Published:Updated:

எலெக்‌ஷன் ஜங்ஷன்

ராகுல்காந்தி
பிரீமியம் ஸ்டோரி
ராகுல்காந்தி

- குடவோலை குமரன்

எலெக்‌ஷன் ஜங்ஷன்

- குடவோலை குமரன்

Published:Updated:
ராகுல்காந்தி
பிரீமியம் ஸ்டோரி
ராகுல்காந்தி

முதல் நாளே மூன்று வழக்குகள்! - கணக்கைத் தொடங்கிவைத்த நீலகிரி அ.தி.மு.க!

தமிழகத்தில் சட்டமன்றத் தேர்தல் தேதி அறிவிக்கப்பட்டிருக்கும் நிலையில், தேர்தல் நடத்தை விதிமுறைகளும் அமலுக்கு வந்துவிட்டன. வாக்காளர்களுக்குப் பணம் மற்றும் பரிசுப்பொருள்கள் வழங்குவதைத் தடுக்க, தனிப்படை அமைக்கப்பட்டிருக்கிறது. நீலகிரியில் ஆளுங்கட்சியினர் சார்பில் வேட்டி, சேலை, சில்வர் தட்டு அடங்கிய பரிசுப்பையை வீடு வீடாகக் கொடுத்துவந்தார்கள். இதையறிந்த தனிப்படையினர் ரெய்டு நடத்தியதில், கூடலூரில் ஆளுங்கட்சியினரிடமிருந்து 3.60 லட்சம் ரூபாய் மதிப்புள்ள பரிசுப்பொருள்கள் பறிமுதல் செய்யப்பட்டிருக்கின்றன. ஊட்டி, கோத்தகிரி பகுதிகளிலும் வாக்காளர்களுக்குக் கொடுக்கவிருந்த பரிசுப்பொருள்கள் பறிமுதல் செய்யப்பட்டுள்ளன. தேர்தல் தேதி அறிவிக்கப்பட்ட நாளிலேயே, தேர்தல் விதிமுறைகளை மீறியதாக ஆளுங்கட்சிமீது மூன்று வழக்குகள் பதிவுசெய்யப்பட்டிருக்கின்றன. #நல்ல சகுனம்!

குலவை ஓசையை ரசித்த ராகுல் காந்தி!

தூத்துக்குடி மாவட்டத்தில் தேர்தல் பிரசாரம் மேற்கொண்ட காங்கிரஸ் முன்னாள் தலைவர் ராகுல் காந்தி, கோவங்காடு பகுதியிலுள்ள உப்பளத்துக்குச் சென்று, உப்பளத் தொழிலாளர்களைச் சந்தித்துப் பேசினார். உப்பள வாறுகாலில் இறங்கி உப்பு வாரவும் செய்தார். அந்தச் சமயத்தில், விளைந்த உப்பை பனையோலைப் பெட்டியில் போட்டு பெண் தொழிலாளி ஒருவர் பரிசாகக் கொடுத்தார். அப்போது கைகளைக் கூப்பியபடியே பெண்கள் குலவைபோட, அதைக் கேட்ட ராகுல் ``இது என்ன சத்தம்’’ என்று தன் மொழிபெயர்ப்பாளரிடம் விசாரித்தார். ``தமிழ்நாட்டில் மங்களகரமான நிகழ்வுகளில், கோயில் திருவிழாக்களில் தங்கள் நாவை அசைத்து இப்படிக் குலவை எழுப்பிப் பெண்கள் வணங்குவார்கள்” என்று சொல்ல ``ஓ அப்படியா... வித்தியாசமா இருக்கே” எனச் சொல்லி, ‘ஒன்ஸ்மோர்’ கேட்க, மீண்டும் குலவை போட்டனர் பெண்கள். #இனி ஜெயிச்சாத்தான் குலவை!

எலெக்‌ஷன் ஜங்ஷன்

‘‘யோக்கியன் வர்றான்... சொம்பைத் தூக்கி உள்ளே வை!’’

தேர்தல் தேதி அறிவிக்கப்பட்ட பிறகும், கோவைச் சுற்றுவட்டாரங்களில் அ.தி.மு.க-வினர் வீடு வீடாகப் ‘பரிசுப் பொருள்களை’ வழங்கிவருகிறார்கள். வால்பாறையில் ஒரு கோடி ரூபாய் மதிப்பிலான பரிசுப் பொருள்களைப் பறிமுதல் செய்து, அவை வைக்கப்பட்டிருந்த வீட்டுக்கு அதிகாரிகள் சீல் வைத்திருக்கிறார்கள். இந்தச் செய்தியின் அடிப்படையில், ‘பரிசுப் பொருள்களை நம்பி ஓட்டுப் போட்டால், அடுத்த ஐந்து ஆண்டுகள் அதே தட்டில்தான் பிச்சை எடுக்கணும்... சிந்தியுங்கள்!’ என்று சமூக வலைதளங்களில் மீம்ஸ் பிரசாரத்தைத் தொடங்கினார்கள் ‘மக்கள் நீதி மய்ய’த்தினர். இந்தநிலையில், கடலூரில் மக்கள் நீதி மய்யம் சின்னம் அச்சிடப்பட்ட பனியன்களும் பாத்திரங்களும் பறிமுதல் செய்யப்பட்டிருப்பதைத் தொடர்ந்து, `யோக்கியன் வர்றான்... சொம்பைத் தூக்கி உள்ளே வை...’ என்று பதிலடி கொடுத்துவருகிறார்கள் அ.தி.மு.க-வினர்! #அட... அடிச்சுக்காதீங்கப்பா!