Published:Updated:

தலையங்கம்

தலையங்கம்

தலையங்கம்

தலையங்கம்

Published:Updated:
தலையங்கம்
தலையங்கம்

ப்ரல் 13-ம் தேதி கடமையைச் செய்துவிட்டு, மே 13 நோக்கி பலனுக்காகக் காத்திருக்கிறார்கள் தமிழக வாக்காளர்கள்!

ஒட்டுமொத்த விகடனுக்கும் ஒரே ஷார்ட்கட்!

தேர்தலில் வெற்றி யாருக்கு இருந்தாலும், தேர்தல் களத்தில் கம்பீரமாக நின்ற அதிகாரிகள் சந்தேகத்துக்கே இடம் இல்லாத வெற்றியைப் பெற்றிருக்கிறார்கள்!

வருவாய்த் துறை அதிகாரிகளுக்கும் காவல் துறையினருக்கும் தங்கள் கம்பீரத்தைக் காட்டும் களமாக அமைந்தது இந்தத் தேர்தல். அரசியல்வாதிகளின் அடிவருடிகளாக அங்கொன்றும் இங்கொன்றுமாகத் தென்பட்ட, செயல்பட்ட ஒரு சில போலீஸ் அதிகாரிகள் இதில் திருஷ்டிப்பொட்டு!

'தேர்தல் நேர சோதனை என்ற பெயரில், அடிப்படை ஆதாரங்கள் ஏதும் இல்லாமலே வண்டிகளை நிறுத்தி, பொதுமக்களுக்கு இடைஞ்சல் செய்கிறார்கள்' என்று சில அரசியல்வாதிகள் எகிறிக் குதித்ததை நீதிமன்றம் புறந்தள்ளிய விதம், பொதுமக்களின் ஆரவார வரவேற்பைப் பெற்றது. 'நினைத்ததை'ச் சாதித்துக்கொள்ள முடியாத ஆற்றாமையும் இயலாமையும்தான் 'ஆடு நனைகிறதே' என்று இந்த அரசியல்வாதிகளை அழவைக்கிறது என்பது மக்களுக்குப் புரியாதா என்ன?

தேர்தல் நடக்கும் சொற்ப நாட்களில் நாட்டின் வெவ்வேறு பகுதிகளில் உள்ள சிவில் மற்றும் காவல் துறை அதிகாரிகளைத் திறமையோடு ஒருங்கிணைத்து, அவர்களுக்கான அதிகாரங்களைப் புரியவைத்து, ஆதரவாகத் தட்டிக்கொடுத்து வேலை வாங்கிய தேர்தல் ஆணையத்தின் பணி பிரமிப்புக்கு உரியது!

'அறிவிக்கப்படாத எமர்ஜென்சி இது!' என்று தேர்தல் ஆணையத்தை நோக்கி அரசியல்வாதிகள் சீறியதை, அர்த்தபுஷ்டியோடு மக்கள் ரசித்தார்கள்.

எத்தனை பெரிய அதிகார பலம்கொண்ட கொம்பனாக இருந்தாலும் சரி... அதிரடி சோதனைகள் நடக்கும், கோடிகள் பறிமுதலாகும், வழக்குகள் பாயும், கைதுகளும்கூட அரங்கேறும் என்று அதிரடியாகப் புரியவைக்கும் அசாதாரணமான வாய்ப்பு, இப்படிப்பட்ட 'எமர்ஜென்சி' சூழ்நிலையில்தான் அதிகாரிகளுக்குக் கிடைக்கும் என்றால்...

இந்த 'எமர்ஜென்சி'க்குப் பெயர்தான்... மக்கள் எதிர்பார்க்கும் 'ஜனநாயகம்’!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism