Published:Updated:

அ.தி.மு.க.வின் வெற்றி மதவாத சக்திகளுக்கு மரண அடி: சீமான்

Vikatan Correspondent
அ.தி.மு.க.வின் வெற்றி மதவாத சக்திகளுக்கு மரண அடி: சீமான்
அ.தி.மு.க.வின் வெற்றி மதவாத சக்திகளுக்கு மரண அடி: சீமான்
அ.தி.மு.க.வின் வெற்றி மதவாத சக்திகளுக்கு மரண அடி: சீமான்

சென்னை: நாடாளுமன்ற தேர்தலில் அ.தி.மு.க.வுக்கு மகத்தான வெற்றியைப் பெற்றுக் கொடுத்ததன் மூலம், மதவாத சக்திகளுக்கு மரண அடி கொடுத்திருக்கிறார்கள் தமிழக மக்கள் என்று சீமான் கூறியுள்ளார்.

இது குறித்து நாம் தமிழர் கட்சி தலைவர் சீமான் வெளியிட்டுள்ள அறிக்கையில், ''தமிழகத்தில் அ.தி.மு.க.வுக்கு மகத்தான வெற்றியைப் பெற்றுக் கொடுத்ததன் மூலமாக மதவாத சக்திகளுக்கு மரண அடி கொடுத்திருக்கிறார்கள் தமிழக மக்கள்.

ஈழத்துயரங்களுக்குத் தீர்வு கேட்டும் தனித் தமிழீழக் கோரிக்கையை ஆதரித்தும், மூவர் தூக்கு விவகாரத்தில் அதிரடியான நடவடிக்கைகளை எடுத்தும் தமிழர் நலன் போற்றும் முதல்வராக திகழ்ந்த முதலமைச்சர் ஜெயலலிதாவுக்கு அபரிவிதமான வெற்றியை ஈட்டிக் கொடுத்து வரலாற்றுப் புரட்சியை நிகழ்த்தி இருக்கிறார்கள் தமிழக மக்கள்.

எந்தக் கட்சியையும் கூட்டணிக்கு அழைக்காமல் மக்கள் மீது நம்பிக்கை வைத்து தேர்தலைச் சந்தித்த தமிழக முதல்வருக்கு தமிழக மக்கள் நல்ல நம்பிக்கையைப் பரிசளித்திருக்கிறார்கள். மாபெரும் வெற்றியை அடைந்திருக்கும் தமிழக முதல்வருக்கு நாம் தமிழர் கட்சி மனமார்ந்த வாழ்த்துகளைத் தெரிவித்துக் கொள்கிறது" என்று கூறியுள்ளார்.