Published:Updated:

ஜெயலலிதா பணத்தை கொடுத்து பதவியை வாங்கியுள்ளார்..! சீமான்

Vikatan Correspondent
ஜெயலலிதா பணத்தை கொடுத்து பதவியை வாங்கியுள்ளார்..! சீமான்
ஜெயலலிதா பணத்தை கொடுத்து பதவியை வாங்கியுள்ளார்..! சீமான்


நடந்து முடிந்த சட்டமன்ற தேர்தலில் ஜெயலலிதா, பணத்தை கொடுத்து பதவியை வாங்கியுள்ளார் என்று நாம் தமிழர் கட்சியின் ஒருங்கிணைப்பாளர் சீமான் குற்றம்சாட்டியுள்ளார்.

நெல்லையில் செய்தியாளர்களிடம் பேசிய அவர், நடந்து முடிந்த சட்டமன்ற தேர்தலில் ஜெயலலிதா பணத்தை கொடுத்து பதவியை வாங்கியுள்ளார். அதிமுகவின் தேர்தல் அறிக்கை நிறைவேற்ற 15 லட்சம் கோடி தேவைப்படும். ஏற்கனவே கடனில் சிக்கி தவிக்கும் தமிழகத்தில் அவர்களின் தேர்தல் அறிக்கை எப்படி சாத்தியம் ஆகும்.

அதிக அளவு பணம் விநியோகிக்கப்பட்டதாக கூறி அரவக்குறிச்சி, தஞ்சாவூர், சட்டமன்ற தொகுதியில் தேர்தல் தள்ளி வைக்கப்பட்டுள்ளது வேடிக்கையானது, அது அவமானமானது. எதிர்வரும் உள்ளாட்சி தேர்தல், மற்றும் நாடாளுமன்ற தேர்தலில் நாம் தமிழர் கட்சி தனித்து போட்டியிடும்.

முல்லை பெரியாறு அணை விவகாரத்தில் கேரள முதல்வர் அணுகுமுறை வரவேற்கப்பட வேண்டியது என கூறினார்.

தமிழகத்தின் முதல்வராகப் பதவி ஏற்றுள்ள ஜெயலலிதாவுக்கு வாழ்த்துத் தெரிவித்திருந்த சீமான், தற்போது ஜெயலலிதா பணத்தை கொடுத்து பதவியை வாங்கியுள்ளார் என்று குற்றம்சாட்டியிருப்பது குறிப்பிடத்தக்கது.