Published:Updated:

ஏப்ரல் ஃபூல்... 'முட்டாள்கள்'... அதி முக்கியமானவர்கள்!

ஏப்ரல் ஃபூல்... 'முட்டாள்கள்'... அதி முக்கியமானவர்கள்!

ஏப்ரல் ஃபூல்... 'முட்டாள்கள்'... அதி முக்கியமானவர்கள்!

ஏப்ரல் ஃபூல்... 'முட்டாள்கள்'... அதி முக்கியமானவர்கள்!

ஏப்ரல் ஃபூல்... 'முட்டாள்கள்'... அதி முக்கியமானவர்கள்!

Published:Updated:
ஏப்ரல் ஃபூல்... 'முட்டாள்கள்'... அதி முக்கியமானவர்கள்!
ஏப்ரல் ஃபூல்... 'முட்டாள்கள்'... அதி முக்கியமானவர்கள்!

'இன்று முட்டாள்கள் தினம்... ஏமாந்துவிடாதீர்கள்...' என்று எங்கு திரும்பினாலும், ஒரே பேச்சாக இருக்கிறது. இந்த தினத்துக்கு பின்னால் இருப்பது ஒரு வரலாறு. அதேபோல... ஒரு கொடுமையும் இதில் அடங்கியிருக்கிறது.

முதலில் வரலாறு... ஐரோப்பிய நாடுகளில், 16ஆம் நூற்றாண்டு வரையில், ஏப்ரல்- 1 அன்றுதான் புத்தாண்டு கொண்டாடப்பட்டு வந்தது. அதன் பிறகு, போப் ஆண்டவரின் ஆணைப்படி, கிரிகேரியன் காலண்டர் அடிப்படையில், ஜனவரி 1 என்று மாற்றப்பட்டது. ஆனால், ஐரோப்பாவில் பல பிரதேசங்களில் இது உடனடியாக ஏற்றுக் கொள்ளப்படவில்லை. ஏப்ரல் 1 அன்றே புத்தாண்டைக் கொண்டாடி வந்தனர். ஜனவரி 1ஆம் தேதியை புத்தாண்டு தினமாக கொண்டாடியவர்கள், ஏப்ரல் 1 அன்று புத்தாண்டு கொண்டாடுபவர்களைப் பார்த்து, 'அடே ஃபூல்ஸ்... மூன்று மாதத்துக்கு முன்பாகவே புத்தாண்டு கொண்டாடிவிட்டோமே...' என்று கிண்டலடித்தார்களாம். அதிலிருந்துதான்... 'ஏப்ரல் ஃபூல்' என்பது ஒரு வரலாறு.

இதைத் தவிர, வேறு சில கதைகளும் இதற்கு கூறப்படுகின்றன. 16ஆம் நூற்றாண்டுக்கு முன்பிருந்தே இந்த தினம் கொண்டாடப்படுவதாகவும் கூறப்படுகிறது.

சரி... இந்த ஏப்ரல் ஃபூல் கொடுமைக்கு வருவோம். ஃபூல் என்கிற ஆங்கில வார்த்தைக்கு, 'முட்டாள்' என்கிற வார்த்தையை மொழிபெயர்ப்பாகப் பயன்படுத்தியது முதல் கொடுமை. உண்மையில், 'முட்டாள்' என்பவர்கள், கொடுக்கப்பட்ட வேலையை செவ்வனே செய்பவர்கள். தங்களின் கவனம் வேறு எங்கும் திசை திரும்பிவிடாமல், கொடுத்த வேலையில் மட்டுமே நிலைக்கச் செய்திருப்பவர்கள்.

அதாவது, ஊர்களில் தேரோட்டம் கேள்விப்பட்டிருப்பீர்கள். அந்தத் தேரை ஆங்காங்கே நிறுத்துவதற்கு முட்டு (பிரேக்) கொடுப்பார்கள். அத்தகைய முட்டு கொடுக்கும் வேலையைச் செய்பவர்கள், 'முட்டு ஆள்'. இது 'முட்டாள்' என்று மருவி, பிற்காலத்தில், மூடர்கள் என்று பொருள் கொள்ளும் வகையில், புரிந்து கொள்ளப்பட்டுவிட்டது. அற்புதமான முட்டுக் கொடுக்கும் பணியைச் செய்யும் அந்த வேலைக்காரர்களையே கேவலப்படுத்துவதாகவும் மாறிவிட்டது.

'ஒரு வேலையைச் சொன்னால், அதை மட்டுமே செய்து கொண்டிருக்காதே, அக்கம்பக்கமிருக்கும் விஷயங்களையும் கவனி, அதையும் சேர்த்தே செய்து முடி' என்று வலியுறுத்துவதற்காக, 'முட்டு ஆள்' மாதிரி வேலை பார்க்காதே என்று சொல்லப்பட்டது... அப்படியே நிலைத்துவிட்டது.

பிற வேலைகளுக்கு வேண்டுமானால், 'முட்டு ஆள் மாதிரி வேலை பார்க்காதே' என்பது பொருத்தமாகக்கூட இருக்கலாம். ஆனால், தேருக்கு முட்டுக் கொடுப்பவர், தன் கவனத்தை வேறு எங்காவது சிதறவிட்டால்... அது பல நூறு உயிர்களை பலி கொண்டுவிடும். அதனால்தான், முட்டு ஆட்கள், அதில் மட்டுமே கவனத்தைச் செலுத்துவார்கள். வேறு எங்குமே கவனத்தை சிதறவிட மாட்டார்கள்.

இது தேரோட்ட காலம்தான். திருவாரூர் தேர் போன்ற பெரும் தேர்களுக்கு பிரேக் வந்துவிட்டது. ஆனாலும்கூட முட்டுக் கொடுப்பதும் தொடர்கிறது. இதேபோல பெரும்பாலான ஊர்களின் தேர்களுக்கு முட்டுதான் கொடுக்கப்படுகிறது. அங்கேயெல்லாம் ஒரு தடவை எட்டிப் பாருங்கள்... முட்டுக் கொடுக்கும் வேலை செய்பவர்கள் எத்தகையச் சூழலில் செய்கிறார்கள் என்பதை நேரடியாகவே தெரிந்து கொள்ளலாம். அவர்கள் படும் அவதியையும் புரிந்து கொள்ளலாம்.

'முட்டு ஆள்' விஷயம் இப்படி இங்கே மாறிப்போய்,
ஆங்கிலேயேர்களின் வருகைக்குப் பின்னால், 'ஏப்ரல் ஃபூல்' என்பதும் இங்கே இறக்குமதியாகி... 'முட்டாள்கள் தினம்' என்று இன்று வரையிலும் கேவலப்படுத்தப்பட்டுக் கொண்டே இருக்கிறது.

இது எங்கோ... நான் கேள்விப்பட்ட விஷயம். ஆனால், மிகமிகப் பொருத்தமாக இருப்பதால்... இந்த ஏப்ரல்- 1 அன்று பகிர்ந்து கொள்கிறேன்.

-ஜூனியர் கோவணாண்டி