Published:Updated:

உ.பி-யில் ரூ.775 கோடி மதிப்பு போதைப்பொருளை பறிமுதல் செய்த குஜராத் போலீஸார்! - சிக்கியது எப்படி?

போதைப்பொருள்

உத்தரப்பிரதேசத்தில் ரூ.775 கோடி மதிப்புள்ள போதைப்பொருள் பறிமுதல் செய்யப்பட்டுள்ளது.

உ.பி-யில் ரூ.775 கோடி மதிப்பு போதைப்பொருளை பறிமுதல் செய்த குஜராத் போலீஸார்! - சிக்கியது எப்படி?

உத்தரப்பிரதேசத்தில் ரூ.775 கோடி மதிப்புள்ள போதைப்பொருள் பறிமுதல் செய்யப்பட்டுள்ளது.

Published:Updated:
போதைப்பொருள்

குஜராத், பஞ்சாப் பகுதிகளுக்கு பாகிஸ்தான், ஆப்கானிஸ்தானிலிருந்து போதைப்பொருள்கள் கடத்திவரப்படுவது சமீபகாலமாக அதிகரித்திருக்கிறது. சமீபத்தில் பஞ்சாப்பில் பல கோடி மதிப்புள்ள போதைப்பொருள் பறிமுதல் செய்யப்பட்டது. ஒரு கயிற்றை போதைப்பொருள் இருந்த தண்ணீரில் நனையவைத்து அதை காயவைத்து இந்தியாவுக்கு கொண்டு வந்தனர். ஆனால் அதையும் அதிகாரிகள் கண்டுபிடித்து பறிமுதல் செய்துவிட்டனர். இதே போன்று குஜராத்தில் நடுக்கடலில் கடந்த மாதம் 24-ம் தேதி நள்ளிரவு குஜராத் தீவிரவாத தடுப்புப் படையினர் ரெய்டு நடத்தி 50 கிலோ ஹெராயினைப் பறிமுதல் செய்து ஒன்பது பாகிஸ்தானியர்களையும் கைதுசெய்தனர். இதையடுத்து இவ்விவகாரத்தில் மத்திய போதைப்பொருள் தடுப்புப் பிரிவினருடன் சேர்ந்து குஜராத் தீவிரவாதத் தடுப்பு படையினர் டெல்லி, உத்தரப்பிரதேசத்தில் ரெய்டு நடத்தி 35 கிலோ ஹெராயினைப் பறிமுதல் செய்து நான்கு பேரைக் கைதுசெய்தனர்.

கயிற்றில் போதைப்பொருளை மறைத்து, கொண்டு வந்த காட்சி
கயிற்றில் போதைப்பொருளை மறைத்து, கொண்டு வந்த காட்சி

கைதுசெய்யப்பட்டவர்களில் ராஜி ஹைதர் என்பவரின் உத்தரப்பிரதேச இல்லத்திலிருந்துதான் 35 கிலோ போதைப்பொருள் பறிமுதல் செய்யப்பட்டது. ராஜி ஹைதர் மேலும் அதிகப்படியான போதைப்பொருள்களைத் தன் சகோதரி வீட்டில் மறைத்துவைத்திருப்பதாக குஜராத் தீவிரவாதத் தடுப்புப் படை அதிகாரிகளுக்கு நம்பகமான தகவல் கிடைத்தது. இதையடுத்து குஜராத் தீவிரவாத தடுப்புப் படை, டெல்லி போலீஸ் சிறப்புப் படை, உத்தரப்பிரதேச போலீஸார் இணைந்து முஜாபர்பூரில் ராஜி ஹைதரின் சகோதரி இல்லத்தில் ரெய்டு நடத்தினர். இந்த ரெய்டில் 155 கிலோ ஹெராயின் பறிமுதல் செய்யப்பட்டது. இதன் சர்வதேச மதிப்பு ரூ.775 கோடி.

இது தவிர ஹெராயின் தயாரிக்கப் பயன்படும் 55 கிலோ பவுடரும் பிடிபட்டுள்ளது. இதையும் சேர்த்து சமீபத்தில் மட்டும் 296 கிலோ ஹெராயின் பறிமுதல் செய்யப்பட்டுள்ளது. இதன் மதிப்பு ரூ.1,500 கோடி. சர்வதேச போதைப்பொருள் கடத்தல் கும்பல் ஆப்கானிஸ்தானிலிருந்து வாகனங்களில் இந்தியாவுக்குள் போதைப்பொருள்களைக் கொண்டு வந்து அங்கிருந்து வெளியிடங்களுக்கு அனுப்புவதை வழக்கமாக கொண்டுள்ளனர். இது தவிர குஜராத் கடற்கரை வழியாக போதைப்பொருள் கடத்திவருவது பாகிஸ்தான் கடத்தல்காரர்களுக்கு மிகவும் வசதியாக இருக்கிறது. இந்தப் பகுதிகளில் கண்காணிப்பு தீவிரப்படுத்தப்பட்டுள்ளது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism