Published:Updated:

பணம் கொடுத்த வெற்றியல்ல... ஜனம் கொடுத்த வெற்றி! - நவாஸ்கனி நறுக்...

பணம் கொடுத்த வெற்றியல்ல... ஜனம் கொடுத்த வெற்றி! - நவாஸ்கனி நறுக்...
பிரீமியம் ஸ்டோரி
News
பணம் கொடுத்த வெற்றியல்ல... ஜனம் கொடுத்த வெற்றி! - நவாஸ்கனி நறுக்...

பணம் கொடுத்த வெற்றியல்ல... ஜனம் கொடுத்த வெற்றி! - நவாஸ்கனி நறுக்...

“பதவியை பர்சேஸ் செய்துவிட்டார்” என்கிற குற்றச்சாட்டை தகர்த்து, ராமநாதபுரத்தைக் கைப்பற்றியிருக்கிறார் இந்திய யூனியன் முஸ்லிம் லீக்கின் நவாஸ்கனி. இந்த வெற்றி குறித்து அவரிடம் சில கேள்விகளை முன்வைத்தோம்.

“காசிக்கு நிகரான இந்துக்களின் புனிதத்தலமாகத் திகழும் ராமநாதபுரம் தொகுதியில் உங்கள் வெற்றி சாத்தியமானது எப்படி?’’

“காசி, பி.ஜே.பி-யின் நரேந்திர மோடியைத் தேர்ந்தெடுத்திருக்கிறது என்றால் ராமேஸ்வரம், முஸ்லிம் லீக்கின் நவாஸ்கனியைத் தேர்ந் தெடுத்துள்ளது. இது இந்தியாவின் பன்முகத் தன்மையையும் தமிழகத்தின் மதச்சார்பின்மையையும் காட்டுகிறது. தவிர, இது என் சொந்தத் தொகுதி. நான் தொகுதியின் அனைத்து மக்களுக்கும் உரிமையானவன், உண்மையானவன். மக்கள் என்மீது வைத்த நம்பிக்கை மற்றும் தி.மு.க உள்ளிட்ட கூட்டணிக் கட்சியினரின் உழைப்பு... இவையே இந்த வெற்றியைத் தீர்மானித்தது.’’

பணம் கொடுத்த வெற்றியல்ல... ஜனம் கொடுத்த வெற்றி! - நவாஸ்கனி நறுக்...

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

“ராமேஸ்வரத்தை மேம்படுத்த என்ன திட்டங்களை வைத்திருக்கிறீர்கள்?”

“எனக்கு முன்பும் முஸ்லிம்கள் இங்கு மக்கள் பிரதிநிதிகளாக இருந் திருக்கிறார்கள். ராமேஸ்வரம் மட்டுமல்லாமல், உத்திரகோசமங்கை உள்ளிட்ட இந்துக்களின் புனிதத் தலங்களுக்கு அவர்கள் தங்கள் பங்களிப்புகளைச் செய்திருக்கிறார்கள். நாடு முழுவதுமிருந்து மக்கள் ராமேஸ்வரத்துக்கு வருகின்றனர். அங்கு வரக்கூடிய மக்களின் அடிப்படைத் தேவைகளான சுகாதாரமான தங்கும் இடம், எளிமையான போக்குவரத்து, குடிநீர் ஆகியவை கிடைப்பதற்கு முன்னுரிமை கொடுப்பேன்.’’

“மீனவர்களின் பிரச்னைகளைத் தீர்க்க என்ன செய்யப்போகிறீர்கள்?’’

“தமிழக மீனவர்கள் காலம் முழுவதும் கண்ணீர் சிந்துவதை மாற்றுவதற்காக நாடாளுமன்றத்தில் அழுத்தமாகக் குரல் கொடுப்பேன். இலங்கையில் உள்ள தூதரகங்களை அரசு முறையில் தொடர்பு கொண்டு மீனவர்களுக்கான பாதுகாப்பை உறுதிப்படுத்த முயற்சி செய்வேன்.’’

“மத மோதல் பிரச்னைகளால் தொகுதியில் அடிக்கடி பதற்றம் ஏற்படுகிறது. அதை எப்படிக் கையாள்வீர்கள்?’’

“ராமநாதபுரம் மாவட்டம் மதநல்லிணக்கத்திலும் சகோதரத்துவத்திலும் முதன்மையானது. இங்கு அனைத்து மதத்தினரும் அண்ணன் தம்பியாய் உறவு முறைகளோடு வாழ்ந்து கொண்டிருக்கின்றனர். ஆனால், ஒரு சிலர் மத உணர்வுகளைத் தூண்டிவிட்டு, அரசியல் ஆதாயம் பெற முயற்சி செய்கிறார்கள். அவர்களின் செயல்களை விரைவில் அம்பலப்படுத்துவேன். அப்போது உண்மையை மக்கள் விளங்கிக்கொள்வார்கள்.’’

“தொகுதியில் கடுமையான குடிநீர் பஞ்சம் நிலவுகிறது. என்ன செய்யப்போகிறீர்கள்?’’

“நரிப்பையூரில், கடல் நீரைக் குடிநீராக்கும் திட்டம், காவிரி கூட்டுக் குடிநீர் திட்டங்களை தி.மு.க அரசு கொண்டுவந்தது. தொடர்ந்துவந்த அ.தி.மு.க அரசு அதைச் சரியாகப் பராமரிக்க வில்லை. அவற்றைப் புனரமைத்து, மீண்டும் செயல்படுத்துவேன்.’’

“தொழில் அதிபராகவும் வசதி மிக்கவராகவும் திகழும் உங்களைத் தொகுதி மக்கள் எளிதில் அணுக முடியுமா?’’

“ஒரு முன்னணி தொழில் நிறுவனத்தை நடத்தி வந்தாலும் எப்போதும் மக்களுக்கு எளிதில் அணுகும் வகையில்தான் இருக்கிறேன். ஆண்டுதோறும் கல்வி உதவிகளைச் செய்து கொண்டிருக்கிறோம். என் வீட்டிலும் நிறுவனத்திலும் மக்கள் எப்போதும் என்னைச் சந்திக்கலாம். மின்னஞ்சல்கள் மற்றும் சமூக ஊடகங்கள் வழியாகவும் என்னை அணுகலாம்.’’

“சிலர் ‘பணம் கொடுத்து வாங்கப்பட்டது இந்த வெற்றி’ என்கிறார்கள். அவர்களுக்கு உங்கள் பதில்?’’

“இது வெற்றிபெற முடியாதவர்களால் கூறப்படும் அவதூறு. தமிழர்களுக்கும் தமிழ்நாட்டுக்கும் கேடு செய்கின்ற கட்சிகளைப் புறக்கணிக்க, தமிழக மக்கள் எடுத்த முடிவு இது. பணம் கொடுத்த வெற்றி அல்ல இது... எங்கள் ஜனங்கள் கொடுத்த வெற்றி இது!’’

- இரா.மோகன்
படம்: உ.பாண்டி.