Published:Updated:

தி.மு.க உண்ணாவிரதத்தில் களம் இறங்கினார், உதயநிதி ஸ்டாலின்!

தி.மு.க உண்ணாவிரதத்தில் களம் இறங்கினார், உதயநிதி ஸ்டாலின்!
தி.மு.க உண்ணாவிரதத்தில் களம் இறங்கினார், உதயநிதி ஸ்டாலின்!
தி.மு.க உண்ணாவிரதத்தில் களம் இறங்கினார், உதயநிதி ஸ்டாலின்!

தமிழக சட்டமன்றத்தில் நடைபெற்ற ஜனநாயகப் படுகொலையைக் கண்டித்து தமிழகம் முழுவதும் திமுகவினர் இன்று உண்ணாவிரதம் மேற்கொண்டுள்ளனர். சென்னையில் நடந்து வரும் உண்ணாவிரதப் போராட்டத்தில் திமுக செயல் தலைவர் மு.க.ஸ்டாலின் மகன் உதயநிதி பங்கேற்றுள்ளார்.

முதல்வர் எடப்பாடி பழனிசாமி அரசுக்கு எதிராக கடந்த 18-ம் தேதி தமிழக சட்டப்பேரவையில் நடைபெற்ற நம்பிக்கை வாக்கெடுப்பை ரகசிய வாக்கெடுப்பாக நடத்த வேண்டும் என்று எதிர்க்கட்சிகள் வலியுறுத்தின. இந்தக் கோரிக்கையை சபாநாயகர் நிராகரித்தார். இதனால், சட்டப்பேரவையில் திமுகவினர் தர்ணாவில் ஈடுபட்டனர். அவர்களை குண்டுக்கட்டாக அவைக்காவலர்கள் தூக்கி வெளியேற்றனர். அப்போது, எதிர்க்கட்சித் தலைவர் மு.க.ஸ்டாலின் மற்றும் சில திமுக எம்எல்ஏக்களின் சட்டைகள் கிழிக்கப்பட்டன.

தி.மு.க உண்ணாவிரதத்தில் களம் இறங்கினார், உதயநிதி ஸ்டாலின்!

சட்டப்பேரவையில் நடந்த நிகழ்வு குறித்து ஆளுநரிடம், திமுக நேரில் முறையிட்டது. இதைத் தொடர்ந்து சென்னை மெரினாவில் உள்ள காந்தி சிலை அருகே மு.க.ஸ்டாலின் மற்றும் எம்எல்ஏக்கள் திடீர் அறப்போராட்டத்தில் ஈடுபட்டனர். அவர்களைக் காவல்துறை கைது செய்தது. இதனிடையே, சட்டப்பேரவையில் நடைபெற்ற வாக்கெடுப்பு செல்லாது என அறிவிக்கக்கோரி மு.க.ஸ்டாலின், சென்னை உயர்நீதிமன்றத்தில் வழக்கு தொடர்ந்துள்ளார். இந்த வழக்கு விரைவில் விசாரணைக்கு வர இருக்கிறது.

இந்நிலையில், சட்டப்பேரவையில் நடைபெற்ற ஜனநாயகப் படுகொலையைக் கண்டித்து தமிழகம் முழுவதும் திமுகவினர் இன்று உண்ணாவிரதப் போராட்டத்தில் ஈடுபட்டுள்ளனர். திருச்சியில் மு.க.ஸ்டாலின் உண்ணாவிரதம் இருந்துவருகிறார். சென்னை ஆதம்பாக்கத்தில் நடந்துவரும் உண்ணாவிரதப் போராட்டத்தில் உதயநிதி ஸ்டாலின் மற்றும் எம்எல்ஏக்கள் மா.சுப்பிரமணியன், வாகை சந்திரசேகர் உள்ளிட்ட திமுகவினர் ஏராளமானோர் பங்கேற்றுள்ளனர்.

சென்னை கோடம்பாக்கத்தில் மு.க.ஸ்டாலின் மனைவி துர்கா, திமுக தலைவர் கருணாநிதியின் மகள் செல்வி உள்ளிட்ட திமுக மகளிர் அணியினர் பங்கேற்றுள்ளனர்.

படம்: வி.ஶ்ரீநிவாசுலு