்டாசு ஆலைகள்...பகீர் உண்மைகள் - மினி தொடர்: பாகம் 4

அப்போது மணி மருந்து கலக்கும் போதுதான் 8 பேர் பலியாகியுள்ளனர். மேலும் தடை செய்யப்பட்ட செந்தூரம் என்ற வேதியியல் பொருளை கலக்கும் போதுதான் உராய்வு ஏற்பட்டு விபத்து ஏற்பட்டுள்ளது. இது எல்லாம் அப்பட்டமான விதிமுறை மீறல்கள்.

விடுமுறை நாளான ஞாயிற்றுக்கிழமை பட்டாசு ஆலைக்கு லீவு விட்டிருந்தால் அந்த 8 அப்பாவி தொழிலாளர்கள் உயிரை விட்டிருக்க வேண்டியதிருக்காது.

எனவே இனிமேல் விதிமுறைகளை மீறும் பட்டாசு ஆலைகளை இந்த அரசாங்கம் வேடிக்கை பார்த்துக்கொண்டிருக்காது" என்று அவரது பேச்சில் அனல் பறந்தது. பட்டாசு ஆலை உரிமையாளர்கள் முகத்தில் ஈ ஆடவில்லை.

பட்டாசு ஆலை விபத்துக்களில் உயிர் இழப்பை தடுக்க முடியுமா? நிர்வாக ரீதியாக அதிகாரிகளுக்கு உயிர்பலியை தடுப்பதில் என்ன பிரச்னை என்பது பற்றி நாளை பார்ப்போம்...!