Published:Updated:

“முதல்வரின் அண்ணன் மக்கள் விரோதி!”

விஸ்வநாதன்
பிரீமியம் ஸ்டோரி
விஸ்வநாதன்

தி.மு.க-வில் இணைந்த பழனிசாமியின் பங்காளி புகார்

“முதல்வரின் அண்ணன் மக்கள் விரோதி!”

தி.மு.க-வில் இணைந்த பழனிசாமியின் பங்காளி புகார்

Published:Updated:
விஸ்வநாதன்
பிரீமியம் ஸ்டோரி
விஸ்வநாதன்

உள்ளாட்சித் தேர்தலுக்காக, முதல்வர் எடப்பாடி பழனிசாமி சுற்றிச் சூழன்றுவருகிறார். ஆனால், அவரின் நெருங்கிய உறவினரும் முதல்வரின் சொந்த ஊராட்சியான நெடுங்குளத்தில் மூன்று முறை ஊராட்சி மன்றத் தலைவராகவும் இருந்த விஸ்வநாதன், தி.மு.க தலைவர் ஸ்டாலினைச் சந்தித்து தி.மு.க-வில் இணைந்துள்ளார். பின்னணியில் நடந்தது என்ன? விஸ்வநாதனிடம் பேசினோம்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

“எடப்பாடி பழனிசாமி, என் அம்மாவின் தங்கை மகன். அப்பா வகையில் உடன் பங்காளி. எங்களுக்கும் அவர்களுக்கும் இன்னும் சில சொத்துகள் பிரிக்கப்படாமல் இருக்கின்றன. ஆனால், அவர்கள் குடியிருக்கும் நிலத்தில் எங்கள் பங்கைப் பிரிக்காமல் அதிகாரத்தைப் பயன்படுத்தி, போலியாக பட்டா வாங்கிக்கொண்டார்கள். 1986-ம் ஆண்டு உள்ளாட்சித் தேர்தலில் அ.தி.மு.க சார்பில் நெடுங்குளம் ஊராட்சி மன்றத் தலைவர் பதவிக்கு பழனிசாமி போட்டியிட்டார். நான் சுயேச்சையாகப் போட்டியிட்டு வெற்றிபெற்றேன். அதிலிருந்து என்னைக் கண்டால் அவருக்கு ஆகாது. பழனிசாமியின் அண்ணன் கோவிந்தராஜ், அராஜகப் பேர்வழி.

“முதல்வரின் அண்ணன் 
மக்கள் விரோதி!”

யாராக இருந்தாலும் அடிக்க கை ஓங்குகிறார்; அநாகரிகமாகப் பேசுகிறார். தாழ்த்தப்பட்ட சமுதாயத்தைச் சேர்ந்த போலீஸ் ஏட்டு ஒருவர், கோவிந்தராஜ் வீட்டுவாசல் வழியே செருப்பு அணிந்துகொண்டு போனதற்காக அவரைக் கட்டிவைத்து அடித்தார். அந்த வீடியோ காட்சிகள் வெளியாகின. அவரது தோட்டத்தில் கூலி வேலை பார்த்துவரும் ஆறுமுகம் என்கிற மம்முட்டியானை சமீபத்தில் கட்டிவைத்து அடித்தார். இதுகுறித்தெல்லாம் காவல்துறையில் புகார் கொடுத்தால் எடுத்துக் கொள்வதேயில்லை.

நான் குடியிருக்கும் 40 சென்ட் நிலம், என் மனைவி பெயரில் இருக்கிறது. அதில் வீடு கட்ட முயன்றதைத் தடுத்ததுடன், அந்த நிலத்துக்கு போலிப் பத்திரம் தயார்செய்து கோவிந்தராஜுக்கு வேண்டப்பட்ட நபரான ஞானசுந்தரம் என்பவரின் பெயரில் எழுதிவிட்டார். இதுகுறித்தெல்லாம் முதல்வரை பலமுறை சந்தித்து புகார் கூறியும் பலனில்லை. இப்படி என் குடும்பத்துக்கு மட்டுமன்றி, சொந்த ஊர் மக்களுக்கே விரோதமாகச் செயல்படுகிறார்கள். அதனால்தான், தி.மு.க-வில் இணைந்துள்ளேன்’’ என்றார்.

விஸ்வநாதன்
விஸ்வநாதன்

கோவிந்தராஜிடம் பேசினோம். “நான் விஸ்வநாதனிடம் பேசியதுகூட இல்லை. அவர் உள்ளாட்சித் தேர்தலில் சீட் வாங்க வேண்டும் என்று தி.மு.க-வுக்குச் சென்றுவிட்டார். அதற்காக, தேவையில்லாமல் என்மீது பொய்ப்புகார் சொல்கிறார். அவர் சொல்லும் பொய்யான தகவல்களுக்கும் எனக்கும் எந்தச் சம்பந்தமும் கிடையாது. நான் யாரையும் அடிக்கவில்லை’’ என்றார்.