Published:Updated:

``புள்ளி கிடைத்தால், கோலம் போட்டுவிடுகின்றன எதிர்க்கட்சிகள்!'' - சொல்கிறார் குஷ்பு

குஷ்பு

``எங்கள் மீது பழி சுமத்துபவர்கள்தான், பிரச்னைகளை எல்லாம் உருவாக்குகிறார்கள்" என்கிறார் - குஷ்பு.

``புள்ளி கிடைத்தால், கோலம் போட்டுவிடுகின்றன எதிர்க்கட்சிகள்!'' - சொல்கிறார் குஷ்பு

``எங்கள் மீது பழி சுமத்துபவர்கள்தான், பிரச்னைகளை எல்லாம் உருவாக்குகிறார்கள்" என்கிறார் - குஷ்பு.

Published:Updated:
குஷ்பு

கர்நாடக அரசியலில், ஹிஜாபை முன்வைத்து அரசியல் என்றால், தமிழ்நாட்டிலோ 'தி.மு.க-வுக்கு எதிர்க்கட்சி நாங்கள்தான்' என்று சவால் விடுவது முதல், தேர்தல் முடிவுக்குப் பின்பு, 'மூன்றாவது பெரிய கட்சி நாங்கள்தான்' எனச் சொல்லிக்கொள்வது வரை... தமிழக அரசியலில் பா.ஜ.க-வின் அதகளமே தனி ரகம்தான்!

இந்த நிலையில், பா.ஜ.க-வின் தேசிய செயற்குழு உறுப்பினரும் நடிகையுமான குஷ்புவை நேரில் சந்தித்து சில கேள்விகளை முன்வைத்துப் பேசினோம்...

''நகர்ப்புற உள்ளாட்சித் தேர்தலில் பா.ஜ.க-வுக்காக பரப்புரை செய்தீர்களே... மக்களிடையே எந்தளவு வரவேற்பு இருந்தது?''

''மக்களிடம் பா.ஜ.க-வுக்கு நல்ல வரவேற்பு இருக்கிறது. 'தாமரைன்னா மோடிஜி-யோட கட்சிதானே... அப்ப எங்களோட ஓட்டு உங்களுக்குத்தான்'னு மக்கள் சொல்கிறார்கள்.

தேர்தல் பிரசாரத்தில் குஷ்பு
தேர்தல் பிரசாரத்தில் குஷ்பு

ஒட்டுமொத்த விகடனுக்கும் ஒரே ஷார்ட்கட்!

'தமிழகத்தில் தமரை மலரவே மலராது' என்று சொல்லிக்கொண்டிருந்தவர்களுக்கு கடந்த சட்டமன்றத் தேர்தலில் 4 இடங்களை வென்று பதிலடி கொடுத்துவிட்டோம். அதேபோல், உள்ளாட்சித் தேர்தலிலும் கணிசமான எண்ணிக்கையில் வெற்றி பெற்றுள்ளோம். 2024-ம் ஆண்டு நாடாளுமன்றத் தேர்தலை எதிர்கொள்ள எங்களுக்கு இந்தத் தேர்தல்தான் அடித்தளம்!''

''கோவையில், மர்ம நபர்கள் கற்களை வீசி தாக்கியதாகக்கூறி பா.ஜ.க வேட்பாளர் ஹெல்மெட் அணிந்து பிரசாரம் செய்தாரே...''

''வேட்பாளர் மீது கல்லெடுத்து வீசியவர்கள் யார்? நிச்சயம் மக்கள் கல்வீசியிருக்க வாய்ப்பில்லை. ஆக, அரசியல் கட்சியைச் சேர்ந்தவர்கள்தான் கல் வீசித் தாக்கியிருப்பார்கள்.''

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

''ஏதாவது ஒரு பிரச்னையைக் கிளப்பி அதன் வழியே வாக்குச் சேகரிக்கும் உத்தியை பா.ஜ.க பின்பற்றிவருவதாகச் சொல்கிறார்களே?''

''மத்திய ஆட்சிப் பொறுப்பில், வலுவாக அமர்ந்திருக்கும் கட்சியைச் சேர்ந்தவர்கள் நாங்கள். தொடர்ந்து மத்திய அரசு செய்துவரும் மக்கள் நலத் திட்டங்களை எடுத்துச் சொல்லியே நாங்கள் வெற்றிபெற முடியும் என்கிறபோது, நாங்கள் ஏன் சர்ச்சைகளை உருவாக்கவேண்டும்.

ஆனால், எங்கள் மீது இப்படியொரு பழியை சுமத்துபவர்கள்தான், இந்தப் பிரச்னைகளை எல்லாம் உருவாக்குகிறார்கள். அதாவது, குற்றச்சாட்டை முன்வைப்பவர்கள்தான் தாங்களாகவே ஒரு பிரச்னையை உருவாக்கி அந்தப் பிரச்னைக்கான பழியை எங்கள் மீது சுமத்திவிடுகிறார்கள்

கல்லூரி மாணவர்கள் - காவி துண்டு
கல்லூரி மாணவர்கள் - காவி துண்டு

இந்தவரிசையில், 'பிரசாரத்துக்கு எங்கே போனீர்கள், என்ன பேசினீர்கள்' என்பதையெல்லாம்கூட தங்கள் சுயநல அரசியலுக்காக மாற்றிப் புகார் சொல்லிவிடுகின்றன எதிர்க்கட்சிகள். ஆக, சின்னதொரு புள்ளி கிடைத்தாலும் அதைவைத்துக் கோலம் போட்டுவிடுவதற்காக காத்துக்கிடக்கின்றன எதிர்க்கட்சிகள்.''

''கர்நாடகத்தில், 'ஹிஜாப்' ஆடையை முன்வைத்து அரங்கேறிவரும் அரசியலை செய்துவருபவர்கள் யார்?''

''நான் படித்த காலத்தில், பள்ளி வளாக வாசலிலேயே ஹிஜாபை கழற்றிவிட்டுத்தான் பள்ளிக்குள் நுழைவார்கள். கல்வி கற்கக்கூடிய பள்ளியினுள் அனைத்து மாணவர்களும் சமத்துவமாக இருக்கவேண்டும் என்பதற்காகத்தான் இந்த சீருடைக் கட்டுப்பாடு. ஆனால், கர்நாடகா விவகாரத்தில் பள்ளியினுள் ஹிஜாப் அணிந்துதான் செல்வேன் என்று பிரச்னையைக் உருவாக்குபவர்கள் யார்?''

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

''அப்படியென்றால், கைகளில் கயிறு, நெற்றியில் திலகம், தலையில் டர்பன் என எல்லா மத அடையாளங்களையும் பள்ளிக்குள் அனுமதிக்கக்கூடாதுதானே?''

''இந்து, முஸ்லிம் மாணவர்களிடையேயான பிரச்னையை நீங்கள் சாதி, இனம் சார்ந்த பிரச்னையாகவும் பிரித்துப்பார்த்து கேள்வி கேட்கிறீர்கள். எங்களைப் பொறுத்தவரையில், ஹிஜாப் அணிந்து செல்வது தவறு, காவி துண்டு அணிந்து செல்வதும் தவறு. மற்றபடி கையில் கயிறு கட்டிக்கொள்வதையோ, பிராமின்ஸ் பூநூல் அணிவதையோ, முஸ்லிம்கள் தாவிஸ் அணிவதையோ கழட்டச்சொல்லி யாருமே சொல்லவில்லை. சீருடைக் கட்டுப்பாடு என்ற ஒன்று இருக்கும்போது, அதை யாரும் மீறாதீர்கள் என்றுதான் சொல்கிறோம்.''

ஹிஜாப் சர்ச்சை
ஹிஜாப் சர்ச்சை

''நீங்களும்கூட பா.ஜ.க-வில் இணைவதற்கு முன்பு 'ஹிஜாப் அணிவது அவரவர் தனிப்பட்ட உரிமை' என்றுதானே பேசிவந்திருக்கிறீர்கள்?''

''ஹிஜாப் அணிவது அவரவர் தனிப்பட்ட உரிமை என்றுதான் இப்போதும் சொல்கிறேன். ஆனால், பள்ளிக்கூடத்தில் அல்ல. கடந்த காலத்திலேயே இந்தப் பிரச்னை வந்திருந்தாலும்கூட நான் இதே பதிலைத்தான் சொல்லியிருப்பேன். ஏனெனில், 'நாம் எந்தக் கட்சியில் இருக்கிறோம்; அதன் அடிப்படையில்தான் கருத்து சொல்லவேண்டும்' என்றெல்லாம் நான் ஒருபோதும் நினைப்பதில்லை. உண்மை எதுவோ அதன் அடிப்படையில் மட்டுமே பேசுவேன். அதனால்தான் காங்கிரஸ் கட்சியில் இருந்தபோதேகூட, 'புதிய கல்விக் கொள்கை'யை ஆதரித்துப் பேசினேன்.''

''2024-ல் 'ஒரே நாடு ஒரே தேர்தல் அமல்படுத்தப்படும்' என்கிறார்களே அ.தி.மு.க தலைவர்கள்? உண்மைதானா?''

''அ.தி.மு.க தலைவர்கள் சொல்லி வருகிறார்கள் என்றால், அவர்களிடம்தான் நீங்கள் விளக்கம் கேட்கவேண்டும். நான் ஒன்றும் அ.தி.மு.க செய்தித்தொடர்பாளர் இல்லையே!''

மோடி - எடப்பாடி பழனிசாமி
மோடி - எடப்பாடி பழனிசாமி

''மாணவி அனிதா மரணத்தின்போது, 'பிணத்தின் மீது அரசியல் செய்வதாக' எதிர்க்கட்சிகளை குற்றம் சாட்டிய பா.ஜ.க-வே, இப்போது அரியலூர் மாணவி மரணத்தை முன்வைத்து அரசியல் செய்துவருகிறதுதானே?''

''மாணவி அனிதா தற்கொலைக்கும், இந்த மாணவி தற்கொலை விவகாரத்துக்கும் இடையே நிறைய வித்தியாசங்கள் உள்ளன. நீட் தேர்வு பிரச்னையால் அனிதா தற்கொலை செய்துகொண்டதாகக்கூறி தி.மு.க உள்ளிட்ட எதிர்க்கட்சிகள் அரசியல் செய்தன. ஆனால், அரியலூர் மாணவி விவகாரத்தில் 'கட்டாய மதமாற்றம் செய்யச்சொன்னார்கள்' என்று அவரே சொல்லியிருக்கிறார்.

இந்த நிலையில், 'அரியலூர் மாணவி மரணத்தில், மதமாற்றப் பின்னணி எதுவும் இல்லை' என்று காவல்துறையும், அமைச்சரும் சொல்லிக்கொண்டிருந்ததால், 'உண்மையை வெளிக்கொணர சி.பி.ஐ விசாரணை வேண்டும்' என்று நாங்கள் போராடினோம். நீதிமன்றமும் சி.பி.ஐ விசாரணைக்கு உத்தரவிட்டு, விசாரணை நடந்துகொண்டிருக்கிறது. விரைவிலேயே உண்மை வெளிவரும். எனவே, இது உண்மையை வெளிக்கொண்டு வருவதற்கான அரசியல்தானே தவிர... பிணத்தின் மீதான அரசியல் அல்ல!''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism