Published:Updated:

`அனைத்து வேட்பாளர்களின் டெபாசிட்டும் காலி!’ - ஆத்தூர் ஐ.பெரியசாமியின் கோட்டை ஆனது எப்படி?

ஐ.பெரியசாமி

இவ்வளவு அதிக ஓட்டு வித்தியாசத்தில் தமிழகத்தில் யாரும் வெற்றிபெற்றிருக்கவில்லை என்றாலும், ஐ.பெரியசாமியை எதிர்த்து களம் இறங்கிய பா.ம.க-வின் திலகபாமா உள்ளிட்ட வேட்பாளர்கள் 19 பேரும் டெப்பாசிட்கூட பெறவில்லை.

`அனைத்து வேட்பாளர்களின் டெபாசிட்டும் காலி!’ - ஆத்தூர் ஐ.பெரியசாமியின் கோட்டை ஆனது எப்படி?

இவ்வளவு அதிக ஓட்டு வித்தியாசத்தில் தமிழகத்தில் யாரும் வெற்றிபெற்றிருக்கவில்லை என்றாலும், ஐ.பெரியசாமியை எதிர்த்து களம் இறங்கிய பா.ம.க-வின் திலகபாமா உள்ளிட்ட வேட்பாளர்கள் 19 பேரும் டெப்பாசிட்கூட பெறவில்லை.

Published:Updated:
ஐ.பெரியசாமி

கடந்த மாதம் 6-ம் தேதி, தமிழகத்திலுள்ள 234 சட்டமன்றத் தொகுதிகளுக்கான பொதுத்தேர்தல் நடைபெற்றது. கொரோனா காலகட்டம் என்பதால், தேவையான முன்னெச்சரிக்கை மற்றும் பாதுகாப்பு நடவடிக்கைகளில் தேர்தல் ஆணையம் கவனம் செலுத்தியது. அதேபோல, கொரோனா நெகட்டிவ் சான்றிதழ் அல்லது இரண்டு டோஸ் கொரோனா தடுப்பூசி செலுத்தியவர்கள் மட்டுமே வாக்கு எண்ணும் மையத்துக்குள் அனுமதிக்கப்பட்டனர்.

ஐ.பெரியசாமி
ஐ.பெரியசாமி

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்தநிலையில் நேற்று நடைபெற்ற வாக்கு எண்ணிக்கையின்போது, தி.மு.க-வின் துணைப் பொதுச்செயலாளரும், திண்டுக்கல் மாவட்டம், ஆத்தூர் சட்டமன்றத் தொகுதி தி.மு.க வேட்பாளருமான ஐ.பெரியசாமி, 1,35,568 ஓட்டுகள் வித்தியாசத்தில் வெற்றிபெற்றார். இவ்வளவு அதிக ஓட்டு வித்தியாசத்தில் தமிழகத்தில் யாரும் வெற்றிபெற்றிருக்கவில்லை என்பது ஒருபுறம் இருந்தாலும், ஐ.பெரியசாமியை எதிர்த்து களம் இறங்கிய அ.தி.மு.க கூட்டணிக் கட்சியான பா.ம.க-வின் திலகபாமா உள்ளிட்ட அனைத்து வேட்பாளர்கள் 19 பேரும் டெப்பாசிட்கூட பெறவில்லை. பா.ம.க-வின் திலகபாமா 30,241 வாக்குகள் மட்டுமே பெற்றிருந்தார்.

ஐ.பெரியசாமி
ஐ.பெரியசாமி

ஆத்தூர் ஐ.பெரியசாமியின் கோட்டை ஆனது எப்படி?

ஆத்தூர் சட்டமன்றத் தொகுதியைப் பொறுத்தவரை, ஐ.பெரியசாமியின் கோட்டை என்றே கட்சியினரிடம் பேசப்படுகிறது. பா.ம.க-வின் திலகபாமா, பிரசாரத்துக்குச் செல்லும்போது, பல கிராமங்களில் அவரை நுழையவிடாமல் திருப்பி அனுப்பிய நிகழ்வுகளும் அரங்கேறின.

மக்களுக்குத் தேவையான குடிநீர், சாலை உள்ளிட்ட அடிப்படை வசதிகளைத் தனது சொந்தச் செலவில் செய்துகொடுக்கக்கூடிய நபராகவும், எளிதில் அணுகி, தங்கள் குறைகளை மக்கள் தெரிவிக்கும் அளவுக்கு எளிமையாகவும் இருப்பதால் மட்டுமே ஐ.பெரியசாமியை ஆத்தூர் தொகுதி மக்கள் இன்றளவும் வெற்றிபெற வைக்கின்றனர். தொகுதியிலுள்ள அனைத்துக் கட்சி நிர்வாகிகளுடனும் பேசிப் பழகும் ஐ.பெரியசாமி, கட்சி பேதம் இன்றி அவர்கள் வீட்டு சுப, துக்க நிகழ்வுகளில் கலந்துகொள்வதை வழக்கமாக வைத்திருக்கிறார். அவரின் பழகும் தன்மையும், எளிமையாக அணுக முடியும் என்பதும் தொடர்ந்து பெரியசாமிக்கு பெரும் வெற்றியை வழங்கிவருகிறது என்கிறார்கள். .

ஐ.பெரியசாமி
ஐ.பெரியசாமி

1989-ம் ஆண்டு ஆத்தூர் தொகுதியில் முதன்முறையாக ஐ.பெரியசாமி வெற்றிபெற்றார். 1991-ம் ஆண்டு தேர்தலில் தோல்வியடைந்த ஐ.பெரியசாமி, 1996-ம் ஆண்டு தேர்தலில் வெற்றிபெற்றார். மீண்டும் 2001-ம் ஆண்டு தேர்தலில் தோல்வியடைந்தார். தொடர்ந்து, 2006, 2011, 2016 மற்றும் தற்போதைய 2021 சட்டப்பேரவைத் தேர்தலில் வெற்றிபெற்றுள்ளார்.