Published:Updated:

கொரோனா: அ.தி.மு.கவில் மூன்றாவது அமைச்சர்! மருத்துவமனையில் செல்லூர் ராஜு

செல்லூர் ராஜு
செல்லூர் ராஜு

கூட்டுறவுத்துறை அமைச்சர் செல்லூர் ராஜு, கொரோனா தொற்று காரணமாக, சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.

அமைச்சர் கே.பி.அன்பழகனுக்குக் கொரோனா; அதிர்ச்சியில் பிற அமைச்சர்கள்... விழித்துக்கொள்ளுமா அரசு?!

தமிழக அமைச்சர்களுக்கு அடுத்தடுத்து கொரோனா தொற்று உறுதி செய்யப்பட்டுவரும் சூழலில், தற்போது கூட்டுறவுத்துறை அமைச்சர் செல்லூர் ராஜுக்கு கொரோனா உறுதி செய்யப்பட்டு, சென்னையில் உள்ள தனியார் மருத்துவமனையில் சிகிச்சைக்காக இன்று காலை அனுமதிக்கப்பட்டுள்ளார். கடந்த வாரம், அமைச்சர் செல்லூர் ராஜுவின் மனைவிக்கு கொரோனா உறுதி செய்யப்பட்டு, சென்னை ராமாபுரத்தில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார்.

செல்லூர் ராஜு
செல்லூர் ராஜு

அவர் அங்கு சிகிச்சை எடுத்துவரும் நிலையில், தற்போது செல்லூர் ராஜுக்கு கொரோனா உறுதி செய்யப்பட்டுள்ளது. இதனால், தமிழகத்தில், அமைச்சர்கள் கே.பி.அன்பழகன், தங்கமணி ஆகியோரைத் தொடர்ந்து மூன்றாவதாக அமைச்சர் ஒருவர் கொரோனா தொற்றுக்கு ஆளாகியுள்ளது குறிப்பிடத்தக்கது.

இது தொடர்பாக செல்லூர் ராஜு நெருக்கிய வட்டாரத்தில் கேட்ட போது, ``அவரின் மனைவிக்கு கொரோனா உறுதி செய்யப்பட்டபோது, செல்லூர் ராஜுவுக்கு மேற்கொள்ளப்பட்ட பரிசோதனையில் நெகட்டிவ் என வந்தது.

Corona Live Updates: `ஒரே நாளில் 3,680 பேருக்கு தொற்று... சென்னையில் 1,205’ - தமிழகத்தில் கொரோனா நிலவரம்

எனவே, சென்னையில் இருந்தே தனது அலுவலகப் பணிகளைப் பார்த்துக்கொண்டிருந்தார். இந்நிலையில், இன்று காலை நந்தம்பாக்கத்தில் உள்ள மருத்துவமனையில் எடுக்கப்பட்ட பரிசோதனையில் அவருக்கு கொரோனா தொற்று உறுதியானது. தற்போது மருத்துவமனையில் சிகிச்சையில் இருக்கிறார்” என்றனர். ஏற்கெனவே உயர் கல்வித் துறை அமைச்சர் கே.பி.அன்பழகன், மின்துறை அமைச்சர் தங்கமணி, முன்னாள் அமைச்சர் வளர்மதி உள்ளிட்ட அ.தி.மு.க முக்கிய பிரபலங்கள் கொரோனா தொற்றால் மருத்துவமனையில் அனுமதிக்கப்பட்டிருக்கிறார்கள்.

அடுத்த கட்டுரைக்கு