Published:Updated:

சூடு பிடிக்கும் உ.பி தேர்தல்: சமாஜ்வாடி கட்சியை ஆதரித்து மம்தா பானர்ஜி பிரசாரம்!

மம்தா பானர்ஜி

உ.பி. சட்டப்பேரவைத் தேர்தலில் சமாஜ்வாதி கட்சியை ஆதரித்து மம்தா பானர்ஜி பிரசாரம் மேற்கொள்வார் என சமாஜ்வாடி கட்சி அறிவித்துள்ளது.

சூடு பிடிக்கும் உ.பி தேர்தல்: சமாஜ்வாடி கட்சியை ஆதரித்து மம்தா பானர்ஜி பிரசாரம்!

உ.பி. சட்டப்பேரவைத் தேர்தலில் சமாஜ்வாதி கட்சியை ஆதரித்து மம்தா பானர்ஜி பிரசாரம் மேற்கொள்வார் என சமாஜ்வாடி கட்சி அறிவித்துள்ளது.

Published:Updated:
மம்தா பானர்ஜி

உத்தரபிரதேசத்தில் பிப்ரவரி 10-ம் தேதி முதல் மார்ச் 7-ஆம் தேதி வரை ஏழு கட்டங்களாகச் சட்டமன்ற தேர்தல் நடைபெற உள்ளது. தற்போது உத்திரபிரதேசத்தில் யோகி ஆதித்யநாத் தலைமையிலான பாஜக ஆட்சி நடைபெற்று வருகிறது. இந்நிலையில் சுவாமி பிரசாத் மவுரியா, தரம்சிங் சானி, தாரா சிங் சவுகான் ஆகிய மூன்று அமைச்சர்களும், சில சட்டப்பேரவை உறுப்பினர்களும் அகிலேஷ் யாதவ் உடன் இணைந்து கொண்டனர்.

மம்தா பானர்ஜி
மம்தா பானர்ஜி

இதனால் உத்தரப் பிரதேசத்தில் அரசியல் களம் சூடு பிடிக்க ஆரம்பித்துள்ளது. அகிலேஷ் யாதவுக்கு ஆதரவாகத் தேசிய கட்சிகளான திரிணாமூல் காங்கிரஸ், தேசியவாத காங்கிரஸ் ஆகிய கட்சிகள் ஆதரவு தெரிவித்துள்ளனர். அடுத்த நாடாளுமன்றத் தேர்தலில் பாஜகவை ஒழித்துவிட வேண்டும் என்ற கருத்துடன் சமாஜ்வாடி கட்சிக்கு ஆதரவு தெரிவித்து வருவதாகக் கூறப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

உத்தரபிரதேச தேர்தலில் சமாஜ்வாடி கட்சிக்கு திரிணாமுல் காங்கிரஸ் தலைவி மம்தா பானர்ஜி ஆதரவு தெரிவித்துள்ளதாக சமாஜ்வாடி கட்சியின் துணைத் தலைவர் கிரண்மோய் நந்தா தெரிவித்துள்ளார். நேற்று செய்தியாளர்களிடம் பேசிய அவர், ``உத்தரபிரதேசத்தில் மம்தா பானர்ஜி தேர்தலில் போட்டியிட மாட்டார். வாரணாசியில் ஒரு பொதுக்கூட்டம் நடைபெற உள்ளது.

யோகி ஆதித்யநாத்
யோகி ஆதித்யநாத்

இந்த கூட்டத்தில் அகிலேஷ் யாதவ் மற்றும் மம்தா பானர்ஜி கலந்துகொண்டு உரையாற்றுவார்கள். ஆனால் அந்த கூட்டத்திற்கான தேதி இன்னும் இறுதி செய்யப்படவில்லை” என்று தெரிவித்தார். மறுபக்கம் உத்தரப்பிரதேசத்தில் முலாயம் சிங் யாதவ் மருமகள் அபர்ணா யாதவ் பாஜகவில் இணைந்துள்ளார். பா.ஜ.க அமைச்சர்கள் சமாஜ்வாடி பக்கம் தாவி கொண்டிருக்கும் நிலையில், அகிலேஷ் யாதவ் குடும்பத்தில் இருந்து ஒருவர் பா.ஜ.க பக்கம் தாவி இருக்கிறார் என்பது குறிப்பிடதக்கது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism