Published:Updated:

`குட்கா உபயோகத்தை ஊக்கப்படுத்துகின்றனர்’ - அமிதாப் பச்சன், ஷாருக் கானுக்கு எதிராக வழக்கு

அமிதாப் பச்சன், ஷாருக் கான், அஜய் தேவ்கன்

நடிகர் அமிதாப் பச்சன், ஷாருக் கான் ஆகியோர் குட்கா, புகையிலைப் பொருள்களின் உபயோகத்தை ஊக்கப்படுத்துவதாகக் கூறி பீகார் நீதிமன்றத்தில் வழக்கு தொடரப்பட்டுள்ளது.

`குட்கா உபயோகத்தை ஊக்கப்படுத்துகின்றனர்’ - அமிதாப் பச்சன், ஷாருக் கானுக்கு எதிராக வழக்கு

நடிகர் அமிதாப் பச்சன், ஷாருக் கான் ஆகியோர் குட்கா, புகையிலைப் பொருள்களின் உபயோகத்தை ஊக்கப்படுத்துவதாகக் கூறி பீகார் நீதிமன்றத்தில் வழக்கு தொடரப்பட்டுள்ளது.

Published:Updated:
அமிதாப் பச்சன், ஷாருக் கான், அஜய் தேவ்கன்

நடிகர் அமிதாப்பச்சன், அஜய் தேவ்கன், ஷாருக் கான் ஆகியோர் குட்கா, பான் மசாலா விளம்பரங்களில் நடித்திருந்தனர். இதற்கு சமூக வலைதளத்தில் ரசிகர்கள் மத்தியில் கடும் எதிர்ப்பு எழுந்தது. இதையடுத்து `இனிமேல் குட்கா, பான் மசாலா விளம்பரங்களில் நடிக்க மாட்டேன்’ என்று அமிதாப் பச்சன் தெரிவித்தார். அதோடு பான் மசாலா நிறுவனத்துடன் செய்துகொண்ட ஒப்பந்தத்தையும் ரத்துசெய்வதாக அறிவித்தார். ஆனால் அஜய் தேவ்கன், `விளம்பரங்களில் நடிப்பது எனது தனிப்பட்ட உரிமை’ என்று குறிப்பிட்டிருந்தார்.

இந்நிலையில் பீகார் மாநிலம், முஜாப்பர்பூரைச் சேர்ந்த தமன்னா ஹஸ்மி என்ற சமூக ஆர்வலர், நடிகர் அமிதாப் பச்சன், ஷாருக் கான், அஜய் தேவ்கன் ஆகியோருக்கு எதிராக உள்ளூர் நீதிமன்றத்தில் வழக்கு தொடர்ந்துள்ளார். மூவரும் விளம்பரங்கள் மூலம் குட்கா, புகையிலைப் பொருள்களின் பயன்பாட்டை மக்களிடம் ஊக்கப்படுத்துகின்றனர். அவர்கள் மீது போலீஸார் வழக்கு பதிவுசெய்து விசாரணை நடத்த உத்தரவிட வேண்டும் என்று மனுவில் குறிப்பிட்டுள்ளார்.

ஷாருக் கான்
ஷாருக் கான்

இந்த வழக்கு விரைவில் விசாரணைக்கு வரவிருக்கிறது. அமிதாப் பச்சன் உட்பட மூன்று பேர் மீதும் வழக்கு பதிவுசெய்திருக்கும் தமன்னா, பிரபலங்களுக்கு எதிராக வழக்கு தொடருவது முதன்முறை அல்ல. இதற்கு முன்பு ரன்வீர் சிங்குக்கு எதிராகவும் வழக்கு பதிவுசெய்திருக்கிறார். ரன்வீர் சிங் பிரபலமானவர் என்ற தனது அதிகாரத்தைத் தவறாகப் பயன்படுத்தி, குட்கா மற்றும் புகையிலைப் பொருள்கள் தொடர்பான விளம்பரத்தில் நடித்துள்ளார் என்று கூறி தனது புகாரில் குறிப்பிட்டிருந்தார் என்பது குறிப்பிடத்தக்கது!

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism