Published:Updated:

கர்நாடகா: `ஹலால் உணவு... பொருளாதார ஜிஹாத்!’ - பாஜக-வின் சி.டி.ரவி சர்ச்சைக் கருத்து

சி.டி.ரவி

`ஹலால் உணவு பொருளாதார ஜிஹாத்’ என்று பாஜக தேசிய பொதுச்செயலாளர் சி.டி.ரவி தெரிவித்திருக்கும் கருத்து இந்தியாவில் சர்ச்சையை ஏற்படுத்தியிருக்கிறது.

கர்நாடகா: `ஹலால் உணவு... பொருளாதார ஜிஹாத்!’ - பாஜக-வின் சி.டி.ரவி சர்ச்சைக் கருத்து

`ஹலால் உணவு பொருளாதார ஜிஹாத்’ என்று பாஜக தேசிய பொதுச்செயலாளர் சி.டி.ரவி தெரிவித்திருக்கும் கருத்து இந்தியாவில் சர்ச்சையை ஏற்படுத்தியிருக்கிறது.

Published:Updated:
சி.டி.ரவி

கர்நாடகாவில் ஹிஜாப் சர்ச்சையைத் தொடர்ந்து,பண்டிகை சமயங்களில் இந்து கோயில்களைச் சுற்றியிருக்கும் பகுதிகளில் கடை போட இஸ்லாமியர்களுக்கு தடைவிதிக்கப்பட்டது சர்ச்சையானது. இதையொட்டி தற்போது ஹலால் பற்றி பாஜக தேசிய பொதுச்செயலாளர் தெரிவித்திருக்கும் கருத்து புது சர்ச்சையைக் கிளப்பியிருக்கிறது.

சி.டி.ரவி
சி.டி.ரவி

இது தொடர்பாகச் செய்தியாளர்களிடம் பேசிய பாஜக-வின் சி.டி.ரவி, ``ஹலால் இறைச்சி உணவை இந்துக்களும் பயன்படுத்த வேண்டும் என்று முஸ்லிம்கள் நினைக்கும்போது, அந்த உணவை இந்துக்கள் புறக்கணிக்க வேண்டும் என்று சொல்வதில் என்ன தவறு உள்ளது? முஸ்லிம்கள் ஹலால் இல்லாத இறைச்சியைப் பயன்படுத்தினால், இந்துக்களும் ஹலால் இறைச்சியைப் பயன்படுத்துவார்கள். முஸ்லிம்கள் மற்ற மதத்தினரிடம் வியாபாரம் செய்வதைத் தடுக்க இந்த ஜிஹாத் திட்டமிட்டு பயன்படுத்தப்படுகிறது'' என்றார்.

இவரின் சர்ச்சைப் பேச்சை கண்டித்த, கர்நாடக முன்னாள் முதலமைச்சர் ஹெச்.டி.குமாரசாமி, '' இந்தப் பிரசாரம் மாற்று மதத்தினரின் நம்பிக்கையைக் கெடுக்கும் வகையில் இருக்கிறது. மேலும் மாநிலத்தின் அமைதியைச் சீர்குலைக்கும் வகையிலும் உள்ளது'' எனத் தெரிவித்துள்ளார்.

ஒட்டுமொத்த விகடனுக்கும் ஒரே ஷார்ட்கட்!