Published:Updated:

“எடப்பாடி பழனிசாமியின் தனிச்சிறப்புகள்...”

K. A. Sengottaiyan
பிரீமியம் ஸ்டோரி
K. A. Sengottaiyan

சர்ச்சைகள் கிளப்பாத, அளந்து பேசக்கூடிய மூத்த அமைச்சர், பள்ளிக் கல்வித்துறை அமைச்சர் செங்கோட்டையன்!

“எடப்பாடி பழனிசாமியின் தனிச்சிறப்புகள்...”

சர்ச்சைகள் கிளப்பாத, அளந்து பேசக்கூடிய மூத்த அமைச்சர், பள்ளிக் கல்வித்துறை அமைச்சர் செங்கோட்டையன்!

Published:Updated:
K. A. Sengottaiyan
பிரீமியம் ஸ்டோரி
K. A. Sengottaiyan

ஆனால், ‘மாணவர்கள் சாதிக்கயிறு கட்டக்கூடாது என்ற பள்ளிக் கல்வித் துறையின் அறிக்கை, என் கவனத்துக்கு வராமலேயே வெளிவந்துவிட்டது’ என்று சமீபத்தில், ஓப்பன் டாக் கொடுத்து அனைவரையும் அதிர்ச்சியடைய வைத்தவர், இப்போது, ‘5,8-ம் வகுப்புகளுக்குப் பொதுத்தேர்வு நடத்தப்படும்’ என்றிருக்கிறார். அவரை வீட்டில் சந்தித்தேன்...

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

``1 முதல் 8-ம் வகுப்பு வரையிலாக இடைநிற்றலில்லாக் கல்வியை, தமிழக அரசு உறுதிசெய்திருந்த நிலையில், தற்போது பள்ளிக்கல்வித்துறை 5, 8-ம் வகுப்புகளுக்குப் பொதுத்தேர்வு அறிவிப்பை வெளியிட்டிருப்பது மாணவர்களுக்குச் செய்கிற அநீதி அல்லவா?’’

“மத்திய அரசு, ‘அனைவருக்கும் கல்வி’ என்ற திட்டத்தை அரசு ஆணையாக வெளியிட்டு இந்தியா முழுமைக்கும் அமல்படுத்திவிட்டார்கள். நாடு முழுவதும் கல்வியை ஆய்வு செய்வதற்கான ஒரு வழிமுறையாக ஆரம்பக் கல்வி மற்றும் நடுநிலைக் கல்வியில் தனித்தனித் தேர்வுகளை நடத்தி, கல்வியின் தரத்தை அதிகப்படுத்த வேண்டும் என்பதுதான் இத்திட்டத்தின் நோக்கம்.

K. A. Sengottaiyan
K. A. Sengottaiyan

அரசு ஆணை என்பதால், பல மாநிலங்களும் இதை நடைமுறைப்படுத்திவிட்டன. தமிழகத்தில் உடனடியாக அமல்படுத்திவிடாமல், ‘இப்படியொரு பொதுத்தேர்வு முறை அமலாகவிருக்கிறது. அதற்கு உங்களைத் தயார்படுத்திக்கொள்ளுங்கள்’ என்ற முன்னறிவிப்போடு முதல் 3 ஆண்டுகளுக்கு இத்திட்டத்திலிருந்து விதிவிலக்கு அளிக்கும் முடிவை எடுத்துள்ளோம்! எனவே தேர்வு எழுதினாலும் அனைவரும் பாஸ் செய்யப்படுவார்கள்; அதாவது, தற்போதைய நிலையே நீடிக்கும்!’’

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

‘`பா.ஜ.க அரசின், புதிய கல்விக் கொள்கைத் திட்டத்தை நடைமுறைப்படுத்துவதற்கான ஒரு முன்னோட்டமாகவே இந்தப் பொதுத்தேர்வு முறை இருப்பது சந்தேகத்தை ஏற்படுத்துகிறதே?’’

‘`மத்திய அரசு வலியுறுத்துவதாலேயே எல்லாவற்றையும் நாங்கள் செய்துவிட்டோம் என்று சொல்லமுடியுமா? இருமொழிக் கொள்கையில் எப்போதும் நாங்கள் உறுதியாக நிற்கிறோம். ஒருபோதும் பின்வாங்க மாட்டோம். நீட் தேர்வை நாடு முழுவதும் மத்திய அரசு அமல் படுத்தியிருந்தாலும்கூட ‘தமிழ்நாட்டுக்கு நீட் தேர்வு தேவையில்லை’ என்பதுதான் அ.தி.மு.க அரசின் நிலைப்பாடு. நீட் தேர்விலிருந்து தமிழ்நாட்டுக்கு விதிவிலக்கு அளித்துவிடுங்கள் என்றுதான் தீர்மானமும் நிறைவேற்றியிருக்கிறோம்.

ஆனால், அனைவரும் கல்வி கற்கவேண்டும்; கல்வித் தரமும் நன்றாக இருக்கவேண்டும் என்ற நோக்கத்தில், மத்திய அரசு இப்படியொரு திட்டத்தைக் கொண்டுவந்துவிட்ட பிறகும்கூட, உடனடியாகத் திட்டத்தை நடைமுறைப்படுத்தாமல், 3 ஆண்டுகளுக்கு விலக்கு அளித்து, அதற்குள்ளாக மாணவர்களைத் தயார்படுத்திவிட வேண்டும் என்று மனிதாபிமானத்தோடு செயல்படுகிறது தமிழக அரசு!’’

``தேர்வு முறை அற்ற பின்லாந்து நாட்டுக் கல்விமுறையை ஏற்கெனவே பாராட்டிப் பேசியிருக்கும் நீங்கள், தற்போது தேர்வு முறைதான் தரமான கல்விக்கு அடிப்படை என்கிறீர்களே..?’’

``உண்மைதான்... ஆனால், பின்லாந்து நாட்டின் மொத்த மக்கள்தொகையே வெறும் 55 லட்சம்தான். அதில் மாணவர்களின் எண்ணிக்கை என்பது சில லட்சங்களே வரும். ஒரு வகுப்பறையில் அதிகபட்சமாக 20-லிருந்து 25 மாணவர்கள்தான் அங்கே பயில்கிறார்கள். ஆனால், ஒரு கோடியே முப்பத்தாறு லட்சம் மாணவர்கள் படித்துக்கொண்டிருக்கும் தமிழ்நாட்டில் இது சாத்தியமில்லையே..! அதுமட்டுமல்ல... பின்லாந்தின் அடிப்படைக் கட்டமைப்பு வசதிகள், பொருளாதார வசதிகளும் நம்மைவிட மேம்பட்டு இருக்கின்றன. தொடர்ச்சியாக 20 வருடங்களுக்கும் மேலாக ஒரே கல்வியமைப்பு முறையும் அங்கே நடைமுறையில் இருந்துவருகிறது.

 “எடப்பாடி பழனிசாமியின் தனிச்சிறப்புகள்...”

ஆனால், இங்கேயோ ‘கல்வி கற்காத ஒருவர்கூட இருக்கக்கூடாது’ என்ற அளவில், இப்போதுதான் வளர்ந்துவருகிறோம். அந்தவகையில், குழந்தைகளுக்குச் சிறந்த கல்வியை அளித்தால்தானே அடுத்தகட்டத்துக்கு அவர்களை முன்னேற்ற முடியும். வெறுமனே 1 முதல் 8 வரை பாஸ் செய்ய வைத்துவிட்டால், 9, 10-ம் வகுப்பில் வந்து அந்த மாணவன் என்ன செய்யமுடியும்? அடுத்த 3 ஆண்டுகளில் அடுத்தடுத்து பொதுத்தேர்வை அந்த மாணவன் சந்திக்கவிருக்கும்போது மன அழுத்தம் வராதா?

‘தனியார் பள்ளியில் படித்த மாணவர்கள்தானே மருத்துவ மேற்படிப்புகளுக்கு வருகிறார்கள், அரசுப் பள்ளி மாணவர்கள் ஏன் வரவில்லை’ என்றுகூடத்தான் பத்திரிகையாளர்களே கேள்வி கேட்கிறீர்கள். அப்படியென்றால், அரசுப் பள்ளி மாணவர்களையும் உயர்ந்த நிலைக்குக் கொண்டுவரவேண்டும் என்றால், என்னதான் செய்யவேண்டும் என்று நீங்கள்தான் சொல்லுங்களேன்..?’’

``ஆசிரியர் காலிப் பணியிடங்களை நிரப்பாதது, கற்றல் பணி அல்லாது பிற பணிகளைச் செய்வதற்கு ஆசிரியர்களை நிர்பந்தப்படுத்துவது போன்ற பள்ளிக்கல்வித் துறையின் குறைகளைச் சரிசெய்து, கல்வியின் தரத்தை மேம்படுத்திவிட முடியாதா?’’

``தமிழகத்தில் 17,000 ஆசிரியர்கள் உபரியாக இருக்கிறார்கள். அதேசமயம் சில குறிப்பிட்ட பாடப்பிரிவுகளை நடத்துவதற்கான ஆசிரியர்களுக்குத் தட்டுப்பாடு இருக்கிறதுதான். ஏனெனில், காலிப் பணியிடங்களை நிரப்புவது தொடர்பாக நீதிமன்ற வழக்குகள் நிறைய நிலுவையில் இருக்கின்றன. இந்தப் பிரச்னைக்குத் தீர்வாக பெற்றோர் ஆசிரியர் சங்கங்களே, தங்களுக்குத் தேவையான தகுதியான ஆசிரியர்களைப் பணியில் அமர்த்திக்கொள்வதற்கு அனுமதி அளித்திருப்பதோடு, ஒரு ஆசிரியருக்கு மாதம் 10,000 ரூபாய் நிதியுதவியும் அளித்துவருகிறோம்.

இதுதவிர, சி.பி.எஸ்.இ தரத்தைவிடவும் மேம்பட்ட புதிய பாடத்திட்டத்தையும் கொண்டுவந்திருக்கிறோம். ஸ்மார்ட் கிளாஸ், கணினி, இணையம் என்று கற்றல் திறனை மேம்படுத்தியிருக்கிறோம். 28,000 ஆசிரியர்களுக்கு லேப்டாப் கொடுத்திருக்கிறோம்.

 “எடப்பாடி பழனிசாமியின் தனிச்சிறப்புகள்...”

ஒரேவிதமான சீருடைகூட குழந்தைகளுக்கு மன அழுத்தத்தைத் தந்துவிடக்கூடாது என்ற காரணத்தினால், நான்கு விதமான வண்ணச் சீருடைகள் தந்திருக்கிறோம். அடுத்த வருடம் ஷூ மற்றும் ஸ்மார்ட் கார்டுகள் கொடுக்கவிருக்கிறோம். தேர்வு முடிவைக்கூட மாணவரின் அலைபேசிக்கே எஸ்.எம்.எஸ்-ஸாக அனுப்பிவருகிறோம். ஆக, நமது மாணவர்களுக்கும் தரமான கல்வியை அளித்து அண்டை மாநில மாணவர்களோடு போட்டி போட்டு வளரச்செய்ய வேண்டும் என்று அரசின் கடமைகளைச் சரிவரச் செய்துவருகிறோம்.”

‘`தேர்வு முறை என்றால் என்னவென்றே சரிவரப் புரிந்திராத 10 வயதுக் குழந்தைக்கு மாநில அளவில் பொதுத்தேர்வு நடத்துவதென்பது சரியான நடைமுறை அல்ல என்ற கல்வியாளர்களின் கேள்வியில் நியாயம் இருக்கிறதுதானே?’’

``பொதுத்தேர்வு முறையை எதிர்த்துக் கருத்து தெரிவிப்பவர்கள் எல்லாம் தங்கள் வீட்டுக் குழந்தைகளை சி.பி.எஸ்.இ பள்ளிகளிலும் தனியார் பள்ளிகளிலும்தான் படிக்க வைத்திருக்கிறார்கள். 3 வயதிலேயே குழந்தையை எல்.கே.ஜி, யு.கே.ஜி எனத் தனியார் பள்ளிகளில் பணம் கட்டிச் சேர்த்து `படி, படி’ என்று சொல்வது மன அழுத்தத்தில் சேராதா? பணம் செலவழித்துப் படிக்க வசதியில்லாத கிராமப்புற ஏழைக்குழந்தைகளும் எல்லோரையும்போல், நல்ல தரமான கல்வியைப் பெறவேண்டும் என்ற நோக்கில்தான் ‘அனைவருக்கும் கல்வி’ திட்டம் செயல்படுத்தப்படுகிறது. தனியார் பள்ளிகளோடு போட்டியிடுகிற அளவுக்கு ஏழை மாணவர்களின் கல்வித் தரத்தையும் முன்னேற்ற வேண்டுமா இல்லையா?”

``ஜெயலலிதாவைவிடவும் சிறப்பாக எடப்பாடி பழனிசாமி செயல்படுகிறார் என்று அமைச்சர்களே சொல்கிறார்கள். மூத்த அமைச்சரான நீங்கள் இந்தக் கூற்றையெல்லாம் எப்படிப் பார்க்கிறீர்கள்?’’

‘`ஒவ்வொருவருக்கும் தனிப்பட்ட சிறப்புகள் உண்டு. மனித நேயம், கொள்கை, லட்சியப் பயணம் என எம்.ஜி.ஆருக்கென்று தனித்துவம் உண்டு. அதேபோல், ஜெயலலிதா அவர்களுக்கு ஆறு மொழிகள் வரையிலும் சரளமாகப் பேசக்கூடிய மொழி ஆளுமை, எடுத்த முடிவுகளிலிருந்து பின்வாங்காத துணிச்சல் என, திறமைகள் பல உண்டு. இன்றைய முதல்வரான எடப்பாடி பழனிசாமி, இன்றைய சூழ்நிலைகளைத் தெளிவாக உள்வாங்கிக்கொண்டு, எல்லோரையும் அனுசரித்தவாறு கட்சியையும் ஆட்சியையும் திறம்பட நடத்திச் செல்லும் திறன் படைத்தவராக இருக்கிறார்!’’

 “எடப்பாடி பழனிசாமியின் தனிச்சிறப்புகள்...”

``மாணவர்களுக்குத் தொழில் நிறுவனங்களில் பயிற்சி அளிக்கப்படும் என்ற தங்களது சமீபத்திய அறிவிப்பு, எதிர்க்கட்சித் தலைவரின் குற்றச்சாட்டை உறுதிப்படுத்துகிறதே..?’’

‘` `எந்தத் தொழிலைக் கொடுத்தாலும் திறம்படச் செய்துமுடிப்பேன்’ என்ற தன்னம்பிக்கையோடு தரமான தொழிற் பயிற்சியை அம்மாணவனுக்குக் கற்றுக்கொடுப்பதில் என்ன தவறு? டிசைனிங், லெதர் டெக்னாலஜி, ஐ.டி., லேத், ஒர்க்‌ஷாப் என அவரவருக்கு விருப்பமான துறையில் தொழிலைக் கற்றுக்கொடுப்பதில் என்ன தவறு?’’

‘`தேர்வு முறைகளில் தோல்வியடையும் மாணவர்கள் பள்ளியை விட்டே விலகிவிடுவதால், குலக்கல்வி முறையைத்தான் இந்தத் திட்டம் வளர்த்தெடுக்கும் என்ற எதிர்க்கட்சித் தலைவரின் குற்றச்சாட்டை எப்படி மறுப்பீர்கள்?’’

``இந்தியாவிலேயே, மிகக் குறைவான இடைநிற்றல் கொண்ட மாநிலமாகத் தமிழ்நாடுதான் இருக்கிறது. எப்படிப் பார்த்தாலும் அரசுப் பள்ளியில் படித்து உயர்கல்வி பயிலச் செல்லும் மாணவர்களின் எண்ணிக்கை விகிதம் 40 விழுக்காடு மட்டும்தான். மீதமுள்ள 60 விழுக்காடு மாணவர்கள் அவரவர் தகுதிக்கேற்ற வேலைகளுக்குத்தான் செல்கிறார்கள்.

குலக்கல்வியைக் கொண்டுவருவதல்ல எங்கள் நோக்கம். பின்லாந்து நாட்டில், 9-ம் வகுப்பு படிக்கும்போதே, தகவல் தொழில்நுட்பம், கணினி உள்ளிட்ட தொழிற் பயிற்சிகளில் மாணவர்கள் தேர்ச்சிபெற்றுவிடுகிறார்கள். 18 வயதுக்குள்ளாகவே யார் துணையுமின்றி, தானே பணி செய்து சுயமாக மேற்படிப்பு படிக்கும் அளவுக்கு முன்னேறிவிடுகிறார்கள். இது என்ன, குலக்கல்வி முறையா?’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism