மத்திய, மாநில ஆளுங்கட்சிகளுடன் கூட்டணி... முதல்வர், துணை முதல்வரைத் தங்கள் தோட்டத்துக்கே அழைத்து விருந்து கொடுக்கும் அளவுக்கு நெருக்கம். இப்படி இருக்கிற பா.ம.க, தங்களின் கோரிக்கைகளை நட்புரீதியில் சொல்லாமல், மக்களை இம்சிக்கும் வகையில் ரயிலில் கல்லெறிவது, பேருந்துகளில் ஏறி ரகளை செய்வது எனப் ‘போராட்டம்’ நடத்துகிறார்கள். தேர்தல் நெருங்கும் நேரத்தில்... காலையில் போராட்டம், மதியம் முதல்வருடன் சந்திப்பு, மாலையில் ஆணையம் என்று செய்திருப்பதைவிட பெரிய நாடகம் என்னவாக இருக்க முடியும்?

ஓர் அரசியல்வாதியாகக் கடைசிவரை ஸ்டாலினுக்குத் தண்ணிகாட்டினார் கருணாநிதி. பிள்ளைப் பாசத்தில் கருணாநிதியை விஞ்சி நிற்கிறார் ஸ்டாலின்.

அரசியல் வாரிசு என்றால் நடிக்கத் தெரிந்திருக்க வேண்டும். சினிமா வாரிசு என்றால் நடிக்கத் தெரியாவிட்டாலும் பரவாயில்லை!

எல்லாம் தேர்தல் செய்யும் மாயம்... சிவப்புக் கம்பள விரிப்பும், பந்தலுமாக எடப்பாடி பழனிசாமி ஆற்றைப் பார்வையிட்ட நிவாரணப் பணியைத்தான் பார்த்தோமே!

டெல்லி நோக்கிப் பயணிக்கும் விவசாயிகளின் வாகனங்கள் நிறுத்தப்பட்டு, போராட்டக்காரர்கள் மீது வெகு வேகமாகத் தண்ணீரைப் பீய்ச்சியடிக்கிறது போலீஸ். ஒரு பஞ்சாப் இளைஞர் இறங்கி அதை நெஞ்சுக்கு நேராக எதிர்கொள்கிறார். ஒரு இன்ச்கூட அவரை நகர்த்த முடியவில்லை. தங்கள் உரிமை பறிக்கப்படும்போதெல்லாம் வீறுகொண்டு எழும் இந்த விவசாயிகளின் நெஞ்சுரம் ஒரு பக்கம். டிராக்டர் டிராக்டராக நான்கு மாதங்களுக்கான உணவோடு வந்த திட்டமிடல் இன்னொரு பக்கம். இவைதான் மத்திய அரசை விவசாயிகளுடன் நிபந்தனையற்ற பேச்சு வார்த்தைக்கு நிர்பந்தித்திருக்கின்றன!

மக்கள் தீர்ப்புக்குப் பின்னால்!

2020-ல் இவ்வளவு இன்னல்கள் இருந்தாலும், கவனத்தோடும் துணிவோடும் புத்திசாதுர்யத்தோடும் எதிர்கொண்ட நாம் ஒவ்வொருவரும் பாராட்டுக்குரியவர்களே. 2021 நமக்கான பல நல்வாய்ப்புகளைத் தனக்குள் வைத்திருந்து நம்மை ஆச்சர்யப்படுத்தும் எனும் பெரு நம்பிக்கையோடு வரவேற்போம்!

இரண்டு போட்டிகளில் தோல்வியடைந்து, தொடர் கைவிட்டுப் போன பிறகு, மூன்றாவது போட்டியில் களமிறக்கப்பட்டார் நடராஜன். முதல் போட்டியிலேயே ஆரம்ப ஸ்பெல் போட்டு அசத்தி இரண்டு விக்கெட்டுகள் வீழ்த்தினார். அந்தப் போட்டி வெற்றியும் அடைந்ததில் அவருக்கு மகிழ்ச்சி. விடாமுயற்சி, அர்ப்பணிப்பு, திறமையின் மீது நம்பிக்கைவைத்து நிதானமாகக் காத்திருந்தது நடராஜனின் வெற்றிக்கான அச்சாணிகள். இவரது வெற்றி, பலருக்கும் நம்பிக்கை வாசல்களைத் திறந்து வைத்திருக்கிறது.

குறிப்பிட்டுச் சொல்ல வேண்டிய இன்னொன்று: ஸ்கோர் கார்டில், வரிசையாகச் சில பெயர்களுக்குப் பின்னால் தாகூர், ஜாதவ், ஜடேஜா என்று ‘அடையாளம்’ ஒட்டியிருக்க, நடராஜன் என்று பெயர் மட்டும் இருந்ததில் தமிழகமும் நெஞ்சு நிமிர்த்திக்கொண்டது!

இப்போதும் சரி, எப்போதும் சரி... நாகரிகத்தை எடைபோடும் தராசுகள் ஆட்களைப் பொறுத்து மாறிக்கொண்டேயிருக்கும். ஆனால். தான் எதிர்பார்க்கும் அனைத்தையும் பிறருக்கும் வழங்குகிற நடத்தையே எப்போதைக்குமான நயமான நாகரிகம்!

ஒரு நாட்டின் தலைவரையே தேர்ந்தெடுக்கும் அதிகாரமும் கடமையும் ஒவ்வொரு வாக்காளருக்கும் உண்டு. அதற்கான பொறுப்புணர்ந்து செயல்படாதவர்கள்தான் ஆபத்தானவர்கள்!

கனடா அரசு எப்போதுமே இந்தியர்களிடம் கனிவு காட்டுவது வழக்கம்தான். இந்தியப் பண்டிகைகளுக்கு வாழ்த்து தெரிவிப்பதோடு நிற்காமல், மக்கள் கோரிக்கைகளுக்கும் குரல் கொடுப்பது பாராட்டுக்குரியதே!

கதறி அழவில்லையே தவிர, எல்லாரும் கவலைப்பட்டுக்கிட்டேதான் இருக்காங்க. கண்டுக்கலையேனு சொல்றீங்களே தாரிணி!

******

கேள்விகள் அனுப்ப வேண்டிய முகவரி: கழுகார் பதில்கள், ஜூனியர் விகடன்,757, அண்ணா சாலை,சென்னை-600 002

kalugu@vikatan.com என்ற இமெயிலுக்கும் அனுப்பலாம்!