Election bannerElection banner
Published:Updated:

ஆயிரம் விளக்கில் குஷ்பு; கமலை எதிர்த்து வானதி; அரவக்குறிச்சியில் அண்ணாமலை - பாஜக வேட்பாளர் பட்டியல்

பொங்கல்வைக்கும் குஷ்பு
பொங்கல்வைக்கும் குஷ்பு

தி.மு.க-வில் சீட் கிடைக்காததால் இன்று காலை பா.ஜ.க-வில் இணைந்த திருப்பரங்குன்றம் எம்.எல்.ஏ சரவணனுக்கு மதுரை வடக்கு தொகுதியில் போட்டியிட சீட் கொடுக்கப்பட்டுள்ளது.

சட்டமன்றத் தேர்தலில் அ.தி.மு.க கூட்டணியில் 20 தொகுதிகளில் போட்டியிடுகிறது பா.ஜ.க. இந்தத் தொகுதிகளில் போட்டியிடப் போகும் 17 பேர்கொண்ட முதற்கட்ட வேட்பாளர் பட்டியலை இன்று டெல்லியில் வெளியிட்டது பா.ஜ.க.

வேட்பாளர்கள் பட்டியல்:

1. தாராபுரம் - எல்.முருகன்

2. காரைக்குடி- ஹெச்.ராஜா

3. அரவக்குறிச்சி - அண்ணாமலை

4. கோவை தெற்கு - வானதி சீனிவாசன்

5. ஆயிரம் விளக்கு - குஷ்பு

6. துறைமுகம் - வினோஜ் பி செல்வம்

7. திருவண்ணாமலை - தணிகைவேல்

8. திருக்கோயிலூர் - கலிவரதன்

9. மொடக்குறிச்சி - டாக்டர்.சி.கே.சரஸ்வதி

10. திட்டக்குடி - டி.பெரியசாமி

பா.ஜ.க வேட்பாளர் பட்டியல்
பா.ஜ.க வேட்பாளர் பட்டியல்

11. திருவையாறு - பூண்டி எஸ்.வெங்கடேசன்

12. மதுரை வடக்கு - டாக்டர் பி.சரவணன்

13. விருதுநகர் - பாண்டுரங்கன்

14. ராமநாதபுரம் - குப்புராம்

15. திருநெல்வேலி - நயினார் நாகேந்திரன்

16. நாகர்கோவில் - எம்.ஆர்.காந்தி

17. குளச்சல் - பி.ரமேஷ்

பட்டியலில் கவனிக்கத்தக்கவை

1. தி.மு.க-வில் சீட் கிடைக்காததால் இன்று காலை பா.ஜ.க-வில் இணைந்த திருப்பரங்குன்றம் எம்.எல்.ஏ சரவணனுக்கு மதுரை வடக்கு தொகுதியில் போட்டியிட சீட் கொடுக்கப்பட்டுள்ளது.

2. சேப்பாக்கம் - திருவல்லிக்கேணி தொகுதி பா.ம.க-வுக்கு கொடுக்கபட்டதால், குஷ்புவுக்கு வேறு தொகுதிகளில் சீட் ஒதுக்கப்படாது என்று தகவல் பரவியது. இந்தநிலையில் ஆயிரம் விளக்கு தொகுதியில் குஷ்பு வேட்பாளராக அறிவிக்கப்பட்டுள்ளார். தி.மு.க-விலிருந்து வெளியேறி பா.ஜ.க-வில் இணைந்த ஆயிரம் விளக்கு எம்.எல்.ஏ கு.க.செல்வம், நிச்சயம் சீட் கொடுக்க வேண்டும் என்று கறார் காட்டியதாகக் கூறப்பட்டது.

பா.ஜ.க-வில் இணைந்த எம்.எல்.ஏ சரவணன்
பா.ஜ.க-வில் இணைந்த எம்.எல்.ஏ சரவணன்

தி.மு.க-வில் ஆயிரம் விளக்கு தொகுதி உதயநிதி ஸ்டாலினுக்கு ஒதுக்கப்படலாம் என்ற நிலை இருந்ததால்தான் அவர் பா.ஜ.க-வுக்கு தாவியதாகக் கூறப்பட்டது, இந்தநிலையில் அவருக்கு பா.ஜ.க-வில் ஏமாற்றமே கிடைத்துள்ளது.

3. கோவை தெற்கு தொகுதியில் கமல்ஹாசனை எதிர்த்து பா.ஜ.க மகளிர் அணியின் தேசியத் தலைவர் வானதி சீனிவாசன் களமிறங்கவிருக்கிறார்.

Election bannerElection banner
அடுத்த கட்டுரைக்கு