Published:Updated:

கழுகார் பதில்கள்

கழுகார் பதில்கள்

கழுகார் பதில்கள்

மணி.சுதந்திரகுமார், சென்னை.112. 

கழுகார் பதில்கள்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

கழுகாரின் உள்ளம் கவர்ந்த பிரதமர் யார்?

ஜவஹர்லால் நேரு!

கழுகார் பதில்கள்

'நான் செய்வதில் தவறு ஏதாவது இருந்தால் சொல்லுங்கள்!’ என்று காந்தி சொன்னது இவரைப் பார்த்து மட்டும்தான். பிரதமர் நாற்காலியில் அதிக நாட்கள் இருந்தவர். அனுபவங்களின் காரணமாக நிலைத்தவர். நேருவின் 'கண்டுணர்ந்த இந்தியா’ படித்தால், அவரின் உலக ஞானத்தை உணரலாம். 'இந்திராவுக்கு எழுதிய கடிதங்கள்’ தத்துவ தரிசனம். சுய சரிதையில் நேரு என்ற மனிதனைப் பார்க்கலாம். அப்படி ஒரு மேதைமை நேருவுக்குப் பிறகு எவரிடமும் இல்லை. அவரே சொன்னது மாதிரி, 'பைத்தியக்காரத்தனமான உலகத்தில் சுமாரான நல்லறிவுடன் இருந்தார்.’

இத்தாலி சென்ற நேருவை பார்க்க முசோலினி அழைத்தார். 'ரத்தக் கறை படிந்த கையைத் தொட மாட்டேன்!’ என்று நேரு மறுத்தார்.

நேரு அறிவித்த ஒரு வேட்பாளரை ஊழல்வாதி என்று பொதுமக்கள் எதிர்த்தார்கள். 'அவருக்கு நீங்கள் வாக்களிக்க வேண்டாம்’ என்று சொல்லிவிட்டு, மேடையைவிட்டு இறங்கி​யவர் நேரு. 'முதலாளித்துவமும் ஏகாதிபத்தியமும் என்னுடைய இரண்டு எதிரிகள்’ என்று அறிவித்து, அணி சேரா நாடுகளை ஐக்கியப்படுத்தியவர். காந்தி அளவுக்கு காரல் மார்க்ஸையும் விரும்​பியவர்.

பிரச்னை என்னவெனில், கம்யூனிஸ்ட்களிடம் இருந்த வன்முறையும் பிடிக்கவில்லை. காந்தியத்தில் இருந்த அகிம்சையும் பிடிக்கவில்லை. அப்படி ஒரு விநோத மனிதர் நேரு!

 எஸ்.பவதாரணி, ஆலத்தம்பாடி.

கழுகார் பதில்கள்

ஒரு தமிழன் பிரதமராக வாய்ப்பு உண்டா?

தகுதியால் அந்த வாய்ப்பு காமராஜருக்கு வந்தது. அவர் மறுத்தார். அதிர்ஷ்டத்தால்,

##~##
ஜி.கே.மூப்பனாருக்குக் கிடைக்க இருந்தது. ஒரு 'தமிழனே’ தடுத்தார். இன்றும், மன்மோகனுக்கு அடுத்தபடியாக ப.சிதம்பரத்தை சோனியா தேர்வு செய்துவிடுவாரோ என்ற நம்பிக்கை சிலருக்கு இருக்கிறது. அதைத் தடுக்கவே ப.சி. மீதான அவதூறுகளை பி.ஜே.பி. அள்ளித் தெளிக்கிறது.

கொஞ்சம் தொலைநோக்கிப் பார்த்தால்கூட, அப்படி ஒரு வாய்ப்பு தமிழனுக்குத் தெரிய​வில்லை!

 டி.ஜெய்சிங், கோவை.

கழுகார் பதில்கள்

உலகத்திலேயே மோசமான சர்வாதிகாரி இறந்துவிட்டாரா... உயிருடன் இருக்கிறாரா?

இறக்கவில்லை. உயிருடன்தான் இருக்கிறார்கள்! ஒருவர் அல்ல; பலராகப் பெருகிவிட்டார்கள்.

இலங்கை ராஜபக்ஷே, எகிப்து முபாரக், லிபியாவின் கடாஃபி ஆகியோர் முதல் மூன்று இடங்களைப் பிடிக்கிறார்கள். மன்னர் ஆட்சிக்கு எதிராக வளைகுடா நாடுகளில் ஏற்படும் கொந்தளிப்புகள் எல்லாமே இந்த சர்வாதிகாரிகளுக்கு எதிரான போராட்டங்கள்தான்!

பி.எம்.சூர்யா பழனியப்பன், புதுக்கோட்டை.

கழுகார் பதில்கள்

அரசு வழக்கறிஞர்களாக ஆளும் கட்சியினர்தான் இருக்க வேண்டுமா?

இல்லை! அரசு வழக்கறிஞர் என்பது கௌரவப் பதவி அல்ல; அரசாங்கத்தின் கௌரவத்தைக் காப்பாற்ற வேண்டிய பதவி. அதில், தகுதியானவர்களையே நியமிக்க வேண்டும். அதைச் செய்யத் தவறினால், கஷ்டங்களை அனுபவிக்கப்போவது ஆளும் கட்சியாகத்தான் இருக்கும்.

சமச்சீர் கல்வி வழக்கில் தடுமாறிய பிறகாவது, ஜெயலலிதா இதை உணர்ந்தாரா எனத் தெரியவில்லை. எத்தனையோ கட்சிக்காரர்கள் இருக்க, கெட்டிக்காரர் ஒருவரைத்தான் கருணாநிதி தனது காலத்தில் வைத்திருந்தார் என்பதை ஜெ. உணர வேண்டும்!

 சத்தியச்சந்திரன், காஞ்சிபுரம்.

கழுகார் பதில்கள்

ஜூன் 26-ம் தேதி சென்னைக் கடற்கரையில் நடந்த ஈழத் தமிழர் நினைவேந்தல் நிகழ்ச்சியில் கலந்துகொண்டேன். புதிய இளைஞர்கள் நிறைய வந்திருந்தார்கள். இவர்களைப்பற்றி என்ன நினைக்​கிறீர்கள்?

இப்போது செய்ய வேண்டியது எல்லாம் ஒன்றுதான்!

'நாம் செய்ய வேண்டிய பெரிய கடமை என்ன தெரியுமா? மிக உயர்ந்த எண்ணங்​களைக்கொண்ட சில அரைகுறைப் படிப்​பாளிகளை முறையாக வழிநடத்திச் செல்ல வேண்டியதுதான்’ என்று கார்ல் மார்க்ஸுக்கு எழுதிய கடிதத்தில் எங்​கெல்ஸ் சொன்னார். இந்த இளைஞர்கள் சரியான முறையில் வழிநடத்தப்பட வேண்டியவர்கள்!

 கண்ணபிரான், சிதம்பரம்.

கழுகார் பதில்கள்

நியாயம் என்பது எப்படிப்பட்டதாக இருக்க​வேண்டும்?

மகாபாரதத்தில் தர்மன் கேட்டது போன்று, கொஞ்சமும் சுயநலம் இல்லாமல் இருக்க வேண்டும். யட்சனின் தடாகத்தில் இறந்துகிடந்த நான்கு தம்பியரில் ஒருவனை மட்டும் உயிர்ப்பிக்க முடியும் என்ற நிலையில் நகுலனைக் கேட்கிறான் தர்மன். 'அர்ஜுனன் அல்லது பீமன் இல்லாமல், நீ வெற்றிபெற முடியாதே’ என்று யட்சன் எடுத்துச் சொன்ன பிறகும்... 'எனக்கு வெற்றி முக்கியம் இல்லை. என் தாய் குந்திக்கு நான் பிள்ளையாக உயிருடன் இருக்கிறேன். அதுபோல் தாய் மாத்ரி பெற்ற பிள்ளைகளில் ஒருவனான நகுலன் உயிருடன் இருக்க வேண்டும்’ என்கிறான். இதுதான் சிறந்த நியாயம்!

 வண்ணை கணேசன், சென்னை-110.

கழுகார் பதில்கள்

கேப்டன் இனி நடிப்பாரா மாட்டாரா?

சட்டசபையில் நடிக்காமல் இருந்தால் போதும்!

 விஜயா ஜெயராம், மதுரை-14.

கழுகார் பதில்கள்

பணக்கார தி.மு.க., அ.தி.மு.க. தொண்டனுக்கும் ஏழை தி.மு.க., அ.தி.மு.க. தொண்டனுக்கும் என்ன வித்தியாசம்?

கறுப்பும் சிவப்பும் கலந்த கொள்கைகள் மட்டுமே ஏழை தி.மு.க. தொண்டனின் இன்றைய கையிருப்பு. எம்.ஜி.ஆரின் நிழல் மட்டுமே ஏழை அ.தி.மு.க. தொண்டனின் குடியிருப்பு!

ஆனால், இந்தக் கட்சிகளின் பணக்காரத் தொண்டர்​களிடம் கறுப்புப் பணம் இருக்கிறது. சிவப்பு விளக்கு காரும் இருக்கும்.

ஆட்சியில் இருந்தாலும் இல்லாவிட்டாலும், ஏழைத் தொண்டனுக்கு ஏக்கம் இல்லை. ஆனால் பணக்காரத் தொண்டன், எதையோ பறிகொடுத்ததுபோல காணப்படுவான்!

 ச.ராஜசேகர், செய்யாறு.

கழுகார் பதில்கள்

இலவச திட்டங்களுக்கு பதில் வீட்டுக்கு ஒருவருக்கு வேலை கொடுத்தால் நல்லா இருக்குமே?

உங்களுக்கு நல்லா இருக்கும்! ஆனால், டெண்டர் விடமுடியாது. கமிஷன் வாங்க முடியாது. பணம் சேர்க்க முடியாது. எனவேதான் எந்தக் கட்சியாக இருந்தாலும் இலவசத்திட்டங்களில் மும்முரமாக இருக்கின்றன. வேலை உருவாக்கும் திட்டங்களை மறந்தும் உருவாக்குவது இல்லை!

 அ.ராஜா ரஹ்மான், கம்பம்.

கழுகார் பதில்கள்

கருணாநிதி தன் மகன் ஸ்டாலினுக்குத் தர முடியாத ஒன்று எது?

வாய் சாமர்த்தியம்!

கழுகார் பதில்கள்