Published:Updated:

சசிகலா சீராய்வு மனு தேதி குறிப்பிடாமல் தள்ளி வைப்பு !

சே.த.இளங்கோவன்
சசிகலா சீராய்வு மனு தேதி குறிப்பிடாமல் தள்ளி வைப்பு !
சசிகலா சீராய்வு மனு தேதி குறிப்பிடாமல் தள்ளி வைப்பு !

சொத்துக்குவிப்பு வழக்கில் சசிகலா, இளவரசி, சுதாகரன் ஆகியோருக்கு கடந்த பிப்ரவரி மாதம் நான்கு ஆண்டுகள் சிறைத் தண்டனை வழங்கி தீர்ப்பளித்தது உச்சநீதிமன்றம்.

இதைத்தொடர்ந்து மூவரும் பெங்களூர் பரப்பன அக்ரஹார சிறையில் தண்டனை அனுபவித்து  வருகின்றனர். தங்களுக்கு வழங்கப்பட்ட நான்கு வருட சிறைத் தண்டனையை மறுசீராய்வு செய்ய , சசிகலா தரப்பு, உச்ச நீதிமன்றத்தில் மனுதாக்கல் செய்திருந்தது. வழக்கில் இருந்து முழுவதுமாக விடுவிக்க வேண்டும் என அந்த மனுவில் கோரிக்கை வைத்திருந்தனர். இந்த மனுவை ஏற்றுக்கொண்டது   உச்சநீதிமன்றம். அதன் நீதிபதிகள் அமித்தவராய் கோஷ், ரோஹின்டன், பாரி நாரிமன் அமர்வு முன், சீராய்வு மனு  இன்று ஆகஸ்ட் 2-ம் தேதி  விசாரணைக்கு  வருவதாக அறிவிக்கப்பட்டிருந்தது. இந்த நிலையில்  இந்த சீராய்வு மனு இன்றைய பட்டியலில் இடம் பெறவில்லை. சசிகலா சீராய்வு மனு மீதான விசாரணை, தேதி அறிவிக்கப்படாமல் தள்ளிவைக்கப்பட்டுள்ளது என்கிறது உச்சநீதிமன்றம்.

'நீதிபதி பாலி  நாரிமன், 'இந்த வழக்கில் இருந்து விலகிக்கொள்வதாக ஏற்கனவே தெரிவித்திருந்ததால்' இன்றைய விசாரணை தள்ளிப்போயிருக்கலாம் என்கிறது உச்சநீதிமன்ற வழக்கறிஞர்கள் வட்டாரம். .