Published:Updated:

`நீட், நெக்ஸ்ட், இலங்கை பிரச்னைகளிலும் ரஜினி கருத்து தெரிவிக்க வேண்டும்!' - கார்த்தி சிதம்பரம்

அருண் சின்னதுரை
சாய் தர்மராஜ்.ச

அரசியலுக்கு வருவதாக அறிவித்துள்ள ரஜினி, சமுதாயத்தில் நிலவும் மற்ற பிரச்னைகள் குறித்தும் கருத்தை தெரிவிக்க வேண்டும் என சிவகங்கை எம்.பி கார்த்தி சிதம்பரம் கூறியிருக்கிறார்.

 கார்த்தி சிதம்பரம்
கார்த்தி சிதம்பரம்

சிவகங்கை எம்.பி-யும் முன்னாள் மத்திய அமைச்சர் ப.சிதம்பரத்தின் மகனுமான கார்த்தி சிதம்பரம் தனது கட்சி அலுவலகத்தில் இன்று செய்தியாளர்களிடம் பேசினார்.

கார்த்தி சிதம்பரம்
கார்த்தி சிதம்பரம்

தற்போது விவாதம் செய்யப்படும் காஷ்மீர் விவகாரம் குறித்து நடிகர் ரஜினி கருத்து கூறியுள்ளார். அதேபோல் மாணவர்களுக்கு பெரும் இடியாக இருக்கும் நெக்ஸ்ட், நீட் தேர்வு, இலங்கை பிரச்னை உள்ளிட்ட பல்வேறு பிரச்னைகள் சமுதாயப் பிரச்னைகள் குறித்தும் நடிகர் ரஜினிகாந்த் கருத்து தெரிவிக்க வேண்டும்.

அரசியலில் இறங்க உள்ளதாக தெரிவித்துவரும் ரஜினி, குறிப்பிட்ட சிலவற்றிற்கு மட்டும் கருத்து சொல்லக் கூடாது. எல்லா விவகாரங்களிலும் கருத்து சொல்ல வேண்டும். தற்போது ஆளும் மத்திய அரசு அதிகாரப்போக்குடன் செயல்படுகிறது.

ரஜினி
ரஜினி

பெரும்பான்மை கொண்டு எந்தவொரு சட்டத்தையும் நிறைவேற்றும் நிலைக்கு பி.ஜே.பி அரசு வந்துவிட்டது. நாடாளுமன்றக் குழுவை அமைக்காமல் பி.ஜே.பி அரசு அவசர கதியில் மசோதாக்களை நிறைவேற்றியுள்ளது.

பி.ஜே.பி அரசு காகத்தின் நிறம் வெள்ளை என்ற சட்டம் கொண்டுவந்தாலும் அதில் ஆச்சர்யம் கொள்ள ஒன்றும் இல்லை. ஆர்.டி.ஐ மூலமாக மத்திய அரசுக்கு சங்கடமான கேள்விகள் கேட்டால் பதில் கிடைக்காது. இது ஒரு ஜனநாயகத்துக்கு பின்னடைவு. மருத்துவத்துறையில் முன்னோடி மாநிலம் தமிழகம். மத்திய அரசின் மருத்துவக் கவுன்சில் மசோதாவால் இந்தியாவில் உள்ள 12% தமிழக மருத்துவர்களுக்குப் பாதிப்பு ஏற்பட்டுள்ளது.

கார்த்தி சிதம்பரம்
கார்த்தி சிதம்பரம்

மாநில உரிமை உள்ளிட்ட தனிநபர் உரிமைகளை மிதிக்கும் அரசு பி.ஜே.பி அரசு. முதல்முறையாக ஒரு மாநிலத்தை யூனியன் பிரதேசமாக மாற்றியுள்ளனர்" என்றார்.