Published:Updated:

செம்மரக்கடத்தல் வழக்கில் சி.பி.ஐ. விசாரணை கோருகிறார் கருணாநிதி!

செம்மரக்கடத்தல் வழக்கில் சி.பி.ஐ. விசாரணை கோருகிறார் கருணாநிதி!
செம்மரக்கடத்தல் வழக்கில் சி.பி.ஐ. விசாரணை கோருகிறார் கருணாநிதி!

செம்மரக்கடத்தல் வழக்கில் சி.பி.ஐ. விசாரணை கோருகிறார் கருணாநிதி!

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

செம்மரக்கடத்தல் வழக்கில் சி.பி.ஐ. விசாரணை கோருகிறார் கருணாநிதி!

சென்னை: தமிழகத்தில் பரபரப்பை ஏற்படுத்தியுள்ள செம்மரக் கடத்தல் விவகாரத்தில் சி.பி.ஐ. விசாரணை நடத்தப்பட வேண்டும் என்று திமுக தலைவர் கருணாநிதி வலியுறுத்தியுள்ளார். 

இது தொடர்பாக அவர் வெளியிட்டுள்ள அறிக்கையில்,

" வழக்கில், பல நாட்கள் தலைமறைவாக இருந்து, கடைசியில் கைது செய்யப்பட்ட, வேலூர் கலால் பிரிவு டி.எஸ்.பி., தங்கவேலுவை கடந்த 10ஆம் தேதி கைது செய்து, தமிழக ஆந்திர மாநில எல்லையிலே உள்ள பரதராமி காவல் நிலையத்தில் வைத்து விசாரித்த போது, இதே டி.எஸ்.பி., தங்கவேலு, அ.தி.மு.க. பிரமுகர்கள் நான்கு பேர் மற்றும் போலீஸ் அதிகாரிகள் 11 பேர் உட்பட 37 பேருக்கு தொடர்பு உள்ளது என்று கூறியதாகக் காவல்துறையினர் அப்போது தெரிவித்தனர்.

இதனைத் தொடர்ந்து ஆந்திர மாநில செம்மரக் கட்டைகள் கடத்தல் பிரிவைச் சேர்ந்த டி.எஸ்.பி., வெங்கடேஸ்வரன் செய்தியாளர்களிடம் கூறும்போது, செம்மரக் கட்டைகள் கடத்தல் வழக்கில் கைது செய்யப்பட்ட வேலூர் கலால் டி.எஸ்.பி., தங்கவேலுவைக் காப்பாற்ற முயற்சிகள் நடைபெறுவதாகவும், “குற்றம் நிரூபிக்கப்பட வில்லை” எனக் கூறி வழக்கையே தள்ளுபடி செய்வதற்கான ஏற்பாடுகள் செய்யப்படுவதாகவும், இந்த வழக்கில் பல லட்சம் ரூபாய் கை மாறி தங்கவேலுவைக் காப்பாற்றுவதற்கான வேலைகள் நடைபெறுவதாகவும் பகிரங்கமாகத் தெரிவித்திருந்தார். இதைப்பற்றி நான் கடந்த 15–ந்தேதி எடுத்துக் கூறி; ஆந்திர மாநிலக் காவல் துறை அதிகாரி வெளியிட்டுள்ள குற்றச்சாட்டு சாதாரணமானதல்ல என்பதால், இதற்கு என்ன விளக்கம் என்று கேட்டிருந்தேன்.

ஆந்திர மாநிலக் காவல்துறை அதிகாரி சாட்டிய குற்றச்சாட்டு உண்மை என்பதை நிரூபிக்கும் வகையில் தான் நேற்றைய தினம் டி.எஸ்.பி. தங்க வேலுவிடம் விசாரணை நடைபெற்ற போது செம்மரக் கடத்தலில் அரசியல்வாதிகளுக்கோ, போலீசாருக்கோ எந்தவிதத் தொடர்பும் இல்லை என்று தங்கவேலு ஏற்கனவே சொன்னதை அப்படியே மாற்றிச் சொல்லியிருக்கிறார். இதிலிருந்தே செம்மரக் கடத்தலில் அதிமுக முக்கியப் பிரமுகர்களும், வேறு சில காவல்துறை அதிகாரிகளும் சம்மந்தப்பட்டிருக்கிறார்கள் என்பதும், அவர்களையெல்லாம் காப்பாற்றவும், இந்த வழக்கையே திசை திருப்பவுமான முயற்சிகள் வேகமாக நடைபெறுவது நன்றாகத் தெரிகிறது.

எனவே செம்மரக் கடத்தலில் தங்கவேலு தொடர்பான நிகழ்வுகள் பற்றிய உண்மை உலகத்திற்குத் தெரியவும், குற்றவாளிகள் தப்பிக்காமல் சட்டத்தின் கடுமையான பார்வைக்குக் கொண்டு வரப்படவும், செம்மரக் கடத்தல் வழக்கினை சி.பி.ஐ. விசாரிப்பது தான் பொருத்தமாக இருக்கும் என்பதால், அ.தி.மு.க., அரசு உடனடியாக இந்த வழக்கினை சி.பி.ஐ. விசாரணைக்கு உட்படுத்த வேண்டுமென்று வலியுறுத்துகிறேன்.

செம்மரக் கடத்தல் சம்பந்தமாக அப்பாவித் தமிழர்கள் இருபது பேர் சுட்டுப் பொசுக்கப்பட்ட நிகழ்வு, இரண்டு மாநிலங்கள் தொடர்புடையது என்பதால், சி.பி.ஐ. விசாரிப்பது தான் நியாயமாக இருக்கும் என வலியுறுத்தி வருகிறோம். இப்போது தங்கவேலு தொடர்பானதும், செம்மரக் கடத்தல் என்பதால் சி.பி.ஐ. விசாரணை மட்டுமே நியாயமான முறையில் நடக்கவும், உண்மை வெளிச்சத்துக்கு வரவும் உதவிடும்" என்று கூறியுள்ளார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு