''சசிகலாவை வெளியே அனுப்பட்டுமே..!'' -எம்.நடராஜன் சவால்!

ப.திருமாவேலன்,படம்:வி.செந்தில்குமார் . ''சசிகலாவை வெளியே அனுப்பட்டுமே..!'' . எம்.நடராஜன் சவால்! . எம்.என்.மு.க - ஜெ.ஜெ. இரண்டு பேருக்கும் எரிச்சலை ஏற் படுத்தும் இரண்டெழுத்து!

எம்.நடராஜன் எந்தக் கட்சியிலும் இல்லை. எந்தப் பொறுப்பிலும் இல்லை என்றாலும், பரபரப்பின் பாதையில்தான் இருப்பார். அவரைச் சந்திக்கச் சென்றபோது, ''எதுக்கு என்னைப் பார்க்க வந்தீங்க? ஏதாச்சும் சிண்டு முடியவா?'' என்று உஷாராகச் சிரிக்கிறார் இந்த சர்ச்சை நாயகன்.

. ''நீண்ட காலம் வெளிநாட்டில் தங்கிவிட்டீர்களே?''

''43 நாட்கள் நான் இந்தியாவில் இல்லை. அமெ ரிக்கா, இங்கிலாந்து, ஜப்பான், கனடா, ஹாங்காங் ஆகிய நாடுகள் சுற்றி வந்துவிட்டேன். இதில்முக்கிய மான கூட்டம், ஃபெட்னாவில் நடந்த உலகத் தமிழ்ப் பேரவை மாநாடு. இங்கு இலங்கைப் பிரச்னையில் மனித உரிமை மீறல்கள் பற்றிப் பேசினேன்.''

. ''இலங்கையில் சுமுக நிலை திரும்பிவிட்டதாக முதல்வர் கருணாநிதி சொல்லி இருக்கிறாரே?''

''சுமுகமான சூழ்நிலை அவருக்கும் அவரது குடும் பத்துக்கும் தமிழ்நாட்டில் நிலவலாம். ஆனால், வன்னித் தமிழன், யாழ்ப்பாணத் தமிழன் நிம்மதியாக இல்லை. ஹிட்லரின் நாஜி கேம்ப்புகளைவிடக் கொடுமையான கொட்டடிகளில் தமிழர்கள் அடை பட்டுள்ளார்கள். போரின் இறுதி நாளில் மட்டும்ஒரு லட்சம் தமிழர்கள் கொல்லப்பட்டார்கள். அதற்கான பாவமோ, புண்ணியமோ இங்குள்ள இந்திய அரசுக் கும் அதைத் தாங்கி நிறுத்திக்கொண்டு இருக்கும் கலைஞருக்கும்தான் போய்ச் சேர வேண்டும். லட்சக் கணக்கான மக்கள் கொலை செய்யப்பட்டதற்குக் காரணமானவர்களைத் தண்டிக்கக் குரல் கொடுக்கவேண்டிய அவர், அமைதி திரும்பி விட்டதாக நடிப்பது கடைந்தெடுத்த கோழைத் தனம். அரசியல்பித்தலாட்டம்!''

. ''உங்களது வீட்டில் ரெய்டு நடக்க என்ன காரணம்?''

''போராளிகளின் படங்கள், சி.டி-க்கள் என்னிடம் இருப்பதாக ரெய்டு செய்த போலீஸ் சொன்னது. எதையும் எடுக்கவில்லை என்று எழுதிக்கொடுத்துவிட்டு, தலையைத் தொங்கப் போட்டபடி போனது போலீஸ். கலைஞரோ, ஜெயலலிதாவோ யார்முதல்வராக இருந்தாலும், முதலில் உளவு போலீஸைஅனுப்புவது என்னு டைய வீட்டுக்குத்தான். தங்களதுநாற்காலிகளுக்கு என்னால்தான் சிக்கல் வரும் என்றுஇருவரும் நினைக்கிறார்கள். நான் உண்மையானவனாக இருப்பதால்தானே இரண்டு பேரும் என்னைவெறுக்கிறார்கள்? என்னைக் கண்காணிப்பது, எதிர்க்கட்சிகளை உடைப்பது, ஆட்களை இழுப்பது போன்ற கீழான வேலைகளை விட்டுவிட்டு,அண்ணா வழியில் கண்ணியமாக கலைஞர் செயல்பட வேண்டும்!''

. ''இடைத்தேர்தலை ஜெயலலிதா புறக்கணித்திருக்கி றாரே?''

''இது முட்டாள்தனமான முடிவு. 'பாகப் பிரி வினை' படத்தில், கரன்ட் ஷாக் அடித்து ஒருவன் செத்துப் போவான். உடனே ஊருக்கே கரன்ட்வேண் டாம் என்பார்கள். அதைப் போன்ற காமெடியான முடிவு இது. இந்த ஆலோசனையை அவருக்கு யார் சொல்லி இருந்தாலும் தவறு. தேர்தல் என்றாலே தில்லுமுல்லு நடக்கத்தான் செய்யும். அதுவும் இந்த முறை அளவுக்கு அதிகமாக நடந்தது. பணம் பாதா ளம் வரை பாய்ந்தது. பணம் வாங்கியவர்கள் ஒழுங் காக வாக்கு அளிக்கவில்லை என்றால் கண்டுபிடித்து விடுவோம், அதுக்குத்தான் கண்காணிப்பு கேமரா வைத்திருக்கிறோம் என்றெல்லாம் வாக்காளர்களை மிரட்டி இருக்கிறார்கள். இது எல்லாமே உண்மை தான். அதற்காக, தேர்தலைப் புறக்கணித்தால் சரியாகிவிடுமா? அடுத்த பொதுத்தேர்தலிலும் இதையே ஆளுங்கட்சி செய்தால், அந்தத் தேர்தலை யும் புறக்கணிக்கப் போகிறோமா? ஆளுங்கட்சிக்கு எதிரான எல்லா சந்தர்ப்பங்களையும் பயன்படுத்திக் கொள்வதுதான் எதிர்க்கட்சிகளுக்கு அழகு!''

. ''நாடாளுமன்றத் தோல்விக்குப் பிறகு சோர்ந்து போய் விட்டாரே ஜெயலலிதா?''

''சோர்வு எதற்கு வர வேண்டும்? வெறும் அறிக் கைகள் விடுவதன் மூலமாக ஆளுங்கட்சியை அச்சுறுத்த முடியாது. ஜெயலலிதா, மக்களுடன் இறங்கிப் போராட வேண்டும். ஒவ்வொரு குடிமகனது வீட்டு பட்ஜெட்டும் மாதம் தோறும் எகிறிக்கொண்டு, விலைவாசியால் மிகுந்த நெருக்கடியில் நசுக்கப்படுகிறான். அதை அவர் கையில் எடுக்க வேண்டும்.

அதை விட்டுவிட்டு, பின்வாங்கக் கூடாது. ஓடி ஒளியக் கூடாது. ஜா-ஜெ என்று பிரிந்த நெருக்கடியான நேரத்தில் தலைமைக் கழகம் போக வேண்டாம் என்று நான் சொன்னபோது, மீறிப் போன தைரியசாலிதான் அவர்!''

. ''ஜெயலலிதாவுக்கு உங்களது ஆலோசனைகள் இன்றும் இருக்கின்றனவா?''

''என்னுடைய ஆலோசனை தேவை என்று கேட்டால், நான் நேரடியாகவும் மறைமுகமாகவும் சொல்கிறேன்.''

. ''சசிகலா?''

''அவரும் என்னைக் கேட்டால் சொல்லி வருகி றேன். என்னைக் கட்சிக்காரர்கள் யாரும் சந்திக்கக் கூடாது என்று ஜெயலலிதா உத்தரவு போட்டிருக்கிறார். அதற்காக என்னை யாரும் பார்க்காமல் இல்லை!''

. ''ஜெயலலிதாவைச் சுற்றி சசிகலாவும் உங்களது குடும் பத்தினரும் இருந்துகொண்டு மற்றவர்களை அருகில் விடா மல் தடுக்கிறீர்களாமே?''

''எம்.ஜி.ஆர். உடல் எடுத்துச் செல்லப்பட்ட ராணுவ வாகனத்தில் இருந்து அநாதையாக இறக்கி விடப்பட்ட ஜெயலலிதாவைக் காத்த கை, சசிகலா வின் கை. அப்போது பாதுகாப்பாக இருந்தது தின கரனும் திவாகரனும். பாதுகாப்பற்ற சூழ்நிலையில் இருந்த ஜெயலலிதாவுக்கு அரணாக அமைந்தது சசிகலாவின் குடும்பம். அந்தக் குடும்பத்தைக் குறை சொல்பவர்கள் அன்று எங்கே இருந்தார்கள்?

சசிகலாவைப் பிடிக்கவில்லை என்றால் அனுப்பி விடுங்களேன்! ஏன் இன்னமும் வைத்துக்கொண்டு இருக்கிறீர்கள்? சசிகலாவை அனுப்பிவிட்டு, தன்னு டைய கட்சிக்காரர்களை வைத்து ஜெயலலிதா கட்சி நடத்தட்டும். அரசியல் நடத்தட்டும். வாகை சூடி ஆட்சியைப் பிடிக்கட்டும் என்று நான் வாழ்த்தத் தயாராக இருக்கிறேன்!''

. ''நான் கேட்பது, ஜெயலலிதாவின் பல்வேறு தவறுகளுக்கு சசிகலாவைக் காரணமாகச் சொல்வதைப் பற்றி?''

''சட்டப்படி யார் கையெழுத்துப் போடுகிறாரோ, அவருக்குத்தான் எல்லாப் பொறுப்பும் உண்டு அறிவிப்பைச் செய்பவர், தன்னுடைய பொறுப்பைத் தட்டிக்கழிக்க முடியாது. இவரால்தான் இந்த முடிவு எடுத்தேன், தவறாக நான் வழிகாட்டப்பட்டேன் என்று சொல்லி யாரும் தப்ப முடியாது. என்னுடைய குடும்பத்தினர் தவறு செய்தால், அவர் களைஅனுப்பிவிடுங்கள் என்பதுதான் என்னுடைய பதில்.

இத்தனை ஆண்டு கால ஜெயலலிதாவின்வளர்ச் சிக்கு சசிகலாவின் பங்களிப்புகள் எவ்வளவுஅமைந்தி ருந்தது என்பதைத் தமிழக வரலாற்றில் யாரும் மறைக்க முடியாது... ஜெ.ஜெ. உள்பட!'' என்று அழுத்தமாக முடிக்கிறார் எம்.என்!

.

''சசிகலாவை வெளியே அனுப்பட்டுமே..!'' -எம்.நடராஜன் சவால்!

Vikatan Correspondent