Published:Updated:

அ.தி.மு.க-வுக்கு ஆதரவளித்தாரா தி.மு.க மாவட்டச் செயலாளர்?

செயற்குழுக் கூட்டம்
பிரீமியம் ஸ்டோரி
News
செயற்குழுக் கூட்டம்

புகைச்சலில் கிருஷ்ணகிரி

‘‘நடந்து முடிந்த உள்ளாட்சித் தேர்தலில் கிருஷ்ணகிரியில் தி.மு.க பெருவாரியான இடங்களை இழந்ததற்கு, கிருஷ்ணகிரி மேற்கு மாவட்டச் செயலாளர் பிரகாஷ்தான் காரணம். மூத்த நிர்வாகிகளை மதிக்காமல் அவர் தன்னிச்சையாகச் செயல்படுகிறார்’’ என்று கிருஷ்ணகிரி மாவட்ட தி.மு.க-வினர் புகார் வாசிக்கின்றனர்.

இதுகுறித்துப் பேசிய தி.மு.க-வின் சிறுபான்மைப் பிரிவு மாநில துணைச் செயலாளர் விஜயகுமார், ‘‘கிருஷ்ணகிரி மேற்கு மாவட்டத்தில் வேப்பனஹள்ளி, ஓசூர், தளி ஆகிய மூன்று சட்டமன்றத் தொகுதிகள் அடங்கியுள்ளன. இந்த மூன்று தொகுதிகளும் தி.மு.க வசம் இருக்கின்றன. தளி தொகுதியில் மாவட்டச் செயலாளர் பிரகாஷ் எம்.எல்.ஏ-வாக இருக்கிறார். இருப்பினும், பெரியளவில் வெற்றியைப் பெற முடியவில்லை.

பிரகாஷ் - விஜயகுமார் - வீரா ரெட்டி
பிரகாஷ் - விஜயகுமார் - வீரா ரெட்டி

வெற்றி பெற்ற தி.மு.க கவுன்சிலர்களே மறைமுகத் தேர்தலில் அ.தி.மு.க-வுக்கு வாக்களித்திருக்கின்றனர். இதற்கெல்லாம் பிரகாஷ்தான் காரணம். சூளகிரி ஊராட்சி ஒன்றியத்தில் துணைத்தலைவர் பதவிக்கான போட்டியில் ஐந்து தி.மு.க கவுன்சிலர்களையும் அ.தி.மு.க-வைச் சேர்ந்த ஆனந்துக்கு வாக்களிக்கச் சொல்லியிருக்கிறார் பிரகாஷ். வேப்பனஹள்ளி ஒன்றியத்தில் மட்டும் தி.மு.க-வும் அ.தி.மு.க-வும் சரிசமமான எண்ணிக்கையில் இருந்ததால், குலுக்கல் முறையில் அதிர்ஷ்டவசமாக தி.மு.க வெற்றி பெற்றிருக்கிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

ஜனவரி 21-ம் தேதி சென்னையில் நடைபெற்ற தலைமைச் செயற்குழுக் கூட்ட மேடையில், தி.மு.க தலைவர் முன்பு இந்த விஷயங்கள் அனைத்தையும் நான் பேசினேன். அதனால், ஜனவரி 30-ம் தேதி ஓசூரில் நடைபெற்ற மாவட்ட கூட்டத்தில் மாவட்டச் செயலாளரின் தூண்டுதலால் என்னை சிலர் தாக்க முயன்றனர்’’ என்று குமுறினார்.

தலைமைச் செயற்குழு உறுப்பினர் வீரா ரெட்டி நம்மிடம், ‘‘உள்ளாட்சித் தேர்தலில் நிர்வாகிகளை கலந்தாலோசிக்காமல் தன்னிச்சையாக தன் ஆதரவாளர்களுக்கும் சாதிக்காரர்களுக்கும் பிரகாஷ் சீட் கொடுத்தார். மாவட்ட கவுன்சிலர் பதவிக்கு கட்சியில் உறுப்பினராகக்கூட இல்லாத பெங்களூருவைச் சேர்ந்த ஹேமலதாவுக்கு சீட் கொடுத்தார். இங்கு அறிமுகமில்லாத காரணத்தால், ஹேமலதா தோல்வி அடைந்துவிட்டார். இதுகுறித்து நாங்கள் கேட்டதற்கு, ‘தளபதியின் மருமகன் சபரீசன் பரிந்துரை செய்ததால், கட்சித்தலைமை ஹேமலதாவுக்குத்தான் சீட் கொடுக்கச் சொல்லியிருக்கிறது’ என்று சொல்லி எங்கள் வாயை அடைத்துவிட்டார்’’ என்றார்.

செயற்குழுக் கூட்டம்
செயற்குழுக் கூட்டம்

கிருஷ்ணகிரி மேற்கு மாவட்டச் செயலாளர் பிரகாஷிடம் இந்தக் குற்றச்சாட்டுகள் குறித்துப் பேசினோம். ‘‘சூளகிரியில் தி.மு.க கவுன்சிலர்கள் அ.தி.மு.க-வுக்கு வாக்களிக்கவில்லை. சுயேச்சைக்குத்தான் வாக்களித்தனர். ஐந்து கவுன்சிலர்கள் மட்டுமே இருந்ததால்தான் வேட்பாளரை நிறுத்தவில்லை. ஹேமலதா, எம்.பி பதவிக்கே சீட் கேட்டிருந்தார். அவருக்கு தலைமை சீட் கொடுக்கச் சொன்னதாகவோ சபரீசன் பரிந்துரை செய்ததாகவோ யாரிடமும் நான் சொல்லவில்லை. யாருக்கும் நான் சாதி பார்த்து சீட் கொடுக்கவில்லை. மாவட்ட கூட்டத்தில் கட்சி நிர்வாகிகள் பரிந்துரைக் கடிதம் கொடுத்தவர் களுக்குத்தான் சீட் கொடுக்கப்பட்டிருக்கிறது’’ என்றார்.

புகைச்சல் தொடர்கிறது...