Published:Updated:

``ஃபிளக்ஸில் என் படத்தை ஏன் போடலை?" - திமுக நகர்மன்றத் தலைவர் வாக்குவாதம்; சமாதானம் செய்த எம்.எல்.ஏ

விழாவில் வைக்கப்பட்டிருந்த ஃபிளக்ஸ்

ராமேஸ்வரம் ராமநாதசுவாமி கோயிலில் முதலுதவி சிகிச்சை மையத் திறப்புவிழாவில் 'ஃபிளக்ஸில் தன்னுடைய பெயர், புகைப்படத்தை ஏன் போடவில்லை என அறநிலையத்துறை அதிகாரிகளிடம் திமுக நகர்மன்றத் தலைவர் வாக்குவாதம் செய்தது பரபரப்பை ஏற்படுத்தியது.

``ஃபிளக்ஸில் என் படத்தை ஏன் போடலை?" - திமுக நகர்மன்றத் தலைவர் வாக்குவாதம்; சமாதானம் செய்த எம்.எல்.ஏ

ராமேஸ்வரம் ராமநாதசுவாமி கோயிலில் முதலுதவி சிகிச்சை மையத் திறப்புவிழாவில் 'ஃபிளக்ஸில் தன்னுடைய பெயர், புகைப்படத்தை ஏன் போடவில்லை என அறநிலையத்துறை அதிகாரிகளிடம் திமுக நகர்மன்றத் தலைவர் வாக்குவாதம் செய்தது பரபரப்பை ஏற்படுத்தியது.

Published:Updated:
விழாவில் வைக்கப்பட்டிருந்த ஃபிளக்ஸ்

ராமேஸ்வரம், திருச்செந்தூர், பழநி உள்ளிட்ட 10 முக்கியக் கோயில்களில் பக்தர்களுக்கு அவசரகால சிகிச்சை அளிக்கும்விதமாக தமிழக அரசு சார்பில் முதலுதவி சிகிச்சை மையம் அமைக்கும் பணி நடைபெற்றுவந்தது. சிகிச்சை மையத்தில் பணியாற்றுவதற்காக டாக்டர்கள், செவிலியர்கள், உதவியாளர்கள் தேர்வுசெய்யப்பட்டுள்ளனர். ராமேஸ்வரம் கோயில் கிழக்கு ரத வீதியில் கோயிலுக்குச் சொந்தமான கட்டடத்தில் ஐந்து படுக்கை வசதியுடன் முதலுதவி சிகிச்சை மையம் தயார் செய்யப்பட்ட நிலையில் அதன் திறப்புவிழா நேற்று நடைபெற்றது.

இதை முன்னிட்டு ராமநாதசாமி கோயில் இந்து சமய அறநிலையத்துறை சார்பில் சிகிச்சை மையத்தின் வெளியே வரவேற்பு ஃபிளெக்ஸ் வைக்கப்பட்டிருந்தது. அதில் முதலமைச்சர் மு.க.ஸ்டாலின், இந்து சமய அறநிலையத்துறை அமைச்சர் சேகர் பாபு, ராமநாதபுரம் எம்.எல்.ஏ காதர் பாட்சா முத்துராமலிங்கம் ஆகியோரின் பெயர்கள் இடம்பெற்றிருந்தன.

வாக்குவாதத்தில் ஈடுபட்ட நாசர்கான்
வாக்குவாதத்தில் ஈடுபட்ட நாசர்கான்

இந்நிலையில் எம்.எல்.ஏ காதர்பாட்சா முதலுதவி சிகிச்சை மையத்தைத் திறப்பதற்காக வந்தபோது, அவருடன் வந்த ராமேஸ்வரம் தி.மு.க நகர்மன்றத் தலைவர் நாசர்கான், கோயில் அறநிலையத்துறை அதிகாரிகளிடம் `விழா ஃபிளக்ஸில் என்னுடைய பெயரைப் போடவில்லை, படமும் இடம்பெறவில்லை’ என வாக்குவாதத்தில் ஈடுபட்டார்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

`ஏற்கெனவே மூன்று மணி நேரம் தாமதம் ஆகியுள்ளது. அடுத்த முறை பார்த்துக்கொள்வோம்’ என எம்.எல்.ஏ காதர் பாட்சா கூறியும், ``இல்லை அண்ணே, ராமேஸ்வரம் நகர்மன்றத் தலைவராக இருக்கிறேன். ஆனால் இவர்கள் என்னை மதிப்பதே கிடையாது. இதற்கு ஒரு முடிவுகட்டுங்கள்” என நிகழ்ச்சியைத் தொடங்கவிடாமல் தொடர்ந்து வாக்குவாதம் செய்தார்.

சிகிச்சை மையத்தைத் திறந்து வைத்த எம்.எல்.ஏ
சிகிச்சை மையத்தைத் திறந்து வைத்த எம்.எல்.ஏ

பின்னர் அவரின் படம், பெயர் இடம்பெற்ற பழைய ஃபிளக்ஸ் பேனரை எம்.எல்.ஏ ஆதரவாளர்கள் கொண்டு வந்து வைத்தனர். அதன் பிறகு சமாதானம் ஆனார். அதைத் தொடர்ந்து எம்.எல்.ஏ காதர்பாட்சா முத்துராமலிங்கம் முதலுதவி சிகிச்சை மையத்தை ரிப்பன் வெட்டி திறந்துவைத்தார்.

நகர்மன்றத் தலைவரின் இந்தச் செயல்பாடு அங்கிருந்த அறநிலையத்துறை அதிகாரிகளை மட்டுமின்றி, ஆளுங்கட்சியினரையே முகம் சுளிக்கவைத்தது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism