Published:Updated:

பா.ஜ.க ஆட்சி உறுதியாகிறது: அனைத்து டிவி கருத்துக் கணிப்புகளின் முழு விவரம்!

விகடன் விமர்சனக்குழு
பா.ஜ.க ஆட்சி உறுதியாகிறது: அனைத்து டிவி கருத்துக் கணிப்புகளின் முழு விவரம்!
பா.ஜ.க ஆட்சி உறுதியாகிறது: அனைத்து டிவி கருத்துக் கணிப்புகளின் முழு விவரம்!
பா.ஜ.க ஆட்சி உறுதியாகிறது: அனைத்து டிவி கருத்துக் கணிப்புகளின் முழு விவரம்!

புதுடெல்லி: நாடாளுமன்ற தேர்தலில் வாக்குப்பதிவுக்கு பின்னர் பல்வேறு ஊடகங்கள் நடத்திய கருத்துக்கணிப்பில் பா.ஜ.க கூட்டணிக்கே அதிக இடங்கள் கிடைக்கும் என தெரிவிக்கப்படுவதால் மத்தியில் மோடி தலைமையில் பா.ஜ.க ஆட்சி அமைவது உறுதியாகியுள்ளது.

இது தொடர்பாக பல்வேறு ஊடகங்கள் நடத்திய கருத்துக்கணிப்புகளின் முழு விவரம்:

டைம்ஸ் நவ்

பா.ஜ.க கூட்டணி 249, காங்கிரஸ் 148, இதர கட்சிகள் 146 இடங்களில் வெற்றிபெறும் என்று கூறியுள்ளது.

தமிழகத்தில் அ.தி.மு.க- 31, தி.மு.க- 7, காங்கிரஸ் -1 இடங்களைக் கைப்பற்றும் என்று தெரிவித்துள்ளது.

புதுச்சேரியில் காங்கிரஸ் வெற்றி பெறும் என்று தெரிவித்துள்ளது.

ஏ.பி.பி.- ஏ.சி. நீல்சன்

பா.ஜ.க கூட்டணிக்கு 272க்கும் அதிகமான இடங்களும் காங்கிரஸ் கூட்டணிக்கு 110 இடங்களும் கிடைக்கும் என்று கூறியுள்ளது.

சி.என்.என்.-ஐ.பி.என்.


பாரதிய ஜனதா கூட்டணிக்கு 270 முதல் 282 இடங்களும், காங்கிரஸ் கூட்டணிக்கு 92 முதல் 102 இடங்களும் கிடைக்கும் என்றும், இதில் காங்கிரசுக்கு மட்டும் 72 முதல் 82 இடங்கள் வரை கிடைக்கும் என்றும் தெரிவித்துள்ளது.

இந்தியா டுடே- சியோரோ போஸ்ட்

பாஜக கூட்டணி 261- 283 இடங்களையும், காங்கிரஸ் கூட்டணி 110-120 இடங்களையும் கைப்பற்றும் என்று தெரிவித்துள்ளது.

தமிழகத்தில் அதிமுக 20-24, திமுக 10-14, பாஜக கூட்டணி 2-4, இதர கட்சிகள் 1-3 இடங்களில் வெற்றிபெறும் என்று கணித்துள்ளது.

ஜீ நியூஸ்

பாஜக கூட்டணி 299, காங்கிரஸ் கூட்டணி 112, இதர கட்சிகளுக்கு 132 இடங்கள் கிடைக்கும் என்று தெரிவித்துள்ளது.

புதிய தலைமுறை

பாஜக கூட்டணிக்கு 289 இடங்களும், காங்கிரஸ் கூட்டணிக்கு 101 இடங்களும், மற்றவர்கள் 153 இடங்களும் கிடைக்கும் என்று தெரிவித்துள்ளது.

தமிழகத்தில் அ.தி.மு.க. 27 இடங்களிலும், திமுக கூட்டணிக்கு 6 இடங்களிலும், பாஜ கூட்டணி 5 இடங்களிலும் வெற்றி பெறும் என்று கூறியுள்ளது.

தந்தி டிவி

அ.தி.மு.க.வுக்கு 29 இடங்களும், தி.மு.க கூட்டணிக்கு 5 இடங்களும், பாஜக கூட்டணிக்கு 6 இடங்களும் கிடைக்கும் என்று தெரிவித்துள்ளது.

என்.டி.டி.வி.

பாஜக கூட்டணிக்கு 283, காங்கிரஸ் 99, இதர கட்சிகள் 161 இடங்களில் வெற்றி பெறும் என்று தெரிவித்துள்ளது.

நியூஸ் எக்ஸ்- சி வோட்டர்

பாஜக கூட்டணிக்கு 289 இடங்களும், காங்கிரஸ் கூட்டணிக்கு 101 இடங்களும் இதர கட்சிகளுக்கு 148 இடங்களும் கிடைக்கும் என்று தெரிவித்துள்ளது. பாஜக தனியாக 249 இடங்களும், காங்கிரஸ் கட்சிக்கு தனித்து 78 இடங்களும் கிடைக்கும் என தெரிவித்துள்ளது.

இந்தியா நியூஸ்

பாஜக கூட்டணிக்கு 315 இடங்களும், காங்கிரஸ் கூட்டணிக்கு 80 இடங்களும் பிற கட்சிகளுக்கு 148 இடங்களும் கிடைக்கும் என கூறப்பட்டுள்ளது.

இந்தியா டிவி


பாஜக கூட்டணி - 317, காங்கிரஸ் கூட்டணி - 104, மற்றவை - 122 இடங்களைப் பிடிக்கும் என்று தெரிவித்துள்ளது.

தமிழகத்தில் அ.தி.மு.க 22- 28 இடங்களையும், தி.மு.க 7-11 இடங்களையும், பா.ஜ.க கூட்டணி 4-6 இடங்களையும் கைப்பற்றும் என்று கூறியுள்ளது.