Published:Updated:

கடிதம் எழுதும் சடங்கை நிறுத்துங்கள்! முதல்வர் பழனிசாமியைச் சாடும் திருமாவளவன்

ஒட்டுமொத்த விகடனுக்கும் ஒரே ஷார்ட்கட்

Use App
கடிதம் எழுதும் சடங்கை நிறுத்துங்கள்! முதல்வர் பழனிசாமியைச் சாடும் திருமாவளவன்
கடிதம் எழுதும் சடங்கை நிறுத்துங்கள்! முதல்வர் பழனிசாமியைச் சாடும் திருமாவளவன்

கடிதம் எழுதும் சடங்கை நிறுத்துங்கள்! முதல்வர் பழனிசாமியைச் சாடும் திருமாவளவன்

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

தமிழக மீனவர் பிரச்னையில் பிரதமருக்குக் கடிதம் எழுதும் சடங்கைச் செய்துவிட்டு மெத்தனமாக இருக்காமல் தமிழக முதலமைச்சர் நேரடியாகச் சென்று பிரதமரைச் சந்தித்து வலியுறுத்த வேண்டும் என்று விடுதலை சிறுத்தைகள் கட்சித் தலைவர் தொல்.திருமாவளவன் வலியுறுத்தியுள்ளார்.

இது தொடர்பாக அவர் இன்று வெளியிட்டுள்ள அறிக்கையில், "மீன்பிடித் தடைக்காலம் முடிந்து தொழிலுக்குச் சென்ற தமிழக மீனவர்கள் மீது இலங்கைக் கடற்படை கடுமையான தாக்குதலைத் தொடுத்திருக்கிறது. ஜூன் மாதம் 15-ம் தேதிக்குப் பிறகு கடந்த ஒரு மாதத்தில் மட்டும் 60-க்கும் மேற்பட்ட தமிழக மீனவர்கள் இலங்கைக் கடற்படையால் சிறைபிடிக்கப்பட்டுள்ளனர். 10-க்கும் மேற்பட்ட படகுகள் பறிமுதல் செய்யப்பட்டுள்ளன. இலங்கை கடற்படையின் இந்தத் தாக்குதலைக் கண்டித்து ராமேஸ்வரம் பகுதி மீனவர்கள் தொடர்ந்து வேலை நிறுத்தப் போராட்டத்தில் ஈடுபட்டுள்ளனர். ஜூலை 14-ம் தேதி தீக்குளிப்புப் போராட்டம் நடத்தப்போவதாகவும் அறிவித்துள்ளனர்.

மத்திய அரசு இந்தப் பிரச்னையில் உடனடியாகத் தலையிட்டு தமிழக மீனவர்களின் உரிமைகளைப் பாதுகாப்பதற்கு நடவடிக்கை எடுக்க வேண்டுமென விடுதலைச் சிறுத்தைகள் கட்சியின் சார்பில் வலியுறுத்துகிறோம். இலங்கை அரசு ‘கடல் தொழில் நீர்வாழ் உயிரினவளங்கள் திருத்தச்சட்டம்’ ஒன்றை சில நாள்களுக்கு முன்னால் இயற்றியுள்ளது. இந்தச் சட்டத்தின் பிரிவு 28அ.(1)(அ)ன் படி: ”மோட்டார் மயப்படுத்தப்பட்ட அல்லது இயந்திர மயப்படுத்தப்பட்ட மீன்பிடி வள்ளங்களினால் கட்டி இழுக்கப்படவேண்டிய இரண்டு சிறகுகளுமற்ற அல்லது அவ்வலைகளின் இரண்டு சுயாதீன முனைகளிலும் செங்குத்துக் கம்பங்களைப் பயன்படுத்தும் பக்குரு வலைகள் உட்பட அவ்வலைகளைப் பயன்படுத்தி மீன் பிடிச்  செயற்பாடுகளில் ஆளெவரும் ஈடுபடுதலோ அல்லது வேறு எவரேனும் ஆளை ஈடுபடுத்தல் செயவித்தலோ“ குற்றம் ஆகும். அந்தக் குற்றத்துக்கு 'இரண்டு ஆண்டுகளை விஞ்சாத காலப்பகுதியொன்றுக்கான மறியல் (சிறை) தண்டனை அல்லது ஐம்பதாயிரம் ரூபாய்க்குக் குறையாத குற்றப்பணம் (அபராதம்)' எனத் தண்டனை வரையறுக்கப்பட்டுள்ளது. இலங்கை மீன் வளத்தைக் காப்பதற்காக இந்தச் சட்டத் திருத்தம் செய்யப்படுவதாகச் சொல்லப்பட்டாலும் இது தமிழக மீனவர்களைக் குறிவைத்தே மேற்கொள்ளப்பட்டிருக்கிறது என்பது வெளிப்படை.

இலங்கை சிறைகளில் ஏற்கெனவே நூற்றுக்கும் மேற்பட்ட தமிழக மீனவர்கள் அடைத்து வைக்கப்பட்டுள்ளனர். 140-க்கும் மேற்பட்ட தமிழக மீனவர்களின் படகுகள் பறிமுதல் செய்யப்பட்டு நாசமாகிக்கொண்டுள்ளன. இந்நிலையில் இலங்கை அரசு இயற்றியுள்ள புதிய சட்டம் தமிழக மீனவர்களை ஒடுக்குவதற்கே பயன்படுத்தப்படும். எனவே, இந்த சட்டத்தை ரத்து செய்வதற்கு இந்திய அரசு அழுத்தம் தர வேண்டும் எனக் கேட்டுக்கொள்கிறோம். தமிழக மீனவர் பிரச்னையில் பிரதமருக்குக் கடிதம் எழுதும் சடங்கைச் செய்துவிட்டு மெத்தனமாக இருக்காமல் தமிழக முதலமைச்சர் நேரடியாகச் சென்று பிரதமரைச் சந்தித்து வலியுறுத்த வேண்டும்" என்று கேட்டுக்கொண்டுள்ளார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு