Published:Updated:

தவமிருந்து பெற்ற குழந்தை; தாயின் கையிலிருந்து பறித்துச் சென்ற உருள் பொட்டல் - கேரளாவை உலுக்கிய சோகம்

வெள்ளம் | நுமா தஸ்லின்

வேகமாகப் பாய்ந்து சென்ற வெள்ளம் நதீறாவின் கையிலிருந்த நுமாவை இழுத்துச் சென்றது. நதீறா தென்னை மரத்தைப் பிடித்தபடி தப்பிக்கப் போராடிக்கொண்டிருந்தார்.

தவமிருந்து பெற்ற குழந்தை; தாயின் கையிலிருந்து பறித்துச் சென்ற உருள் பொட்டல் - கேரளாவை உலுக்கிய சோகம்

வேகமாகப் பாய்ந்து சென்ற வெள்ளம் நதீறாவின் கையிலிருந்த நுமாவை இழுத்துச் சென்றது. நதீறா தென்னை மரத்தைப் பிடித்தபடி தப்பிக்கப் போராடிக்கொண்டிருந்தார்.

Published:Updated:
வெள்ளம் | நுமா தஸ்லின்

கேரள மாநிலத்தில் கடந்த சில நாள்களாக பலத்த மழை பெய்துவருகிறது. வெள்ளம் சூழ்ந்து தனிமைப்படுத்தப்பட்ட பகுதிகளில் இருந்த 757 பேர் மீட்கப்பட்டு, 49 முகாம்களில் தங்கவைக்கப்பட்டுள்ளனர். நிலச்சரிவு, வெள்ளப்பெருக்கில் சிக்கி இதுவரை 12 பேர் இறந்துள்ளனர். அதில் கண்ணூரில் மலையிலிருந்து பாய்ந்து வந்த வெள்ளத்தில் சிக்கி நுமா தஸ்லின் என்ற இரண்டரை வயது சிறுமி இறந்த சம்பவம் கேரளாவையே சோகத்தில் ஆழ்த்தியுள்ளது.

கண்ணூர் கணிச்சார் பகுதியைச் சேர்ந்த ஷபீர் நாசர் - நதீறா தம்பதியின் மகள்தான் நுமா தஸ்லின். பத்து வருடங்களாக குழந்தை இல்லாமல் இருந்த இந்தத் தம்பதி, தவமிருந்து பெற்ற குழந்தை நுமா. கடந்த திங்கள்கிழமை இரவு 8 மணி அளவில் பெரும் இரைச்சலுடன், மழை வெள்ளமும், சேறும் கலந்து பாய்ந்து வந்தது. நிலச்சரிவுடன் தண்ணீரும் சேர்ந்து உயரமான பகுதியிலிருந்து பாய்ந்து வருவதை `உருள் பொட்டல்’ என கேரள மக்கள் கூறுவார்கள். உருள் பொட்டலால் வீட்டுக்குள் சேறும் தண்ணீரும் நிரம்பிவிடும் என்பதால் குழந்தை நுமா தஸ்லினையும் தூக்கிக்கொண்டு பாதுகாப்பான இடத்துக்கு ஓடியுள்ளனர்.

கண்ணூரில் மழை வெள்ளத்தில் சேதமான சாலை
கண்ணூரில் மழை வெள்ளத்தில் சேதமான சாலை

தாய் நதீறா தனது மகள் நுமா தஸ்லினை அணைத்தபடி கைகளில் வைத்திருக்கிறார். அப்போது சேற்றுத் தண்ணீருடன் சேர்ந்து வந்த ஒரு மரக்கிளை நதீறாவின் கையில் வேகமாக இடித்தது. இதையடுத்து நதீறாவும், மகள் நுமா தஸ்லினும் தூக்கிவீசப்பட்டு சேற்றுத் தண்ணீரில் சிக்கினர். சிறிது தூரம் இழுத்துச் செல்லப்பட்டவர்கள் ஒரு தென்னை மரத்தில் தட்டி நின்றனர். தண்ணீர் அதிக அளவில் சென்றதால் அவர்களைக் காப்பாற்ற ஊர் மக்களால் முடியவில்லை.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இதற்கிடையே வேகமாகப் பாய்ந்து சென்ற தண்ணீர் நதீறாவின் கையில் இருந்த நுமாவை இழுத்துச் சென்றது. நதீறா தென்னை மரத்தை பிடித்தபடி தப்பிக்கப் போராடிக்கொண்டிருந்தார். பின்னர் தீயணைப்பு வீரர்கள் சென்று நதீறாவை மட்டுமே காப்பாற்ற முடிந்தது. குழந்தை நுமாவை தண்ணீர் அடித்துச் சென்றது. அவரின் உடல் நேற்று மீட்கப்பட்டது. குழந்தை நுமாவின் உடலைப் பார்த்து பெற்றோர் கதறி அழுதனர். நதீறா கணிச்சார் ஆரம்ப சுகாதார நிலையத்தில் ஊழியராக இருக்கிறார். நுமா மறைவுக்கு கேரள சுகாதாரத்துறை அமைச்சர் வீணா ஜார்ஜ் இரங்கல் தெரிவித்திருக்கிறார்.