எல்லாம் அரசியல் மிக்கேல்ராஜ்! இதே குஷ்பு, பி.ஜே.பி-யில் சேருவதற்கு ஐந்து நாள்கள் முன்புவரை இதே விவசாயச் சட்டங்களைக் கிழித்துத் தொங்கவிட்டுக் கொண்டிருந்தாரே... உதாரணத்துக்கு அவரின் ட்வீட் ஒன்றைப் பாருங்கள்!

`ஸ்லீப்பர் செல்’ என்கிற வார்த்தையை அடிக்கடி உச்சரித்த தினகரனே ஸ்லீப்பிங் மோடுக்குப் போய்விட்டார். மீண்டும் அவர் வலம்வந்தால் அந்த வார்த்தை உயிர்பெறலாம்!

மிகத் தெளிவாகக் குழப்பி, குழம்பிய குட்டையில் மீன் பிடிக்கக் காத்திருக்கிறது.

ஏன் இல்லை? பிரபல அறிவியல் மேதை ஆல்பர்ட் ஐன்ஸ்டீனுக்கு இஸ்ரேல் நாட்டின் ஜனாதிபதி பதவி தேடிவந்தது. ‘நான் அரசியலுக்கு லாயக்கில்லாதவன்’ என்று மறுத்துவிட்டார் ஐன்ஸ்டீன். ஐசக் நியூட்டனை கௌரவப்படுத்த, இங்கிலாந்தின் நாடாளுமன்ற உறுப்பினர் பதவியை அவருக்கு அளித்தார்கள். எம்.பி-யாக அவர் இருந்தபோது, நாடாளுமன்றத்தில் ஒரே ஒரு முறைதான் பேசினார்... அது: “காற்று வரவில்லை. ஜன்னலைத் திறக்கச் சொல்லுங்கள்” என்பதுதான்.

மத்தியில் குருமூர்த்தியின் குரல் ஓங்குவதற்காகக்கூட இருக்கலாம்!

வெளியிட்ட பட்டியல் சரிதான். ஆனால், கோடிகளிலும் லட்சங்களிலும் நடக்கும் ஊழல்கள் பக்கம் இனி பார்வையைத் திருப்பினால் சரியாக இருக்கும். இல்லாவிட்டால் புலிகளைப் பிடிக்கக் கிளம்பிய வேடன், எலிவேட்டை ஆடிய கதைதான்!

மக்கள் பிரச்னைகளைப் பேச வேண்டிய நாடாளுமன்ற அவையையே, கொரோனா காரணம் காட்டி ஒதுக்கிவைத்த இவர்கள், பல்லாயிரக்கணக்கான மக்கள் கூடும் பிரசாரக் கூட்டங்களை ஜோராக நடத்திக் கொண்டிருக்கிறார்களே!

ஏதேது... நீங்க சொல்றதைப் பார்த்தா, தமிழ்நாட்டுக்கு யார் முதல்வரா ஆனாலும் ரஜினி விலகினதுதான் காரணம்னு சொல்வீங்க போலயே!

முதல்வராவதெல்லாம் ஒரு பக்கம் இருக்கட்டும்... எத்தனை அடிமட்டத் தொண்டர்களுக்கு, வரும் சட்டமன்றத் தேர்தலில் போட்டியிடும் வாய்ப்பை எடப்பாடி பழனிசாமி கொடுக்கப்போகிறார் என்பதையும் பார்க்கத்தானே போகிறோம்!

அதெல்லாம் ஓனர் பிரச்னை!

‘இப்போது இல்லை என்றால் எப்போதும் இல்லை’ என்ற ரஜினி, சரியான நேரத்தில் எடுத்த சரியான முடிவு இது என்று அவரின் நலம் விரும்பிகள் கொண்டாடிக் கொண்டிருக்கிறார்கள் பாஸ்!

பரவாயில்லையே... எடப்பாடியும் ரைமிங்காகப் பேசத் தொடங்கிவிட்டாரே.

கேள்விகள் அனுப்ப வேண்டிய முகவரி: கழுகார் பதில்கள், ஜூனியர் விகடன், 757, அண்ணா சாலை, சென்னை-600 002.

kalugu@vikatan.com என்ற இமெயிலுக்கும் அனுப்பலாம்!