Published:Updated:

``ஜெயலலிதா போட்ட அந்தக் கையெழுத்து தான்..!" - மின் கட்டண உயர்வுக்குக் காரணம் சொல்லும் அமைச்சர்

அமைச்சர் ஐ.பெரியசாமி

``அ.தி.மு​.​க-வைச் சேர்ந்த முன்னாள் முதல்வர் ஜெயலலிதா உதய் மின் திட்டத்திற்கு கையெழுத்தி​ட்டதுதான் தற்போது மின் கட்டண​ உயர்வுக்குக் காரணம்." - அமைச்சர் ஐ.பெரியசாமி

``ஜெயலலிதா போட்ட அந்தக் கையெழுத்து தான்..!" - மின் கட்டண உயர்வுக்குக் காரணம் சொல்லும் அமைச்சர்

``அ.தி.மு​.​க-வைச் சேர்ந்த முன்னாள் முதல்வர் ஜெயலலிதா உதய் மின் திட்டத்திற்கு கையெழுத்தி​ட்டதுதான் தற்போது மின் கட்டண​ உயர்வுக்குக் காரணம்." - அமைச்சர் ஐ.பெரியசாமி

Published:Updated:
அமைச்சர் ஐ.பெரியசாமி

திண்டுக்கல் மாவட்டம், ஆத்தூர் ஊராட்சி ஒன்றிய அலுவலகத்திற்கு 3​ ​கோடியே 45 லட்சம்​ ரூபாய்​ மதிப்​பீட்டில் புதிய அலுவலக கட்டடத்துக்கான அடிக்கல் நாட்டு நிகழ்ச்சியில் கூட்டுறவுத்துறை அமைச்சர் ஐ.பெரியசாமி கலந்துகொண்டார்.

அப்போது பேசிய அவர், ``​சுதந்திரம் வாங்கிய பின்பு உப்புக்கும், உணவுப் பொருள்களுக்கும் ஜிஎஸ்டி வரி போட்டது ​பா​.ஜ.க அரசுதான்​. ​​​தமிழகத்துக்கான ஜிஎஸ்டி பணத்தை கேட்டு​ப்​பெறும் நிலைக்கு மத்திய அரசு ​கொண்டுவந்துள்ளது.

கட்டட பூஜை
கட்டட பூஜை

​நீட் தேர்வைக் கொண்டு தமிழக மாணவ​ர்களின் மருத்துவ​க்​ கனவை அழித்த பா.ஜ.க அரசு, இப்போது தங்களது கட்டுப்பாட்டில் செயல்படும் பல்கலைக்கழகங்களில் க்யூட் தேர்வை கொண்டு வருகிறது. இதன்மூலம் தமிழக மாணவ​ர்கள் பல்கலைக்கழகங்களில் படிக்க முடியாத நிலை ஏற்பட்டுள்ளது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

​குறிப்பாக​ திண்டுக்கல் மாவட்டத்தில் மத்திய அரசின் நிதியுடன் இயங்கக்கூடிய நிறுவனம் காந்தி கிராமம் கிராமிய பல்கலைக்கழக​ம். இந்தப் பல்கலைக்கழகத்தில் சின்னாளபட்டியைச் சுற்றியுள்ள கிராம மக்கள் மற்றும் திண்டுக்கல் பகுதியைச் சேர்ந்த மாணவர்கள் படித்து வந்தார்கள். ​ஆனால் மத்திய அரசு ​க்யூட் தேர்வைக் கொண்டு வந்ததன் மூலம் இவர்களுக்கு வாய்ப்புகள் மறுக்கப்பட்டு​ள்ளது. வட​மாநில மாணவ​ர்கள்தான் படிக்க முடியும் என்ற நிலை ஏற்பட்டுள்ளது.

ஐ.பெரியசாமி
ஐ.பெரியசாமி

​பா.ஜ.க அரசு அமலாக்கத்துறையையும், சிபிஐ-யையும் தங்கள் கையில் வைத்துக்கொண்டு தவறாகப் பயன்படுத்தி வருகிறது. அரசியல் லாபத்திற்காக சுயநலத்திற்காக அமலாக்கத்துறையை பயன்படுத்தக்கூடாது. மத்திய அரசு ஆணவமாகவும், அதிகாரமாகவும் செயல்பட்டால் சட்டம் அதற்கு இ​​டம் கொடுக்காது​.

​அ.தி.மு​​.க அரசு தமிழகத்தை 10 வருடங்கள் ஆண்டபோது 5​ ​லட்சம் கோடி ​ரூபாய் ​அளவிற்கு கடன் சுமையை ஏற்றி விட்டார்கள். உதய் மின் திட்டத்தில் அ​.​தி​.​மு​.​க அரசு கையெழுத்திட்டதால் இன்று மத்திய அரசு சொல்லும் அனைத்து சட்டத் திட்டங்களுக்கும் கட்டுப்பட வேண்டிய சூழ்நிலை உருவாகி வருகிறது. ​​தமிழகத்தில் இப்போது மின் கட்டணம் உயர்ந்துள்ளது என மத்தியில் ஆளும் பா.​ஜ​.​க மற்றும் அ.தி.மு.க​-வினர் கூப்பாடு போடுகின்றனர். அ.தி.மு​.​க-வைச் சேர்ந்த முன்னாள் முதல்வர் ஜெயலலிதா உதய் மின் திட்டத்திற்கு கையெழுத்தி​ட்டதுதான் தற்போது மின் கட்டண​ உயர்வுக்குக் காரணம். ​ ​

அமைச்சர் ஐ.பெரியசாமி
அமைச்சர் ஐ.பெரியசாமி

தமிழகத்தில் மின் கட்டணம் உயர்வு குறித்து மின்துறை அமைச்சர் இலவச தொலைபேசி அழைப்பு மூலம் கருத்துகளைச் சொல்லலாம் என​க்​ கூறியுள்ளார். லட்சக்கணக்கான பேர் தங்கள் கருத்துகளைப் பதிவு செய்துள்ளனர். ​அது தொடர்பாக முதல்வர் உரிய நடவடிக்கை எடுப்பார்" என்றார். ​