அன்புமணி

``40 வருஷ உழைப்பு... இன்னிக்கு 10.5 சதவிகித உள் ஒதுக்கீடு சட்டமன்றத்துல நிறை வேறியிருக்கு... இது முதற்கட்டம்தான். இன்னும் கொஞ்சம் சேர்த்து வாங்கிடலாம். 40 வருஷம் சாதாரண உழைப்பில்லை... எவ்வளவு தியாகம் பண்ணியிருக்கேன்...’’ என்று அன்புமணி பேசிய வீடியோ பா.ம.க-வினர் மத்தியில் வைரலானது. அந்த ஒரு நிமிட வீடியோ முழுவதும் கண்களைத் தேய்த்து தேம்பித் தேம்பி அழுத அன்புமணி, `40 வருஷ உழைப்பு’ என்பதைப் பலமுறை ‘அண்டர்லைன்’ செய்து சொன்னார்!

தோப்பு வெங்கடாசலம்

பெருந்துறை தொகுதியில் தனக்கு சீட் வழங்கப்படாதது குறித்து, தன் ஆதரவாளர்களுடன் ஆலோசனையில் ஈடுபட்ட முன்னாள் அமைச்சர் தோப்பு வெங்கடாசலம், ``நான் அம்மாவின் விசுவாசி... எம்.ஜி.ஆரின் விசுவாசி... இந்த இயக்கத்துக்காகப் பாடுபட்டவன் நான். என்னைக் கேவலப் படுத்தாதீர்கள்... என்னைக் கேவலப்படுத்துவது, மக்களைக் கேவலப்படுத்துவதுபோல...’’ என்று சொன்னவர், மைக்கைக் கீழே வைத்துவிட்டு கேவி அழத் தொடங்கினார். அவரின் ஆதரவாளர்களும் கூடவே கண்ணீர்விட்டு அழுதார்கள்.

சீமான்

தேர்தலையொட்டி வெளிநாட்டி லிருக்கும் ஈழத்தமிழர்களுடன் நடைபெற்ற வீடியோ கான்ஃபரன் ஸிங்கில், கண்ணீர்விட்டு அழுது விசும்பியபடியே பேசினார், நாம் தமிழர் கட்சியின் தலைமை ஒருங்கிணைப்பாளர் சீமான்.

நமச்சிவாயம்

காங்கிரஸிலிருந்து விலகி, பா.ஜ.க-வில் இணைந்துவிட்ட புதுச்சேரி முன்னாள் அமைச்சர் நவச்சிவாயம், இம்முறை வில்லியனூர் தொகுதிக்குப் பதிலாக, மண்ணாடிப்பட்டியில் போட்டியிடுகிறார். இதையடுத்து, தன் ஆதரவாளர்கள் மத்தியில் பேசியவர், ‘‘வில்லியனூர் தொகுதியில் போட்டியிடாதது எனக்கு வருத்தமாக இருக்கிறது. உங்களையெல்லாம் விட்டுப் பிரிந்துசெல்வதை நினைத்தாலே என்னால் தாங்கமுடியவில்லை...’’ என்று சொல்லிக் கதறிவிட்டார்.

கே.எஸ்.அழகிரி

தி.மு.க - காங்கிரஸ் இடையே தொகுதிப் பங்கீட்டில் இழுபறி நீடித்த சமயத்தில் நடைபெற்ற செயற்குழுக் கூட்டத்தில், காங்கிரஸ் மாநிலத் தலைவர் கே.எஸ்.அழகிரி, ‘‘15 ஆண்டுகளாக தி.மு.க-வோடு கூட்டணியில் இருக்கிறோம். அதிக தொகுதிகள் ஒதுக்குவார்கள் என நம்பினோம். ஆனால், தொகுதி எண்ணிக்கை குறைவு என்பதைவிட, அவர்கள் நம்மை நடத்தும்விதம்...’’ என்று சொல்லி கண்கலங்கினார்.

பரமேஸ்வரி, குஷ்பு...

மீண்டும் போட்டியிட வாய்ப்பளிக்கவில்லை என்பதற்காக திருச்சி வந்த முதல்வரிடம் கண்ணீர்விட்டு அழுத மண்ணச்சநல்லூர் சிட்டிங் எம்.எல்.ஏ பரமேஸ்வரி, தன் தாய் குறித்துப் பேசும்போது எமோஷனலாகி கண்கலங்கிய குஷ்பு... என இந்த அழுகாச்சி காவியம் இன்னும் நீண்டு தொடரும்போலத் தெரிகிறது!