Published:Updated:

சமூகச் செயற்பாட்டாளர் தீஸ்தா கைது; `திட்டமிட்டு இலக்கு வைப்பதை நிறுத்த வேண்டும்’ - மனித உரிமை ஆணையம்

தீஸ்தா சீதல்வாட் கைது

``தீஸ்தா சீதல்வாட் கைது மனித உரிமைகள் மற்றும் மனித உரிமைப் பாதுகாவலர்களுக்கு (HRDs) இந்திய அரசின் பாதுகாப்பு குறித்து, உலக அளவில் பல கேள்விகளை எழுப்பியிருக்கிறது.” - ஐ.நா-வின் மனித உரிமை பணிக்குழு

சமூகச் செயற்பாட்டாளர் தீஸ்தா கைது; `திட்டமிட்டு இலக்கு வைப்பதை நிறுத்த வேண்டும்’ - மனித உரிமை ஆணையம்

``தீஸ்தா சீதல்வாட் கைது மனித உரிமைகள் மற்றும் மனித உரிமைப் பாதுகாவலர்களுக்கு (HRDs) இந்திய அரசின் பாதுகாப்பு குறித்து, உலக அளவில் பல கேள்விகளை எழுப்பியிருக்கிறது.” - ஐ.நா-வின் மனித உரிமை பணிக்குழு

Published:Updated:
தீஸ்தா சீதல்வாட் கைது

பிரதமர் மோடிக்கு எதிராக 2002-ம் ஆண்டு குஜராத்தில் நடந்த கலவரம் தொடர்பாகத் தொடுக்கப்பட்ட வழக்கு உச்ச நீதிமன்றத்தால் தள்ளுபடி செய்யப்பட்டது. இந்த வழக்கைத் தொடுப்பதற்குப் பின்னணியிலிருந்து செயல்பட்டதாகக் குற்றம்சாட்டப்பட்ட முன்னாள் டி.ஜி.பி ஆர்.பி.ஸ்ரீகுமார், 2002 குஜராத் கலவரத்தில் பாதிக்கப்பட்டவர்களின் சார்பாக வாதிட உருவாக்கப்பட்ட சிட்டிசன்ஸ் ஃபார் ஜஸ்டிஸ் அண்ட் பீஸ் (Citizens for Justice and Peace) அமைப்பின் செயலாளரான மும்பையைச் சேர்ந்த சமூக ஆர்வலர் தீஸ்தா சீதல்வாட் (Teesta Setalvad) ஆகியோர் கைதுசெய்யப்பட்டிருக்கிறார்கள்.

 தீஸ்தா
தீஸ்தா

இந்த நிலையில், அவர்களின் கைதுக்கு எதிர்ப்பு தெரிவித்து மனித உரிமை ஆணையம் மற்றும் ஐ.நா-வின் மனித உரிமை பணிக்குழு (The Working Group on Human Rights in India and the UN) அறிக்கை வெளியிட்டிருக்கிறது. அந்த அறிக்கையில்,"இந்திய அரசு மனித உரிமைப் பாதுகாவலர்களைத் திட்டமிட்டு இலக்கு வைப்பது நிறுத்தப்பட வேண்டும். சட்டபூர்வமான மனித உரிமைப் பணிகளைச் செய்யும் பாதுகாவலர்கள் மற்றும் உரிமையியல் சமூக அமைப்புகளுக்கு எதிரான பழிவாங்கல்கள், மற்றும் அரசியல் நடவடிக்கைகள் ஜனநாயகத்தில் முற்றிலும் ஏற்றுக்கொள்ள முடியாதவை.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்தப் பழிவாங்கும் அரசியல் நடவடிக்கை இந்தியாவின் சர்வதேச சட்டக் கடமைகளை மீறுவதாகும். இந்தியாவில் வகுப்புவாத வன்முறையால் பாதிக்கப்பட்டவர்களுக்கான நீதிக்காக, தீஸ்தா சீதல்வாட் அயராது போராடிவருபவர். எஹ்சான் ஜாஃப்ரியின் மனைவி ஜாகியா ஜாஃப்ரி உட்பட தாக்குதலால் பாதிக்கப்பட்டவர்களுடன் நிற்பவர்களுக்கு தீஸ்தா சீதல்வாட்டின் கைது பதிலடி மட்டுமல்ல... எச்சரிப்பதற்குச் சமம் என்று WGHR உறுதியாக நம்புகிறது.

மோடி
மோடி

இந்திய அரசியலமைப்பின் கீழ் குடிமக்களுக்கு உத்தரவாதம் அளிக்கப்பட்டுள்ள உரிமைகள் மற்றும் சுதந்திரங்களைக் கடுமையாக மீறும் வகையில், அரசு இயந்திரத்தின் அதிகாரத்தையும், சட்டத்தையும் துஷ்பிரயோகம் செய்வதைப் பிரதிபலிக்கும் வகையில் தீஸ்தா கைதுசெய்யப்பட்டிருக்கிறார்.

எனவே, இவரின் கைது மனித உரிமைகள் மற்றும் மனித உரிமைப் பாதுகாவலர்களுக்கு (HRDs) இந்திய அரசின் பாதுகாப்பு குறித்து, உள்நாட்டில் மட்டுமின்றி உலக அளவிலும் பல கேள்விகளை எழுப்பியிருக்கிறது. எனவே, உடனடியாக தீஸ்தா விடுதலை செய்யப்பட வேண்டும்" எனக் குறிப்பிடப்பட்டிருக்கிறது.