Published:Updated:

வர்றாரு மாண்புமிகு!

சல்மான்

வர்றாரு மாண்புமிகு!

சல்மான்

Published:Updated:
##~##

மிழக அமைச்சர்கள் எல்லோருமே மந்திரித்துவிட்ட கோழிபோல்தான் இருக்கிறார்கள் என்றாலும், இவர்களில் தன்னுடைய கேலிக்கூத்துகளால் முதலிடத்தில் இருப்பவர் கைத்தறித் துறை அமைச்சர் சுந்தர்ராஜன். சமீப காலமாக இவர் வாய் திறந்து எது பேசினாலும் பிரச்னைதான்.

 பரமக்குடியில் இவருடைய வீட்டுக்கு அருகே இறைச்சிக் கடை வைத்திருந்த ஒரு பெரியவர் வளர்க்கும் ஆடுகள், தன்னுடைய காம்பவுண்டுக்குள் வருவதாகச் சொல்லி, 17 ஆடுகளைப் பிடித்துக்கொண்டுபோய்விட்டார் அமைச்சர். அந்த ஆடுகள் என்ன ஆனதென்றே தெரியவில்லை. இடையில், அமைச்சரின் வீட்டில் சிலபல விசேஷங்கள் வேறு நடந்து முடிந்தன. கறிக் கடைக்காரர் அமைச்சர் மீது போலீஸில் புகார் கொடுக்க, 'அமைச்சர் மீதே ஆடு களவாண்ட புகாரா?’ என்று குழம்பித் தவிக்க, பதிலுக்கு அமைச்ச ரின் பி.ஏ. கறிக் கடைக்காரர் மேல் எதிர்ப் புகார் கொடுக்க, விஷயம் பெரிதாகி மேலிட கவனம் ஈர்த்து, அமைச்சரை இடித்து சமாதானப் படலத்தில் முடித்திருக்கிறது.

ஒட்டுமொத்த விகடனுக்கும் ஒரே ஷார்ட்கட்!

வர்றாரு மாண்புமிகு!

நல உதவி வழங்குவதற்கு ஆர்.எஸ்.மங்கலம் பக்கம் ஒரு கிராமத்துக்கு வருவதாகக் கூறியிருந்தார் அமைச்சர். விழாவுக்கு ஏற்பாடுகள் பரபரத்த சமயம், அருகில் உள்ள ஒரு வீட்டில் மரணம்.  அமைச்சரிடம் தகவல் தெரிவிக் கப்பட, 'நான் வந்துட்டுப் போற வரை அந்த வீட்ல யாரும் அழவோ ஒப்பாரி வைக்கவோ கூடாது’ என்று உத்தர விட்டுவிட்டார். அந்த வீட்டில் உள்ள வரிடம் நாசூக்காகப் பேசி, வெளியே தெரியாத அளவுக்குத் துக்கம் அனுஷ்டிக்க ஏற்பாடு செய்தனர். ஆனால், அமைச்சர் வரும் நேரம் தாமதமாக, பொறுத்துப் பொறுத்துப் பார்த்து விட்டுப் பொங்கியெழுந்துவிட்டனர் துக்க வீட்டினர். அமைச்சர் வருகை தரும்போது ஓலம் ஒப்பாரியோடு

நெஞ்சில் அடித்துக்கொண்டு வரவேற்பு கொடுக்க, கடுகடுத்த முகத்தோடு விருட்டென இடத்தைக் காலி செய்து விட்டார் அமைச்சர்.

பரமக்குடியில் நடந்த விழா ஒன்றில் கலந்துகொண்ட கலெக்டருக்குத் திடீர்என்று பொன்னாடை போர்த்தப்போனார் அமைச்சர். புரோட்டோகால்படி அமைச்சர், கலெக்டருக்கு மரியாதை செய்ய வேண்டியது இல்லை. இதனால் ஆடிப்போன கலெக்டர், ''இதெல்லாம் மரபு கிடையாது'' என்று மறுக்க, ''என்னை அமைச்சரா ஏன் பாக்குறீங்க? இந்தத் தொகுதியோட குடிமகனாப் பாருங்க'' என்று இவர் சமாளித்து சால்வை போர்த்த... 'இவர் எப்பவுமே இப்படியா, இப்படித் தான் எப்பவுமா?’ என்று கதிகலங்கிக்கிடக்கிறது தொகுதி!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism