Published:Updated:

மூன்று சென்ட் நிலம்... 25,000 பேருக்கு லட்சியம்... 10,000 பேருக்கு நிச்சயம்!

மூன்று சென்ட் நிலம்... 25,000 பேருக்கு லட்சியம்... 10,000 பேருக்கு நிச்சயம்!
பிரீமியம் ஸ்டோரி
மூன்று சென்ட் நிலம்... 25,000 பேருக்கு லட்சியம்... 10,000 பேருக்கு நிச்சயம்!

செந்தில் பாலாஜி அதிரடி

மூன்று சென்ட் நிலம்... 25,000 பேருக்கு லட்சியம்... 10,000 பேருக்கு நிச்சயம்!

செந்தில் பாலாஜி அதிரடி

Published:Updated:
மூன்று சென்ட் நிலம்... 25,000 பேருக்கு லட்சியம்... 10,000 பேருக்கு நிச்சயம்!
பிரீமியம் ஸ்டோரி
மூன்று சென்ட் நிலம்... 25,000 பேருக்கு லட்சியம்... 10,000 பேருக்கு நிச்சயம்!

திர்க்கட்சியாக இருந்துகொண்டே பிரமாண்டமான திட்டத்தைச் செயல்படுத்தவிருக்கிறது, தி.மு.க. ஆம், அந்தக் கட்சியின் தற்போதைய அரவக்குறிச்சி எம்.எல்.ஏ-வான செந்தில் பாலாஜி, அரவக்குறிச்சி சட்டமன்ற இடைத்தேர்தலின்போது, ‘25,000 பேருக்கு மூன்று சென்ட் நிலம் தருவேன்’ என்று வாக்குறுதி கொடுத்திருந்தார். அவர் வெற்றிபெற்றிருக்கும் நிலையில், அந்த வாக்குறுதியை நிறைவேற்ற, தீவிர முயற்சியில் இறங்கியிருக்கிறார்.

சமீபத்தில் நடைபெற்ற நாடாளுமன்றத் தேர்தலிலும் சட்டமன்ற இடைத்தேர்தலிலும் உச்சகட்ட பணப்புழக்கம், அதிரடி வாக்குறுதிகள் எனக் களைகட்டியது அரவக்குறிச்சி தொகுதி. ‘செந்தில் பாலாஜி ஜெயிக்கவே கூடாது’ என்று கங்கணம் கட்டிக்கொண்டு பிரசாரம் மேற்கொண்டார், முதல்வர் எடப்பாடி பழனிசாமி. அப்போதைய எம்.பி தம்பிதுரை, போக்குவரத்துத் துறை அமைச்சர் எம்.ஆர்.விஜயபாஸ்கர் ஆகியோர் செந்தில் பாலாஜியின் பரம எதிரிகள். இன்னொரு பக்கம் அ.ம.மு.க பொதுச் செயலாளர் டி.டி.வி.தினகரனும் தனது கட்சி வேட்பாளர் தோற்றாலும் பரவாயில்லை; செந்தில் பாலாஜி ஜெயிக்கக் கூடாது என்று தீவிரமாக வேலைபார்த்தார். ஆனால், எதையுமே கண்டுகொள்ளாமல் பிரசார வேலைகளில் கவனமாக இருந்தார், செந்தில் பாலாஜி. “க.பரமத்தி பகுதி மக்களுக்குச் சுத்திகரிக்கப்பட்ட குடிநீர் வழங்குவேன்; 25,000 நபர்களுக்கு எனது சொந்தச் செலவில் தலா மூன்று சென்ட் பரப்பில் வீட்டுமனை வழங்குவேன்” என்று அதிரடியாக வாக்குறுதிகளை அறிவித்தார், செந்தில் பாலாஜி. இந்த வாக்குறுதிகள், வாக்காளர்களை வெகுவாகக் கவர்ந்தன.

மூன்று சென்ட் நிலம்... 25,000 பேருக்கு லட்சியம்... 10,000 பேருக்கு நிச்சயம்!

இதற்குப் பதிலடி கொடுக்கும்வகையில் அ.தி.மு.க-வினர், ‘அரவக்குறிச்சியில் சிப்காட் கொண்டுவரப்பட்டு 25,000 பேருக்கு வேலைவாய்ப்பு வழங்கப்படும்’ என்று அறிவித்தனர். மேலும், ‘சொந்தச் செலவில், 25,000 பேருக்கு வீட்டுமனை கொடுக்க செந்தில் பாலாஜியிடம் ஏது பணம்?’ என்றும் சாடினர். இவற்றை எல்லாம் முறியடித்து... 38,090 வாக்குகள் வித்தியாசத்தில் வெற்றிபெற்றார் செந்தில் பாலாஜி.

வெற்றிபெற்ற கையுடன், தனக்கு வெற்றி தேடித்தந்த முக்கிய வாக்குறுதியான வீட்டுமனை வழங்கும் திட்டத்தைச் செயல்படுத்தும் வேலைகளில் இறங்கிவிட்டார், செந்தில் பாலாஜி. இதுதான், இப்போது கரூர் தொகுதியின் ஹாட் டாபிக். இதுகுறித்து, செந்தில் பாலாஜிக்கு நெருக்கமான சிலரிடம் பேசினோம். “பிரசாரத்தின்போது ‘வீட்டுமனை வழங்குவேன்’ என்று செந்தில் பாலாஜி அளித்த தேர்தல் வாக்குறுதி, மக்களிடம் நன்றாகவே எடுபட்டது. தி.மு.க தலைவர் மு.க.ஸ்டாலினும் பிரசாரத் தின்போது, ‘தி.மு.க ஆட்சிக்கு வந்தால், தமிழ்நாடு முழுவதும் அரசு சார்பில் மூன்று சென்ட் நிலம் வழங்கப்படும்’ என்று அறிவித்தார். தான் வெற்றி பெற்றதற்கு அந்த வாக்குறுதிதான் காரணம் என்று நினைக்கும் செந்தில் பாலாஜி, அதை உடனடியாக நிறைவேற்றவிருக்கிறார். 25,000 நபர்களுக்கு வழங்க முடியாவிட்டாலும்… 10,000 நபர்களுக்காவது வழங்க ஏற்பாடு செய்துகொண்டிருக்கிறார்.

இந்தத் திட்டத்துக்கு அ.தி.மு.க முட்டுக்கட்டை போட வாய்ப்பு இருப்பதால், இடம் தேர்விலிருந்து அனைத்துப் பணிகளையும் ரகசியமாக வைத்திருக்கிறார். இதற்கு, சுமார் 1,000 ஏக்கர் நிலம் தேவைப்படுகிறது. கிட்டத்தட்ட 50 கோடி ரூபாய்வரை செலவாகலாம். பயனாளிகளைத் தேர்வுசெய்வதற்காகத் தேர்தலுக்கு முன்பே அரவக்குறிச்சி சட்டமன்றத் தொகுதியில் உள்ள 500 பூத்களில் ஒரு பூத்துக்கு ஐம்பது நபர்கள் வீதம், 25,000 நபர்களிடம் மனு வாங்கப்பட்டுள்ளது. ஆதரவற்றவர்கள், ஆதரவற்ற முதியவர்கள், கணவரால் கைவிடப்பட்டோர், கணவரை இழந்த பெண்கள், மாற்றுத்திறனாளிகள், வாடகை வீடுகளில் குடியிருக்கும் ஏழ்மையான நபர்கள் எனப் பல்வேறு வரைமுறைகளில் பயனாளிகள் தேர்வுசெய்யப்பட்டுள்ளனர். தற்போது, முதற்கட்டமாக 10,000 பேருக்கு நிலம் வழங்கு வதற்கான வேலைகள் நடைபெற்றுவருகின்றன. அத்தனை பேருக்கும் ஒரே இடத்தில் இடம் கொடுப்பதா அல்லது வெவ்வேறு இடங்களில் கொடுப்பதா என்பதும் பரிசீலனையில் இருக்கிறது. இந்தத் திட்டத்துக்கு, ‘தளபதி வீட்டு வசதித் திட்டம்’ என்று பெயர் வைக்கப்பட்டுள்ளது. வீட்டுமனைகள் பிரிக்கப்படும் இடத்துக்கு, ‘உதயசூரியன் நகர்’ என்று பெயர் சூட்டப்பட உள்ளது. விரைவில் தி.மு.க தலைவர் ஸ்டாலின் தலைமையில் இந்தத் திட்டம் தொடங்கி வைக்கப்படும்” என்றனர்.

செந்தில் பாலாஜியிடம் இதுகுறித்துப் பேசினோம். “நான் தேர்தலுக்கு முன்பு, ‘ஏழைகளுக்கு மூன்று சென்ட் நிலம் வழங்குவேன்’ என்று வாக்குறுதி கொடுத்திருந்தேன். அந்தத் திட்டத்தை விரைவில் செயல்படுத்தவிருக்கிறேன். இடம்கேட்டு மனு கொடுத்த அத்தனை நபர்களுக்கும் இடம் வழங்கப்படும். இப்போதைக்கு அந்தத் திட்டம் குறித்து வெளிப்படையாகவும் விரிவாகவும் பேச முடியாது. ஆளுங்கட்சியால் செய்ய முடியாத விஷயத்தை, எதிர்க்கட்சியாக இருந்து, தளபதி தலைமையில் தி.மு.க செய்ய இருக்கிறது. இந்தத் திட்டம் மட்டுமல்ல, நான் கொடுத்த வாக்குறுதிகள் அனைத்தையும் விரைவில் செயல்படுத்துவேன்” என்றார்.

- துரை.வேம்பையன்