Published:Updated:

தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”
பிரீமியம் ஸ்டோரி
தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

Published:Updated:
தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”
பிரீமியம் ஸ்டோரி
தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

‘கறார்’ காட்டும் உதயநிதி!

தி.மு.க-வில் உதயநிதி ஸ்டாலினுக்கு மாநில இளைஞர் அணித் தலைவர் பதவி உறுதியாகிவிட்டது என்கிறார்கள் உடன்பிறப்புகள். “ஜூன் 1-ம் தேதியே அறிவிக்கப்பட வேண்டியது, வேறு சில காரணங்களால் தள்ளிப்போயிருக்கிறது” என்கிறார்கள் உதயநிதிக்கு நெருக்கமானவர்கள். அது ஒரு பக்கம் இருக்கட்டும்... மறுபக்கம், பதவியே இன்னும் அறிவிக்கப்படவில்லை... ஆனால், சமீபத்தில் திருச்சியில் நடைபெற்ற பொதுக்கூட்டத்தில், “வரும் சட்டமன்றத் தேர்தலில் கூட்டணிக் கட்சிகளுக்குத் தொகுதிகளை அள்ளித் தந்துவிடாமல், 200 இடங்களில் தி.மு.க போட்டியிட வேண்டும்” என்று அதிரடியாகப் பேசியிருக்கிறார் உதயநிதி. இதைக் கேட்டு அதிர்ச்சி அடைந்துள்ளன தி.மு.க-வின் கூட்டணிக் கட்சிகள்!

திருச்சி கலைஞர் அறிவாலயத்தில் மாவட்ட தி.மு.க சார்பில் அண்ணா மற்றும் கருணாநிதி சிலைகள் திறப்பு விழாவும் அன்பில் தர்மலிங்கத்தின் வெண்கலச் சிலை திறப்புவிழாவும் ஜூன் 10-ம் தேதி நடைபெற்றது. இந்தச் சிலைகளை தி.மு.க தலைவர் ஸ்டாலின் திறந்துவைத்தார். தொடர்ந்து, அன்று மாலை உழவர் சந்தை மைதானத்தில் வாக்காளர்களுக்கு நன்றி தெரிவிக்கும் பொதுக்கூட்டமும் நடைபெற்றது. இந்தப் பொதுக்கூட்டத்தில்தான் இப்படி அதிரடி காட்டியிருக்கிறார் உதயநிதி ஸ்டாலின். சினிமா துறையில் இருப்பதாலோ என்னவோ உதயநிதியின் பேச்சில் கொஞ்சம் ‘பஞ்ச்’ வாடையும் தூக்கலாகவே இருந்தது.

தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

“தமிழக அரசியலில் வெற்றிடம் ஏற்பட்டுள்ளதாக, வாயில் வடை சுட்டவர்கள் எல்லோரும், தி.மு.க-வின் வெற்றியைப் பார்த்து வாயடைத்துக் கிடக்கிறார்கள். இந்த வெற்றிக்கு வித்திட்ட ஸ்டாலின் மட்டும், ‘கெத்தா’ உட்கார்ந்திருக்கிறார். எனக்குக் கட்சியில் ஏதோ பொறுப்பு கிடைக்கப்போகிறது என்கிறார்கள். தலைவரிடம் ஒரு வேண்டுகோள். பொறுப்பையோ... பதவியையோ எதிர்பார்த்து நான் பிரசாரத்தில் ஈடுபடவில்லை. நடிகர், ‘முரசொலி’ நிர்வாக இயக்குநர் என்பதை எல்லாம்விட, தி.மு.க-வின் கடைக்கோடி தொண்டர்களில் ஒருவன் என்கிற பொறுப்பே போதும். வரவிருக்கும் உள்ளாட்சி மற்றும் சட்டமன்றத் தேர்தல்களிலும் பிரசாரம் செய்வேன். தலைவர் ஸ்டாலினை முதல்வர் நாற்காலியில் அமரவைக்காமல் ஓயமாட்டேன். தி.மு.க குடும்பக் கட்சி என்கிறார்கள். ஆமாம், இது குடும்பக் கட்சிதான். அன்பில் தாத்தா, மகேஷின் தாத்தா மட்டுமல்ல; அவர் எனக்கும் தாத்தாதான். என்னுடைய தாத்தா கருணாநிதி, எனக்கு மட்டுமல்ல... இங்குள்ள இளைஞர்கள் அனைவருக்கும் தாத்தாதான். அதனால்தான், தி.மு.க குடும்பக் கட்சி” என்றவர், அடுத்துப் பேசிய விஷயங்கள்தான் தி.மு.க-வின் கூட்டணிக் கட்சிகளை அதிர்ச்சியடையச் செய்துள்ளன.

“விரைவில் நாங்குநேரி தொகுதிக்கு இடைத்தேர்தல் வர உள்ளது. அந்தத் தொகுதியை காங்கிரஸ் கட்சி, தி.மு.க-வுக்குக் கொடுக்க வேண்டும். தலைவர் மிகவும் தாராள குணம் கொண்டவர். அதனால், கூட்டணிக் கட்சிகளுக்கு வாரி வழங்கிவிடுவார். இனி அப்படி இருக்கக் கூடாது. வரும் சட்டமன்றத் தேர்தலில் கூட்டணி முக்கியம் என்றாலும் தி.மு.க 200 இடங்களில் போட்டியிட்டு வெற்றிபெற வேண்டும்” என்றார். தொடர்ந்து கூட்டத்தில் பேசிய ஸ்டாலின், உதயநிதியின் இந்தப் பேச்சுக்குப் பதிலோ, மறுப்போ தெரிவிக்க வில்லை. இதுவே கூட்டணிக் கட்சியினரின் அதிர்ச்சியை அதிகரித்துள்ளது.

தி.மு.க 200 தொகுதிகளில் போட்டி? “கூட்டணிக் கட்சிகளுக்கு அள்ளித்தரக் கூடாது!”

இதுகுறித்து நாங்குநேரி சட்டசபைத் தொகுதி எம்.எல்.ஏ-வாக இருந்தவரும், தற்போதைய கன்னியாகுமரி எம்.பி-யுமான வசந்தகுமார் மற்றொரு கூட்டத்தில் பேசுகையில், “நாங்குநேரி தொகுதி காங்கிரஸ் கட்சியின் தொகுதி. அதைப் பெற தமிழ்நாடு காங்கிரஸ் கமிட்டித் தலைவர் கே.எஸ்.அழகிரி, அகில இந்திய காங்கிரஸ் தலைமை மூலம் முயற்சி செய்வார்” என்று கூறியுள்ளார். அதேபோல் சிதம்பரத்தில் ஒரு கூட்டத்தில் பேசிய விடுதலைச் சிறுத்தைகள் கட்சியின் தலைவர் திருமாவளவன், “அதிக இடங்களில் தி.மு.க போட்டியிட வேண்டும் என்று அந்தக் கட்சியினர் விருப்பப்படுவது இயல்புதான். ஆனால், தொகுதிப் பங்கீடு குறித்து தேர்தல் நேரத்தில்தான் முடிவு செய்யப்படும்” என்று கூறியுள்ளார்.

- சி.ய.ஆனந்தகுமார்
படங்கள்: தே.தீட்ஷித்