Published:Updated:

என்.ஐ.ஏ சட்டத் திருத்தத்துக்கு தி.மு.க ஆதரவு அளித்ததில் எங்களுக்கு உடன்பாடு இல்லை!

தி.வேல்முருகன்
பிரீமியம் ஸ்டோரி
தி.வேல்முருகன்

வேல்முருகன் திட்டவட்டம்...

என்.ஐ.ஏ சட்டத் திருத்தத்துக்கு தி.மு.க ஆதரவு அளித்ததில் எங்களுக்கு உடன்பாடு இல்லை!

வேல்முருகன் திட்டவட்டம்...

Published:Updated:
தி.வேல்முருகன்
பிரீமியம் ஸ்டோரி
தி.வேல்முருகன்

‘‘தமிழ்க் கலாசாரத்தைக் கெடுக்கும் டி.வி நிகழ்ச்சியை நடத்திவரும் கமல்ஹாசன், தன் போக்கை மாற்றிக்கொள்ள வேண்டும். இல்லையெனில், எங்கள் வேலையைக் காட்டுவோம்’’ என்று மேடையிலேயே பகிரங்க மிரட்டல் விடுத்திருக்கிறார் தமிழக வாழ்வுரிமைக் கட்சித் தலைவர் தி.வேல்முருகன். சமீபத்திய சிறைவாசத்துக்குப் பிறகு உடல்நலம் பாதிக்கப் பட்டிருப்பதாகக் கூறிவரும் வேல்முருகனைச் சந்தித்து, சில கேள்விகளை முன்வைத்தோம்.

‘‘சிறையில் வழங்கப்பட்ட உணவுகளால் உடல்நிலை பாதிக்கப்பட்டிருப்பதாக சமீபத்தில் கூறியிருந்தீர்களே. இப்போது நலம் பெற்றுவிட்டீர்களா?’’

‘‘இப்போது தொடர்ந்து அதிக நேரம் பேச முடியவில்லை. குடல்புண், பார்வைக் குறைபாடு தொல்லைகள் தொடர்கின்றன. கிட்னியின் செயல்பாடும் குறைந்திருப்பதாக மருத்துவர்கள் கூறுகின்றனர்.’’

ஒட்டுமொத்த விகடனுக்கும் ஒரே ஷார்ட்கட்!

கமல்ஹாசன்
கமல்ஹாசன்

‘‘சிறைவாசத்தின்போது நீங்கள் உண்ணாவிரதம் இருந்ததும்கூட உடல்நலப் பாதிப்புகளுக்குக் காரணமாக இருக்கலாம் என்கிறார்களே?’’

‘‘சிறுநீரகம் மற்றும் பார்வைக் கோளாறுகளுக்கு வேண்டுமானால் உண்ணாவிரதப் போராட்டம் காரணமாக அமைந்திருக்கலாம். ஆனால், வயிற்றுக் கோளாறு உள்ளிட்ட பிரச்னைகளுக்குக் காரணம், சிறையில் வழங்கப்பட்ட உணவு முறைகளே. ஏனெனில், சிறைவாசம் முடிந்து வெளியே வந்த கொஞ்ச நாள்களிலேயே வீரபாண்டி ஆறுமுகம் இறந்துபோனார். வன்னியர் சங்கத் தலைவர் குருவும் அப்படித்தான் இறந்துபோனார். மருத்துவர் ராமதாஸ்கூட, திருச்சி சிறையில் அடைக்கப்பட்டு வெளிவந்த பிறகுதான், உடல்நலக் கோளாறுகள் அதிகரித்து, ஓப்பன் சர்ஜரி வரை செய்துகொண்டார். இந்த விஷயத்தில் திருமுருகனும்கூட என்னைப்போலவேதான் குற்றச்சாட்டு சொல்கிறார்.’’

‘‘மண்ணின் மைந்தர்களுக்கே வேலைவாய்ப்பு வழங்க வேண்டும் என்கிறீர்கள். மண்ணின் மைந்தர்களுக்கான அளவீடு எது?’’

‘‘இந்த மண்ணிலேயே நிலம் வாங்கி, தொழில்செய்து 300, 400 ஆண்டுகளுக்கும் மேலாக இங்கேயே வாழ்ந்துவருகிற கன்னடம், தெலுங்கு மக்களையும்கூட இந்த மண்ணின் மைந்தர்களாகத்தான் நாங்கள் பார்க்கிறோம். ஆனால், ‘நாங்களும் பச்சைத் தமிழன்தான்’ என்று வசனம் பேசுபவர்களை நாங்கள் நம்பவில்லை. அவர்கள் குறுகிய காலத்துக்குள் இங்கு வந்து எம்மண்ணில் சம்பாதித்தப் பணத்தையெல்லாம் தங்கள் மாநிலத்திலேயே முதலீடுசெய்து, தங்கள் மக்களின் நலனுக்காகவே வாழ்ந்துவருபவர்கள்.’’

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
என்.ஐ.ஏ சட்டத் திருத்தத்துக்கு தி.மு.க ஆதரவு அளித்ததில் எங்களுக்கு உடன்பாடு இல்லை!

‘‘மண்ணின் மைந்தன் கோஷம் எழுப்பப்படும் மாநிலங்களில் எல்லாம், பிற மொழி பேசுபவர்கள் மீது வன்முறை வெறியாட்டம் நிகழ்த்தப்படுவதுதானே இங்கே வரலாறாக இருக்கிறது?’’

“தமிழர்களை, மற்ற தேசிய - மொழி இனக் குழுக்களோடு ஒப்பிட முடியாது. கர்நாடகத்திலோ, மகாராஷ்டிரத்திலோ தமிழர்களை அடித்து விரட்டியதுபோல நாங்கள் இங்கே யார் மீதாவது தாக்குதல் நடத்தினோமா? தேர்தலில் வெற்றி தோல்வியை நிர்ணயிக்கக்கூடிய வகையில், இங்கே பிற மாநிலத்தவர்கள் வாழ்கிறார்கள். திருப்பூர், வேலூர் போன்ற நகரங்களில் நைஜீரியர்கள், சிங்களவர்கள் என்று வேற்று நாட்டவர்களும்கூட வாழ்ந்துவருகிறார்களே.’’

‘‘சுங்கவரிக் கட்டணம் கேட்டதாக ‘டோல்கேட் சம்பவத்தில்’ வேற்று மொழி பேசும் ஊழியர்களை நீங்கள் தாக்கியதாக வழக்கு உள்ளதே?’’

“டோல்கேட் சம்பவம், அரச பயங்கரவாதத்துக்கு எதிரான தாக்குதல். ஒரு மகிழுந்து வாங்கும்போதே ஆயுள் முழுமைக்குமான சாலைவரியை மொத்தமாகக் கட்டிவிட்ட பிறகும், 15, 20 கி.மீ தூரத்துக்கு ஒருமுறை சுங்கச்சாவடிக் கட்டணம் என்ற பெயரில், குண்டர்களை வைத்து வசூலில் ஈடுபடுவது எவ்வளவு பெரிய அட்டூழியம்! அன்றைக்கு அங்கே இருந்தவர்கள் என் கட்சிக்காரர்களை அவமானப்படுத்தும் வகையில் நடந்துகொண்டனர். இதையடுத்தே எங்களைத் தற்காத்துக்கொள்வதற்கும் அரசுக்குப் பாடம் புகட்டவேண்டும் என்ற எண்ணத்திலுமே அந்தத் தாக்குதல் சம்பவம் நடைபெற்றது.’’

“தமிழ்க் கலாசாரத்தை ஒரு டி.வி நிகழ்ச்சி கெடுப்பதாகக் கூறும் நீங்கள், ‘இந்தப் போக்கை நடிகர் கமல்ஹாசன் மாற்றிக்கொள்ள வேண்டும். இல்லையென்றால், எங்கள் வேலையை நாங்கள் காட்டுவோம்’ என்று மேடையிலேயே வெளிப்படையாக மிரட்டுகிறீர்களே?’’

‘‘அது வேண்டுகோள்தான்... மிரட்டல் அல்ல! ஏற்கெனவே ஒருமுறை அதே டி.வி-யில் ‘கேரளப் பெண்கள் அழகா... தமிழகப் பெண்கள் அழகா?’ என்றதொரு தலைப்பில் விவாத நிகழ்ச்சி நடைபெறப்போவதாக அறிவிப்பு வெளிவந்தவுடன், அதை நிறுத்தச் சொல்லி வேண்டுகோள் வைத்தோம். அவர்களும் ஏற்றுக்கொண்டனர். இப்போதும் அதே டி.வி நிகழ்ச்சி ஒன்றில், பண்பாட்டுச் சீரழிவை உண்டாக்கும் காட்சிகள் தொடர்ந்து ஒளிபரப்பாகி வருகின்றன. அதுபோன்ற காட்சிகள் ஒளிபரப்பாவதை நிறுத்திக்கொள்ள வேண்டும். இல்லையெனில், அதை நிறுத்துவதற்காகப் போராட்டம், ஆர்ப்பாட்டம் நடத்துவோம் என்று எச்சரிக்கைதான் விடுத்திருக்கிறோம்.’’

‘‘என்.ஐ.ஏ சட்டத்திருத்தம் மற்றும் 10 சதவிகித இட ஒதுக்கீட்டுக்கு எதிராக நீங்கள் போராடுகிறீர்கள். ஆனால், கடந்த நாடாளுமன்றத் தேர்தலில், நீங்கள் ஆதரித்த தி.மு.க., காங்கிரஸ் கட்சிகள் இவற்றை ஆதரிக்கின்றனவே?’’

‘‘கடந்த தேர்தலில், நான் காங்கிரஸை எங்கேயும் ஆதரிக்கவில்லை. என்.ஐ.ஏ சட்டத்திருத்தத்துக்கு தி.மு.க ஆதரவு அளித்ததில் எங்களுக்கு உடன்பாடில்லை. தமிழக வாழ்வுரிமைக் கட்சியின் எதிர்ப்பையும் என் வருத்தத்தையும் தி.மு.க தலைமையிடமும் பதிவுசெய்திருக்கிறேன்.’’