Published:Updated:

ராமநாதபுரம் தொகுதியில் பா.ஜ.க சார்பில் களமிறங்கும் நயினார் நாகேந்திரன்?

ராமநாதபுரம் தொகுதியில் பா.ஜ.க சார்பில் களமிறங்கும் நயினார் நாகேந்திரன்?
ராமநாதபுரம் தொகுதியில் பா.ஜ.க சார்பில் களமிறங்கும் நயினார் நாகேந்திரன்?

நாடாளுமன்றத்தேர்தல் நடைபெற உள்ள நிலையில் அ.தி.மு.க - பி.ஜே.பி கூட்டணி உறுதியாகி விட்டது. அந்தக் கூட்டணியில் பா.ம.க , தே.மு.தி.க உள்ளிட்ட கட்சிகளும் உள்ளன. கூட்டணியில் உள்ளவர்களுக்குத் தொகுதிகள் ஒதுக்கப்பட்டுள்ள நிலையில், யார் யார் எந்தெந்த தொகுதியில் போட்டியிடப் போகிறார்கள் என்ற முழு விவரம் இன்னும் முடிவாகவில்லை. இந்த நிலையில், பி.ஜே.பி சார்பில் தூத்துக்குடி தொகுதியில் தமிழிசை சௌந்தரராஜன் போட்டியிடப் போவதாக தகவல் வெளியானது. அதைத் தொடர்ந்து தற்போது ராமநாதபுரத்தில் நயினார் நாகேந்திரன் போட்டியிடப் போவதாக தகவல் வெளியாகி உள்ளது.

திருநெல்வேலியைப் பூர்வீகமாக கொண்டவர் நயினார் நாகேந்திரன். ராமநாதபுரம் முக்குலத்தோர் அதிகம் வசிக்கும் மாவட்டம் என்பதால்,  நயினார் நாகேந்திரனை அங்கு  நிறுத்த பி.ஜே.பி  முடிவு செய்துள்ளதாக தகவல்கள் தெரிவிக்கின்றன. அதோடு ராமநாதபுரத்தில் அ.தி.மு.க-வில் கோஷ்டி பூசல் இருப்பதால் தங்கள் கட்சியில் இருப்பவர்களை அங்கு நிறுத்தினால் வெற்றி பெற முடியாது என்று கணக்குப் போட்ட அ.தி.மு.க ராமநாதபுரத்தை பி.ஜே.பி-க்கு கொடுத்துள்ளது. அந்தத் தொகுதியின் செல்வாக்கை உணர்ந்து பி.ஜே.பி தற்போது நயினார் நாகேந்திரனை நிறுத்த முடிவு செய்துள்ளதாம்.